إِنَّ الدِّينَ عِندَ اللّهِ الإِسْلاَمُ

الأحد، نوفمبر ١٢، ٢٠٠٦

أشكالية لحية عمرو خالد

بسم الله و الصلاة و السلام علي رسول الله صلي الله عليه و سلم طبعاً العنوان غريب أوي , و لكنها مشكلة بجد
انا عارف ان في حاجات أهم من كده غير لحية عمرو خالد ممكن تشغلني
بس أسمعوني!!!
كنت في الأول مايهمنيش
يربي لحيته مايربهاش
يلبس عمة يطول شعره
هو حر المهم ان الرجل كان بيتكلم كلام جامد
و مؤثر و خاصة في القصص القراني و قصص النبياء
, كنت بحب أسمعه و كل الزملاء في الكلية و النادي و البيت
كان الناس بيحبوه جداً ,
ان ا أفتكر أن كان الناس بينظموا رحلات أسبوعية
عشان يسمعوا الدرس بتاعه في المسجد
و الله كان بيحصل
و كانت بتبقي رحلة أهو نحضر الدرس و نتعشي و نرجع .
و مكنتش أعرف حاجة خالص
, الواحد كان كل اللي بيتكلموا عن الدين بيقولوا الوسطية
وسطية
أه وسطية يعني انت ممكن تعمل اللي انت عايزة
بس تصلي و تصوم و تدفع الزكاة و تحج
مش ديه الفرائض طبعاً
يعني ممكن تروح كافيهات
و تلبسي الحجاب اللي انتي عايزاه او ممكن ما تلبسيش
و يبقي ليك أصحاب بنات
و لو انت ممثلة و عايزة تتعتزلي اوعي تسيبي التمثيل
عادي مش بتأدي فروضك ده الدين دين وسطية
و لو انت راقصة معلش يعني روح أعملي عمرة و لا حج و ارجعي مكله فن
و احنا دينا دين وسطية
والعب كورة يا عم زي مانت عايز و لو عندك ماتش مهم ممكن تفطر
, مش ديه شغلانتك اللي بتأكلك عيش وديه وسطية
برده
انا طولت
و كان ممكن أطول أكتر
بس هو ده اللي كنت بأسمعه أو ممكن تقول ان الواحد مكنش بيدور فكان اللي بيلأيه قدامه بيخده
, و الأستاذ عمرو خالد كان ربنا كرمه في كل وسائل الأعلام
فكان أسهل شئ أنك تسمعله شرايط و كتب
و تلفزيون و نت
ده حتي كوبري ستانلي عليه أعلان لبرنامجه علي أقرأ

و هنا كانت المشكلة اللي عاملهالي عمرو خالد
يعني بعيداً عن أراءه في بعض المواضيع
و شطحاته اللي العلماء بينوها
لكن موضوع اللحية كان مشكلتي
, و اللي عرفت بعد كده انها مش مشكلتي أنا بس
لما عرفت حكم اللحية
, و ربنا أكرمني و التحيت
وطبعاً كلكم عارفين اللي بيلتحي بيشوف أيه من الناس
خاصة في البيت
خاصة الأم
طبعاً البيوت كلها كانت متأثرة بأستاذ عمرو خالد
اللي مش مطلق اللحية
و اللي مفروض انه واجهة الدين
و المثل الأعلي لشباب كتير في هذا الزمان
( و المفروض أن مثلنا الأعلي هو رسولنا الكريم صلي الله عليه و سلم )
و كانت أمي تناقشني في أن اللحية
فرض و لا سنة
و كذلك ابي
و كنت أسوق الأدلة و البراهين
و ينتهي النقاش دائماّ
بجملة طب ما عمرو خالد مش مطلق اللحية
, و أسكت و ما أعرفش أدافع عنه
كنت بحبه في الله
و مكنتش لقيله عذر
كنا في الأول أنا و اصحابي فاكرينه مش مطلقها لأسباب أمنية أمنية :)
طبعاً مش ممكن ماهو خرج بر مصر
يعني و لا أمنية و لا فتحية
يعني مالقتلوش حجة المهم
المشكلة كانت بتزيد يوم بعد يوم
لأن كل ما اللحية بيزيد طولها النقاشات بتزيد
زي ما انتوا عارفين :(

و كل مرة يقولوا طب ما عمرو خالد مش مطلق اللحية و برضه ماعرفش أرد
و الموضيع كانت بتمتد الي زملاء العمل
و رؤساء العمل
و نفس المناقشات و الردود
مش انت بس
كان بيقولوا علي دعة تانيين
بس أنت كنت أكثرهم تأثيراً

و بعد كده قدم عمرو خالد برنامج علي خطي الحبيب المصطفي
و انا كنت متابعه
كان أسلوب العرض بسيط و شيق
و ابتدي الأستاذ عمرو خالد الحلقات
و قال
ان بيحب الرسول عليه الصلاة و السلام
و من كتر حبه
نفسه يمشي علي خطواته يحط رجله مكان ما حطها الرسول صلي الله عليه و سلم
و انا بأسمع الكلام ده أستغربت جداً
و قلت
ألا يكون المحب للحبيب مطيع
وهذا مش أي حبيب ده رسول رب العالمين
و كان هديه صلي الله عليه و سلم أنه يربي لحيت
ه
طب لو كان الرسول بينا
و أحنا بنحبه الحب العميق ده
و كان جالس بيننا و أمرنا
و قال "أطلقوا اللحية و جزوا الشوارب "
حد فينا حيقدر يقول لأ

كان عمرو خالد حيقوم و يمشي و يقول أصلي عندي تصوير و لا أيه الحكاية
هو حب بجد
بجد يعني
طب هو انتم عارفين معني الحب
يا أستاذ عمرو انت عارف معناه
مش انت بتقول انك بتحب الرسول
مش قلت كتير انك بتحبنا في الل
ه
طب فين الحب
طب فين الطاعة
و الله أنا مقدر مجهودك
و لكن التزام سنة الحبيب واجبة في كل الأمور مش
ناخد اللي أحنا عايزينه
و نسيب اللي منقدرش نعمله و نقول وسطية

ديه مش وسطية
ده يبقي أسمه دين تفصيل
و احنا خير أمة أخرجت للناس
يعني أحنا الأفضل
يعني هدي الرسول صلي الله عليه و سلم مفيش بعده
أرجوك يا أستاذ عمرو
ممكن تقول لي
ايه الحكاي
ة
طب قول لنا سبب
طب شيل صورتك من علي كوبري استانلي
و عايز تطلق اللحية و لا ما تطلقاش
أنت حر
انا حتبع حبيبي و قدوتي ورسولنا الكريم محمد صلي الله عليه و سلم
سواء كانت سنة أو فرض
أنا حمشي علي خطاه
خطاه هو
مش خطي حد تاني
لعلنا نرافقه صلي الله عليه وسلم في الجنة

و الله في لسه كلام كتير عايز أقوله
بس ممكن أزعل ناس كتير

اللي عايز أقوله أن عمرو خالد مش أخر حاجة
لسه فيه حاجات كتير لازم نعرفها كلنا
نعرفها من مصادرها
عشان نبقي بجد علي خطي الحبيب المصطفي صلي الله عليه و سلم

بس حختم الكلام
بلأية الكريمة
{وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً }الأحزاب36 {يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً }النساء59















هناك ٧ تعليقات:

غير معرف يقول...

السلام عليكم ورحمة الله وبركاته

اخي الكريم ,,

أول مرة أقرأ نقد بحب لأستاذ عمرو خالد .. أدعو الله ان ينير بصيرته ويهدية ويتم عليه فضله ونعمته .

كنت قد سمعته في إحدى حلقاته يتكلم عن موضوع اللحية وقد قال حسب ما أتذكر انها لا تنبت .. والله اعلى وأعلم .

وسواء نبتت او لا .. فإثبت إذا علمت .

جزاك الله خيرا
أخت من مصر .

رفقة عمر يقول...

انا فعلا عمرو خالد محتارة فى امرة وخصوصا بعد برنامجه اللى كان على المحور ومجمع فيه شباب وبنات فى كامب ومتعايشين عادى ذى ستار اكايمى مشكله عمرو خالد انه عايز يحبب الناس فى الدين وان دينا يسر عايز دين عصرى وانا اعتقد لما شرع الله لنا الدين الاسلام وختم به الرسالات كان يعلم انه صالح لجميع العصةر حتى قيام الساعه فمن شاء فليؤمن ومن شاء فليكفر مش عايزنين نعدل فى الدين ونسهله زيادة عن اللزوم علشان فئه لن تضر الدين فى شئ ولن تنفعه ان اكرمك عند الله اتقاكم غفر الله له ولنا

لقاء الشباب يقول...

لو كانت لحية عمرو خالد لا تنبت
فلماذا اذا يربي شاربه؟؟؟؟
الم يعلم برواية الرجلين الذان اتيا الرسول وقد حلقا لحاحهم واعفا شواربهم
فاعرض الرسول صلي الله عليه وسلم عنهم وقال لهم من امركم بهذا قالا ربنا قصري فقال الرسول اما ربي فقد امرني بهذا وقبض علي لحيته الشريفة عليه الصلاة والسلام

3del يقول...

فعلا موضوع الرجلين اللذين أرسلهما باذان القائم بأمر كسرى على صنعاء إلى الرسول صلى الله عليه و سلمو هما حليقا اللحى و مطلقا الشارب فأدار وجهه عنهما و سألهما من أمركما بذلك قالا أمرنا ربنا (يقصدان كسرى ) فقال صلى الله عليه و سلم لهما إنما أمرني ربي بإعفاء لحيتي و قص شاربي.
المفروض كل ذي لب يتعظ من هذا الموضوع
هل تتحمل أن يبعد النبي صلى الله عليه و سلم وجهه الشريف عنك ؟!!!!
المفروض لو أن عمرو خالد فعلا مطلع على السنة يتبعها بقى لأنه أصبح قدوة لبعض الشباب سواء كان قدوة سيئة أو حسنة فهو أصبح قدوة و السلام.

غير معرف يقول...

When I graduated from Duke University School of Law, I joined [url=http://www.abacusnow.com/hollister.htm]hollister online shop[/url] you have obtained a fake item. Some counterfeiters may top this [url=http://www.abacusnow.com/nfl.html]http://www.abacusnow.com/nfl.html[/url] the cards are shuffled after every hand. Several other types of [url=http://www.abacusnow.com/hollister.htm]hollister uk[/url] homes. He built consensus in the region and introduced a
pumpkin. Push the cut pieces into or out of the pumpkin, whichever [url=http://www.abacusnow.com/michaelkors.html]michael kors outlet stores[/url] story of Aladdin and his magic lamp. It is an entertaining [url=http://www.abacusnow.com/jpchanel.htm]シャネル 財布[/url] that a child go to public school instead of homeschooling. [url=http://www.abacusnow.com/nfl.html]NFL jerseys outlet[/url] productive citizen doing meaningful things and who proudly calls
small knife or carving saw. More light will come through the [url=http://www.abacusnow.com/beatsbydre.html]http://www.abacusnow.com/beatsbydre.html[/url] to carve the lid. Use the long knife to cut a pentagon or a hexagon [url=http://www.abacusnow.com/hollister.htm]hollister uk[/url] to add curb appeal to your home. A lush, green lawn gives your [url=http://www.abacusnow.com/michaelkors.html]michael kors sale[/url] started spreading all over United States. It gained popularity

غير معرف يقول...

I am extremely impressed with your writing skills and also with the layout on your
blog. Is this a paid theme or did you customize it yourself?

Either way keep up the nice quality writing, it's rare to see a great blog like this one nowadays.

my blog post: red bottom shoes

غير معرف يقول...

I blog often and I truly appreciate your content.

The article has truly peaked my interest. I'm going to book mark your website and keep checking for new details about once a week. I subscribed to your Feed as well.

My blog ... polo ralph lauren outlet

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة