إِنَّ الدِّينَ عِندَ اللّهِ الإِسْلاَمُ

الثلاثاء، يوليو ٢٤، ٢٠٠٧

أحوال النية والتدوين

بسم الله الرحمن الرحيم
والصلاة والسلام علي خاتم المرسلين
صلي الله عليه وسلم


عهد جديد
مش عارف ليه بقي حتكلم بأسلوب جديد

يمكن عشان الأسبوع ده أبتدي من يوم الثلاثاء

يمكن بعد تدوينة ماعلينا الصاروخية
واللي ألحقها أستاذ عصفور بتدوينة ذرية

المهم انا بقي عايز أتكلم عن حاجة كاتمها جوايا
ومش عايز أتكلم

لأسباب كتير
أولها أني أتعودت أني لما بوجه نقد لحد , بيعتبره هجوم علي شخصه , ويبطل يجي المدونة
رغم أن الموضوع بيقبي نقد بناء في صورة نصيحة
طبعاً بستثني الناس اللي مستحملاني ولسه بتعصر علي نفسها لمونة وبتزورني

بس بصراحة الواحد لازم يتكلم

طيب ممكن أستدراكة صغيرة
معلش يا أستاذ عصفور حطول في التدوينة دي شوية
:)


نرجع لمرجوعنا
انا كنت عايز أتكلم عن التدوين
أصل رفقة عمر كمان ربنا يجزيها خير كتبت تدوينة أثرت فيا كتير وخلاتني أطلع من مشاعري

المهم بعد المقدمة ديه حطلع اللي جوايا
من أسابيع سمعت عن محاولات المدونين يعملوا جمعيات
ومؤتمرات و و و ووغيره
فقلت لنفسي هو أنا بدون ليه
ليه بجد

؟؟؟؟؟؟

الهدف من التدوين بالنسبة لي
دعوة
لأيه
لدين الله
صح
طب النية سليمة
بحاول أصلحها رغم أنها بتبقاش سليمة 100 %أعمل أيه
طب الدين ده بيدعو لأيه
عبادة الله الواحد الأحد , الفرد الصمد ,
بأن تشهد أن لا أله ألا الله وأن محمد رسول الله
وتقيم الصلاة (كما أمرك بها الله )
وتؤتي الزكاة التي فرضها عليك الله

وتصوم رمضان
وتحج البيت
تأمر بالمعروف وتنهي عن المنكر والفحشاء

دين يدعو الي الفضيلة وحسن الخلق ومعاملة الناس بخلقٍ حسن
دين يدعو لحسن معاملة الكبار وأحترامهم
والرفق بالصغير

دين يدعو للرفق بالقوارير اللي هم
النساء
دين يدعو الي الأحسان الي الوالدين
وبرهما وطاعتهما الا في معصية الله
دين يدعو الي أماطة الأذي عن الطريق
وأن يأمن الجار بوائق جاره حتي يكتمل ايمانه

دين قسم العلاقة بين الرجل وأخيه
وبين الرجل وزوجته
وبين المتوفي ووارثيه
دين علمك كيف تحافظ علي نظافتك
ونظافة ماحولك

دين متين , فألزمك أن توغل فيه برفق
دين نظم المرور حتي فاليمين يمر أولاً

تخيل


فيه سمو أكثر من هذا
طب فيه قواعد يحتاجها أي مجتمع
كبير أو صغير
حتي يسمو ويرقي

محتاج حاجة تانية
قول لي

طب محتاج جمعية أو حزب ليه
محتاج أيه
بمعني لو فيه جمعية دلوقتي

وناس أنضمت ليها
وأنا لأ
وانا أتظلمت
حتعمل أيه
مش حتقف جنبي
الرسول صلي الله عليه وسلم بيقول
أنصر أخاك ظالماً أو مظلوماً
ما أحنا مالناش غير بعض حتي لو أختلفنا في الأراء فأحنا واحد

ليه عايزين تصغروا الدايرة
وتعملو حواليا خطوط عريضة
أيه الهدف
؟؟؟؟؟؟؟؟؟؟؟؟؟؟؟؟؟؟؟؟؟؟؟
يبقي فيه ناس كويسة جوه الدايرة
وناس كويسة برضه بره الدايرة
طب دايرتنا الكبيرة اللي بتجمعنا فين
دايرة الأسلام
دينا وسنة نبينا الكريم
العصمة وحبل الله الذي لا نحتاج أكثر منه

{وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ }آل عمران103
--------------------------------------------------------------------------
ساعات كنت بحس أن التدوين ده حاجة جميلة
ونعمة من الله بها علينا لنخرج الي افاق واسعة
ونفك أيدينا المكبلة للدعوة في سبيل الله

بعد شوية حسيت أن التدوين بالنسبة لينا
عامل زي مايكون
واحد مريض
وجتله النوبة
فالممرض جه وصل أسلاك كتير بجسمه
وهو مش فاهم
الأسلاك ديه فيها حاجات تنفعه
وحاجات
بتقتله
أحنا المريض
وحاجات كتيرة بتتسرب لقول ناس كتيرة منا من غير ما بيحسوا
حاجات كويسة
وحاجات خطيرة
لازم الحذر منها
والتسلح بالعلم

العلم بما يجعلنا أقوياء

مش كلام والله


------------------------------------------------------------------------------------
مش كل حوار بيتفتح لازم ندلي بدلونا ونقول رأينا
لأن مش كل الناس عارفه كل حاجه
مش لازم تعلق علي كل المواضيع
ساعات التعليق بيفقد أصل الموضوع غرضه
وبخرج الموضوع عن هدفه
ويخرج التعليقات عن مضمون الموضوع أيضاً
سبب الاضافة ديه هو رؤيتي للعديد من الحوارات في الأيام الماضية
بين أخوننا وأخوتنا سيوف الدفاع عن الدين علي النت
وبين بعض الملحدين والعلمانين والشواذ
وانا ليا رأيي اللي كنت عايز أقوله
الناس اللي داخله علي النت تقول مثلاً أحنا شواذ أو ملحدين
ورافعين اليفط العريضة
والغريبة من جحورهم
هدفهم أيه؟؟؟؟؟
يعني عايزين مساعدة
ولا عايزين ينشروا فكرهم
من منبر ضيق
ولكنه بيحقق هدفهم
ويقولوا أحنا موجودين
ولينا رأي

ولو حد أعترض

يخبط دماغه في الحيطة

أتخن حيطة

أو يأخد تاكسي ويروح لحد الكورنيش ويشرب من البحر

وهما ما بيسمعوش حد

ولا عايزين يفهموا من حد

اللي فهموه فهموه

اتمني أن تكون وجهة نظري المتواضعة وصلت للجميع دون أساءة لأحد

وأتمني لكم جميعاً طيب العيش

وتستحملوني أكثر

لأني حكتب كتير بقي

J

معذرةً




هناك ٣٢ تعليقًا:

مشروع انسان يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

عصفور المدينة يقول...

أخذت قرار أن أحذف أي تعليق يقوم صاحبه بوضعه عندي لمجرد الدعوة إلى أي شيء مهما كان نبيلا طالما أنه لم يكلف نفسه بمجاملتي حتى بالتعليق على الكلام اللي أنا كاتبه
وكأن اللي أنا كاتبه هذا ليس كلاما وأن ما يدعو إليه أهم منه
ممكن ولكن من حقي أن تستخدم التعليق للغرض الذي وضعته له

بخصوص الموضوع رجاء قراءة تعليقي على تدوينة صاحب البوابة
https://www.blogger.com/comment.g?blogID=28875776&postID=8877039226779016440

عصفور المدينة يقول...

أنقل التعليق هنا

وأؤكد على دعوتي للأخوة على الانخراط في التدوين والإصلاح بدلا من الانخراط في التحابيش التي حول التدوين من قبيل سأغيب عنكم
عدت إليكم
سامحوني اعذروني
وقد كتبت هذا الكلام في تدوينتي هذا الاسبوع بعنوان
أرجوكم اسمعوني
وقد لاحظت أن حضرتك مررت على مدونات كثيرة محلقا خارج السرب وهذا السرب كان يقدم مشاكل وأيضا معها حلول
وضربت الذكر صفحا عن كلمة مشاركة في ذلك السرب
أو النظر بعين الاعتبار لما كتبه ذلك الجمع الكبير والحافل بالمشاكل والحلول والفوائد
أنا لا ألومك على دعوتك لقراءة تدوينتك تلك ومتابعة التغير الذي تنوي إدخاله على مسار مدونتك وقد رأيت بعض الإخوان طرحوا كلمة من الدكتور الزعفراني وهي نافعة جدا وفيها نصائح عملية
فمرحبا بالتغيير عمليا
وياريت نقلل من الوعود الانتخابية
وأيضا أقول ياريت نقرأ تدوينات الآخرين بنفس العين التي نريدهم أن يقرؤوا تدويناتنا
نحن نسيج واحد متجانس ليس هناك مسرح يعلوه أحد وجمهور نحن كلنا في اجتماع مغلق دائم بهدف الإصلاح
أيدك الله

BinO يقول...

المشكلة انه مكلفش خاطرة يقرأ ولو سطرين ثلاثة وكان حيعرف أن موضوع التدوينة ضد ما يعلن عنه هو شخصياً
---------------------
أنا كتبت قبل ذلك ان موضوع مقابلات المدونون أرفضه شكلاً وموضوعاً لأنه يلغي الهدف من التدوين أساساً
والتجمعات ديه أن كتبت عنها في الموضوع لو هو مقرأش
ومش حمسح تعليقه بعد أذنك يا أستاذنا لعله يعود
:)

BinO يقول...

عموماً جزاكم الله خيراً استاذ عصفور وردك واف وكاف بس هو لم ينشر ردك في مدونته بعد
:)

عصفور المدينة يقول...

لا أنا وضعت هذه التعليق عند أخينا صاحب البوابة ووضعت عتابا لأخينا إمام الجيل الآن

mohand يقول...

السلام عليكم
ايه يا عم دا انت نزلت موضوع قبل ده قريب وانا مش شوفته
هشوفه بعد ما اكتب التعليق
بالنسبه لكلامك انا متفق معاك
بس المقارنة بين الشواذ والمثليين وبين الملحدين مختلفة
الملحد ده لو كان مسلم طلع من الاسلام عن علم يبقي مفيش منه امل لانه عارف الغلط والصح فين
اما لو كان ملحد من الاصل ممكن نحاول نفهمه علشان ميغرش ناس تانيه

اما الشواذ بقي دول ناس متبعه شهواتهم وبعيدين كل البعد عن الله
يعني احنا نحاول نفهمهم انهم غلط

بس المشكلة انهم رافضين ده اصلا
ادينا بنحاول ولما بنفشل بنسكت
وعلي فكره انا مش اي تدوينة منهم برد عليها ويعلم ربنا بحاول اقلل بقدر الامكان

تحياتي

مشروع انسان يقول...

لا حول ولا قوة الا بالله العلى العظيم
والله ما كنت ادرى ان يكون رد اخواننا هكذا وهم كنت انتظر منهم التشجيع اولا قبل اى شئ سبحان الله ولكنى عتبت على اخونا عصفور المدينة فى مدونته خصوصا انى بزوره علطول فاذا كتبت عن موضوع تانى سريعا من غير ما اعلق اعتقد يبقى شئ بسيط جدا اوى وعادى
انا شايف ان فيه دنيا دخلت بينا الكلام ده مش طبيعى ومكنتش انتظر منكم بالذات كده هذا عتابى
وهانا عدت اخى حتى ارد اخى انا كنت اضع ما سميتموه اعلان عند مدونات كثيرة جدا جدا ولا اعلم ايهم يعارضنى وايهم معى واذا قرات الموضوع عندى فانا اريد من يعارض ومن يؤيد حتى نستفيد وحتى نتعلم فلا يملك احدنا العصمة والحق دون الاخر فقدا تخطئ وقد اخطئ واذا كان راى حضرتك بعدم قبول الفكر فرايى مضاد لهذا ويجب ان نحترم الراين والله العظيم زعلان منكم جدا يا اخوانا الله يسامحكم بجد هذه نقرة
اما الاخرى اخى فالموضوع نفسه نعم كما قلت الاسلام ارحب من الجمعيات وهكذا ولكن لكى نحقق شيئا بالفعل يجب علينا العمل عملا جماعيا حتى يتحقق النفع وحتى نستفيد ونفيد ونعين بعضنا البعض انا لا اتكلم عن جماعات اسلامية اتكلم عن حركة للمدونين وفقط ولا اعلم مدى ضررها فالاسلام يدعو للتحرك والتغيير وانكار المنكر والامر بالمعروف وكيف يتم هذا عبر المدونات وحسب من دون المشاركة باليد قد تكون خطوة ايجابية ولكن لماذا لا نتقدم الى الافضل طالما بايدينا فعله
وجزاك الله خيرا اخى
ارجو ان تزور مدونتى باستمرار

لحظة يقول...

ما اقدرش اقول اني بادون من اجل الدعوة
فانا اقل من ذلك بكثير
انا ادون لان افكارا كثيرة تعتمل بداخلي
مشاركتها مع غيري واخراجها يريحني
وليست كل الفكار تخرج
وليس كل الناس يمكن مشاركتهم
اتحرى في كتاباتي انه ما يلفظ من قول الا لديه رقيب عتيد
استفيد من اراء غيري
اعرف الدنيا بيحصل فيها ايه
ارجو ن يكون عملا طيبا ومفيدا
وبصراحة لا احتمل ان اقرا او ان اشارك من يخالفني بشده في معتقداتي وبالذات الدينيه
ليس لدي الحجة لمجادلتهم
ولا العلم لمحاولة دعوتهم
فابتعد
وارجو ان يكون هناك من هم اعلم مني واقدر يتكلمون ويحاورون

BinO يقول...

امام الجيل
أنت نفسك الأن خالفت مبدأ الرأي والرأي المضاد فما تراه أنت عادي يره أخرون غير عادي
أخي في الله
كما ضايقتك كلماتنا
لإان وجود تعليق منافي لموضوع مكتوب يبعث للضيق
خاصة لو ان صاحبه لم يقرأ

وكلماتي وكلمات أستاذ عصفور عتاب فقط
عتاب
مش محتاج للضيق ده كله

BinO يقول...

مهند
:)
طبعاً مش محتاج أرد عليك
بس منتظر تعليقك علي اللي فات
:)

BinO يقول...

أختنا لحظة
كل كلمة لها قيمتها لو راعها من قالها
ولو أصلح النية بها مهما كان ثقلها فتكون دعوة يهدي بها

أهم ما في الموضوع أن يدعو الأنسان قدر علمه بالله
بمعني متي تعلمت الصلاة فأنت تدعين لله وتعلمين غيرك الصلاة
وهكذا كلما أرتقي علمك أرتقت دعوتك
مهما كان صغرها


فكرة التجمع أنه بدأ في رأيي بأجتماع مدعو أليه ناس كتير
يعني أختلاط مبدئياً
بين نساء ورجال
ثانياًفي نظري فهو يخرج عن هدف التدوين البسيط العميق في الدعوة في سبيل لله دون أن نسعر من قلوبهم غل علي الدعوة
تماماً كما حدث بالنسبة للحركة السياسية

أنا رأيي ان التجمع موجود دون أن يكون موجود بالشكل ده
ليه الأسس موجودة عند كل واحد فينا فمش محتاجين نحط قواعد وأسانيد ودساتير
لأن دستورنا منزل من فوق سبع سموات
لو كل واحد بدأ بنفسه وعمل طبقاً لهذا الدستور
حتلاقي الحلقة بتكتمل تلقائياً
دون تنظيمات أو جماعات
ده رأيي
أللي لمسته خلال الفترة القصيرة جداً الماضية
بدليل أن الناس ديه متجمعة مع بعض دلوقتي بيعلقوا علي مواضيع بعض

أما أحتياجنا لحل جديد معناه أننا ناقصنا حاجة أو محتاجين حل عشان دخل حد وسطنا " غير مرغوب فيه " مثلاً

ده رأيي الفقير

الباحث عن الحقيقة يقول...

جزاك الله خيرا اخ بينو

نسأل الله ان يرزقنا واياكم الاخلاص

عصفور المدينة يقول...

اين أنت

أمــانــى يقول...

الســـلام عليكم
أولآ انا مش شايفة انه ممكن حـد يزعل من كلام حضـرتك لان كده تقريبآ قولت كل اللى حضرتك عايز تقوله
وحضــرتك كده لا تكذب ولا تتجمل
:D

وانا عايزة اقول لحضــرتك اللى بيكتب حاجة فى الدين او مدونته بيقول كلمة حــق اكيد بيأثر فى الناس
ومن حقى اعلق حتى لو مش هيزيد لانه ساعات بيكون واجب لانه لازم يكتب ويستمر واكيد هيجى اليوم اللى حد هيستفد منه
انا واحدة من الناس دى اللى هى بستفاد من المدونات وكانت سبب انى ابدأ فى التغيير واغير حاجات كتيرة جوايا ومن نظرتى للاشياء علشان كده بأحسه واجب انى كلمتين حتى لو كان دعاء لانه فعلا يستحقه لانه بيعمل شئ مفيد
اما بقى المدونات بتوع الشواذ دول ناس مش بتخاف ربنا والهدف من مدونتهم والله اعلم انهم عايزين يقولوا للناس اننا عاديين وعايشين حياتهم عادى
وانا اؤيد كلام الاســتاذ مهند من ناحية انهم ممكن حد يهديهم

BinO يقول...

الباحث عن الحقيقة
واياكم

عصفور المدينة
انا جايلك

BinO يقول...

أستاذة اماني
جزاكم الله خيراً علي الدعاء طبعاً والتشجيع
بس انا بتكلم عن الناس اللي بيذهبوا بالموضوع الي مناطق أخري تفقد التدوينة أصلها وتدفع التعليقات الي مناطق أخري

Bella يقول...

انا ايضا لااوافق على عمل تجمعات للمدونين ولا احب هذه اللقاءات لاسباب كثيرة

ولكني صراحة ادون لاتشارك افكاري مع الآخرين واستفيد من افكارهم واعتبر تبادل المعلومات بمثابة زكاة العلم التي يجب أداءها

mo'men mohamed يقول...

أخى / أختى بينو
أولا أحب أحييك على طريقتك الرائعة فى طرح النقد و مناقشته

المدونة أخى ليست سوى ورقة بيضاء يخط بها المرء ما يحلوا له وما يدور بخاطره
وتختلف طريقة العرض من إنسان الى التانى
وبما إننا مسلمين و لسنا كأى مسلمين فنحن دعاه
لذا علينا أن نستغل خواطرنا وأفكارنا بحيث تحسب لنا عند الجليل فى ميزان حسناتنا وذلك لن يكون سوى بوضع نية الدعوة الى سبيل الله وغيرها من النوايا الطيبة
و مش شرط انها تكون كلها أحاديث وآيات و مقالات دعوية
قد تكون قصة صغيرة يخرج منها القارىء بمعنى وعبرة جميلة
ممكن كلمة طيبة تلقى المحبة فى الله فى قلب من أمامك
من كلمة عتاب تصلح حال أخ
حاجات كتير وأفكار أكتر

شىء تانى
بالنسبة للتجمعات و غيرها
إيد لوحدها متسقفش
مفيش مانع انى اتجمع
مفيش مانع انى اكون تكتلات
بس بشرط
اولها ان التكتل ده يكون قائم على حدود الله لا واقع فيها
تانى حاجة ودى الحاجة اللى انت ذكرتيها بصورة غير مباشرة
انى لا انطوى على نفسى
بل اقيم تكتل غايته مساعدة الجميع أيا كانوا


ولا تعتذرى ما دمت على حق وما دمت لم تخطأى

السلام عليكم

مشروع انسان يقول...

السلام عليكم
اولا بقول لحضرتك ان استاذ عصفور رجع التعليق وصالحنى كمان يا اخى ممكن يكون عندك حق فيما تقوله لكن طريقك تعاملك فى اخذ حقك هذا قد تخسرك اناس كثيرون ولكن مش هتخسرنى زى ما بيقولوا ما محبة الا ما بعد مش عارف ايه وبكده مش هتقدر تنسانى بقى وهنط فى كل موضوع واعلق ايه رايك بقى انت اللى جبته لنفسك اما موضوع التجمعات انا بينت رايى فى تعليق سابق اذا كانت مدونة حضرتك دعوية وفقط يبقى خلاص عادى مش لازم تجمع بس اذا كنت عايز الحرية للبلد وتخلصها مما هى فيه وتحكم بشرع الله وتامر بالمعروف وتنهى عن المنكر كل ده مش هييجى عبر النت وفقط لازم ننزل بين الناس هو ده الفرق مش مختلفين اخى فى شئ ربنا يكرمك

الطائر الحزين يقول...

جزاك الله خيرا يا أخى

بس لازم نراعى الفروق الفردية بين الناس يعنى ممكن انا افهم مغزى تدوينة معينة بشكل مختلف عن المراد لها واعلق فى هذا الاتجاه وبذلك انت تراه يبعد بهذا عن الغرض من التدوينة مع انه ساعات لا يقصد ان يبعد عن الهدف من التدوينة

تحياتى

BinO يقول...

أمام الجيل
:)
يا أخي انا ما أخدتش حقي ولا عملت حاجة الموضوع ببساطة أني لقيت تعليقك
رحت بسأل أستاذ عصفور فقالي أنه مضايق من الأسلوب ده برضه وأنه كتب تعليق عندك رحت عندك ملقتوش وقلتلك تعالي اقرأ الموضوع تاني جيت فقلت لعصفور فقالي أنني فهمت غلط وان التعليق كان عند صاحب البوابة
:)
يعني مفيش غلط
ولا حق أتاخد ولا حاجة
أنت بس أنفعلت شوية
أنا كتبت موضوعي وعارف أنه تقريباً محدش حيقرأه لأن عدد زوار مدونتي محدودين بطبيعة الحال يعني مش كاتبه ضد حد بس حبيت أني أقول رأيي خاصة وأن علاء مطلق الحملة بيزورني احياناً
طبعاً أنت تشرف في أي وقت
والأختلاف في الرأي ليس سبب أبداً للأفتراق
بالنسبة للتغيير فالمولي عز وجل يقول
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11
وده اللي أنا مؤمن بيه
تغيير قمم الجبال لن يشعر به ساكني السفوح
وجزاكم الله خيراً

BinO يقول...

Bella
فعلاً أنا أستفدت من موضعات المدونات كتير

BinO يقول...

أخي مؤمن
أنا أخوك يا ابني ايه أختي ديه
:)
بالنسبة لموضوع التكلات أنا قلت رأيي في الموضوع
:)

BinO يقول...

الطائر الحزين
هوه ده اللي أنا بقوله
بدال أنا مش فاهم معلقش
يعني لو معلوماتي قليلة
أسكت أو أسأل
مش أتكلم من غير علم
بس
هيه ديه وجهة النظر

رفقة عمر يقول...

كل كلمه فى البوست دة كانت جوايا
وفعلا انا لما دخلت التدوين كنت فرحانه جدا انى فيه مجال ااقدر اعبر فيه عن حبى لدينى وتمنيت ان احد يشعر بما اشعر به
اكتشفت انه قله قليله الى ممكن تتاثر وتحس باحساسى وتتفاعل به
واحيانا فيه تعليقات اشعر بصاحبها انه لم يقرا الموضوع اصلا لانى احبه انه يضيف للموضوع باضافه معلومه انا نسيتها وبكدة يستفيد ايضا من يقرا الموضوع والتعليقات
علشان كدة من المدونين اللى انا سعيدة بيهم جدا واتمنى انك تساعدهم اخى بينو هو عبدالله صاحب مدونه خرم ابره
لانه فعلا بجد نفسه يبقى كويس وبيتاثر فعلا وبيستجيب
ياريت بجد تشجعه من فضلك دة لينك مدونته
http://5ormebrah.blogspot.com/
لان فيه ناس كويسه فعلا محتاجه اننا نقف جنبهم
وانا معاك انى لا احب الجماعات ولا التنظيمات
انا اتبع القران والسنه وبس
وانا تحت لواء الاسلام
لكن يحدث تكتلات وصراعات وفرقه لا احب دة نهائى ولا اشجعه
اوعى تفقد حماسك للتدوين
علشان انا زى ما قال ماعلينا مش ينفع ادون من غيركم

رفقة عمر يقول...

نسيت ااقول عجبتنى قوى الصورة اللى بتتكلم عن رمضان
انا بحب اى حاجه عن رمضان
جميله فعلا وتثير المشاعر بجد

محمد عبد الغفار يقول...

بالنسبة للنقد تعالى عندى وشرح المدونه ولا يهمك هزورك بردو

بالنسبة للجمعيات والروابط والذى منه بغض النظر عن الوجهه الشرعيه التى اتجهت اليها ، فهذا التنظيمات هى اول مسمار يدق فى نعش التدوين

BinO يقول...

أختي رفقة عمر
جزاكم الله خيراً
أنا زرته في المدونة
ربنا يكرمك

بالنسبة للصورة بتاعت رمضان
لو عجبتك ممكن تحطيها عندك
حقوق النشر غير محفوظة

BinO يقول...

أستاذ محمد
حمداً لله علي سلامتك
والله واحشني
وأسف لأني علقت عندك من غير ما أكمل ما كتبته فتسرعت لأني كنت قلقان عليك جداً
أتمني أن تكون بخير الأن
أمين
تشريح أيه بس يا أستاذنا
مفيش تشريح ولا حاجة
تعرف أنا كنت ناوي أشتكيلك من حد بس هو أنقذ نفسه
:)
:)

ftataljanna يقول...

السلام عليكم

اعذرنى اخى الكريم انى ما علقتش على موضوعك بس النت كان فاصل من الشركة واديني اهو بحاول اعرف الجديد بتاعكوا كلكوا

فاعذرنى

اما طبعا عن باقلا كلامك فانا شايفه انه اكيد عندك حق فى كل اللى قلته

فعلا

بس يا اخى جايز الناس اللى ادلوا بدلوهم فى بعض المواضيع فعلا كانوا مضطرين لانهم امروا بالامر بالمعروف والنهى عن المنكر

وزى ما قلت قبل كده

الناس دي اخدوا الخطوة بالمجاهرة

للاسف المفروض يطبق عليهم الحد فى الاسلام بس مين هايطبقه

فاحنا لازم نرد وبعنف كمان

احنا لما نسكت مش هانبقى بنغطى عليهم ولا لما نتكلم هانبقى بنعملهم دعاية مجانية الناس دي موجودة ولو انا او غيري اتكلمنا عنهم او ما اتكلمناش اكيد هاييجي يوم وحد يدخل عندهم ويشوف فكرهم

وساعتها .........

لازم يكون عارف ان فى ناس كده ويكون لقى اللى يحذره منهم

انا موافقاك على فكرتك جدا واحنا فعلا بنعملهم دعاية بس دعاية سلبيه

ومضطرين لان بينا او من غيرنا اللى يتخاف عليهم هايعرفوا فيعرفوا مننا احسن ما يتاخدوا على عماهم

BinO يقول...

فتاة الجنة
الحمد لله ان وجهة نظي وصلت
وأنا فعلا ًمقدر مجهودك
وأعلم الواجب الدعوي
واتمني أن يفيق هؤلاء مثلك
ولكن التجربة أثبتت العكس

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة