ضد الكسر

بسم الله و الصلاة و السلام علي رسول الله
صلي الله عليه وعلي أله و صحبه وسلم

غريبة دنيتي
ساعات بحس اني معايا كل حاجة
ومبسوط بأي حاجة
ومفيش مشاكل مع اي حاجة

وغريب يا قلبي
وصغير وكاشش
مش عارف تعافر
ولا انت داري بحاجة

مش عايز اتكلم عن الحب
كلام كتير أتقال فيه
وناس كتيييييير ضيعوا حروف في وصفه
بس مش ممكن حد حيقدر يوصفه
حتي لو حسه من ساسه لراسه

كانوا فاكرني زجاج
وكمان ممكن أنكسر
بيحبوني بجد مش هزار يعني
الحكاية
أني رجعت , ولما رجعت لاقيت الناس متغيرة
كلامهم ونبراتهم
حتي كلامهم اللي منطقهوش متغير
حاسس بحاجة متغيرة
حتي الألوان
مغمقة
حتي امي لما أترميت في حضنها
كان فيه حاجة متغيرة
وصبروا عليا
وامي اللي قلتلي
هيا أكتر واحدة عارفاني وحافظاني
لقد توفاه الله
الحاج سيد
والد خطيبتي
الشعور مش عارف كان فيه ايه
مليان وفاضي
مش عارف اعبر
وأتكلم
وتوفي من 15 يوم كمان
وسالت أدمعي رغماً عني
يعلم الله اني كنت أحبه حباً شديداً مثل والدي
أحسبه أنه كان تقياً نقياً
كان ودوداً ومحباً للجميع
لطالما أتذكر حوراتنا
وأتذكر وقفوفه بجواري ومساندته لمبادئي وأفكاري
كم أفتقد فطرته
أسأل الله أن يرحمه

أتفقوا جميعاً ألا يخبروني
قلت للأمي
أنت عمرك شفتيني زجاج
عمرك شفتيني بنكسر
هذا قضاء الله

غضبت قليلاً وقدرت حبهم لي في نفس الوقت
وحزنت علي الثواني والدقائق التي فاتت دون أن أراه
وأيقنت أنه لن يعود
فبكيت
نعم لن يعود حتي يأذن الله عز وجل
لن أتكلم معه مرة أخري
لن أراه
أن الموت لمصيبة حقاً
الحقيقة التي يجتمع كل من علي الأرض علي صحتها
كل سيموت
كل ملاق ربه
ساعات باقية
أو دقائق
أو لعلها لحظات

{أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ وَإِن تُصِبْهُمْ حَسَنَةٌ يَقُولُواْ هَـذِهِ مِنْ عِندِ اللّهِ وَإِن تُصِبْهُمْ سَيِّئَةٌ يَقُولُواْ هَـذِهِ مِنْ عِندِكَ قُلْ كُلًّ مِّنْ عِندِ اللّهِ فَمَا لِهَـؤُلاء الْقَوْمِ لاَ يَكَادُونَ يَفْقَهُونَ حَدِيثاً }النساء78

كان قلبي يعتصر ألماً أني لم أكن موجوداً بجوارهم
لم أصلي عليه
لم أصحبه الي القبر
ولكني لم أملك الا الدعاء له
أن يغفر له الله ذنوبه ويدخله الجنة ويجنبه النار
ويلهمنا الصبر علي فراقه