حقوق العباد

أن تعاقبني بغيابك فليس حقك

لأنك تعلم أن روحك ليس ملكك

أليس الأحبة أذا تلاقت أروحهم صارت قلوباً واحدة بعد أفتراق

أن تبتعد بكلماتك عن عيوني

وتنتظر لتأتي يوم أن تغلق جفوني

تعتقد أني لن أراك

فليس حقك

يا صديقي........................

ليس حقك

سلامو عليكو

بسم الله و الصلاة والسلام علي رسول الله
صلي الله عليه وسلم
وعلي أله وصحبه وسلم أجمعين

الحمد لله علي نعمة الأسلام وكفي بها نعمة
أقسم بالله أن هذه أكبر نعمة من الله بها علينا أننا ولدنا مسلمين
كلام أقوله حقاً وصدقاً ويقيناً
كلام طالع من قلبي اللي لسه متقطع وبحاول ألملم الحتت المتقطعة جنب بعض
طبعاً مبالغة
عادي يعني ما كلنا بنبالغ
أحنا الشعب الوحيد اللي بيضفي علي كل الصفات كلمات المبالغة
زي روش طحن وجامدة موت
وداحنا عندنا انا وحمم مبالغة خاصة الا وهي "كتير زي السلامو عليكو "

يعني جت عليا بأة
وعايز اقول أن التاجات اللي جت الكام يوم اللي فاتوا كانوا كتير زي السلامو عليكو
تلاتة من أخي وحبيبي وأنا
ماعلينا
وواحد من أخي الصارم الحاسم
وواحد من أختي في الله رفقة عمر وده تاج انا جاوبت عليه قبل كده لما بعتته ليا الأخت ماعليها
المهم أنا حعمل أجابات ميكس لكل التاجات ديه
أخويا ماعلينا سألني السؤال ده

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

عشان أكون واقعي وصادق ,أنا كنت بنفصل تماماً عن العالم لما كنت بشتري كتاب جديد خاصة لو كانت رواية والكلام ده كان حتي فترة الكلية ,كنت أول ماأدخل البيت وفي أيدي الكنز العظيم أدخل غرفتي العظيمة وأستغرق في القراءة حتي أبلغ الجلدة الثانية من الكتاب

مين بينده معرفش

حد بيتصل مش فاهم

الأكل مبكلش

نفس الكلام طبعاً بالنسبة للصحيفة اليومية

تلك اللعينة

الأخبار

الحمد لله أنا أتعالجت منها

بس أول ما أشتري الجريدة أدخل غرفة المعيشة وأتصفحها حتي أبلغ كاريكاتير مصطفي حسين اللي كلنا عارفينه

دلوقتي مش عارف أيه الهواية اللي بتستهويني وتنسيني الدنيا

ممكن لما بأخد أجازة ونطلع نصطاد أنا وأخويا وأصحابه التحف

التاج التاني ممكن نسميه تاج من النوع ال.....

ولا بلاش

هو طويل بس كله يهون يا ماعلينا

section 1
last beverage? Pinapple juice "3ala 7saby GRRRR"
ِlast phone call ? 3ashooor
last instant message ? chirman secretery
last cd played ? shikh ma7moud khalil el 7osary
last time u cried ? yesterday
last text message ? Yesterday



Section 2 - Have You Evers
dated someone twice? No
hv u evers been cheated on ? No
kissed someone & regretted it? no
lost some one special? Yes
been depressd ? Yes
been drunk and threw up? No

Section 3 - List 3 Favorite Colors
Red ,Red ,Red

Section 4 - This month have you
Made a new friend? yes , alot
Fallen out of love? is it a question
Laughed until you cried? yes
Met someone who changed your life? Yes
Found out who your true friends were? i mad some assurance
Is there something you want to tell someone? Yes
Would you kiss anyone on your top friends? mesh fahem bsra7a
How many people on your top friends do you know in real life? Most of them
How many kids do you want to have? as much as i can
Do you have any pets ? No
Do you wanna change your name? no , can u leave the top
What did you do for your last birthday? i dont remember , may be i was at work
What time did you wake up today? late
What were you doing at midnight last night? prayed el3shaa then slept
Name something you CANNOT wait for? i cant mention the name ,sorry
Last time you saw your father? 2 days ago
What is one thing you wish you could change about your life? i wanna be "رد فعل"
What are you listening to right now? Air condition :)
Have you ever talked to Tom? Yaa sure it was our Operation manager 2 years ago i talked to him 3 or 4 times he is a very smart man
Have you ever talked about someone behind their back? Yes, I am sorry
What’s the last piece of clothing you borrowed from anyone? Hmmm, i dont remember may be 4 months ago , it was a shoe ,i`m a sindbad and i always lose stuff
Who’s getting on your nerves right now? R E A L
Most visited webpage? My blog ,F I L B A L A D
Coke or Pepsi ? PEPSI
Mac or PC? PC

يااااااااااااااااااااااه خلص أخيراً
التالت بأه كان

من انت من القادة؟؟؟

وده جالي من ماعلينا و الصارم الحاسم

همممم

قادة ؟؟ ماشي ماعلينا

أنا عملت الأختبار مرة واحدة بعدد اسئلة 27 وهو يوم ميلادي

وطلعت كده

مش ممكن يعني

أي كلام

طبعاً أنا مبحبش الناس ديه في الله

What Famous Leader Are You?
personality tests by similarminds.com

عموماً موضوع القيادة في وجهة نظري الشخصية البحتة طحن

تنقسم الي نوعين

نوع مصري فهلوي ونوع ستاندر يعني قياسي

لو كانت القيادة من النوع المصري فانا اتمني الا أمتلك أي مناصب قيادية علي أرض مصر المحروسة

لو من النوع العالمي اللي هو قيادة يعني أتمام الاهدف المطلوب طبقاً للخطة الموضوعة وأتباعاً للخطوات والمواصفات المتفق عليها بيعيداً عن الأهواء و الأراء الشخصية و الفهلوة المجيدة و المحسوبيات و الأكراميات , وعديها وغيره يعني .

ممكن أفكر

:)

أحم ...........عني شوية

تاج

التاج هو أختراع الاخوة والاخوات المدونون

ومش عارف اذا كان اختراع مصري ولا المدونون الاوائل من قبل التاريخ واحنا بنطبقه يا عني

بس هو عموماً حاجة ظريفة عشان الناس تعرف بعض دون الدخول في تفاصيل شخصية .

يعني المدون عادة مش بيتكلم عن نفسه كتير من باب ان علاقته بالأخرين هي الكلام . فممكن تظهر النرجسية و العجب و النكسار و الخجل ووو وكله من خلال الكلام فقط لذا لزم الأدب و الهدوء

وأخوكم جاهل , انا جالي تاج من فترة من اختي في الله رفقة عمر ولكني طبعاً كنت جاهل ومعرفش يعني ايه تاج ولا حاجة فرديت رد غبي شوية ومجوبتش طبعاً علي التاج ,فبعتذر لها طبعاً علي جهلي الشديد .. ورفقة عمر جزاها الله خيراً هي اول حد علق عندي وبعديها أخي في الله ماعلينا وهما أكثر ناس شجعوني ومدونتهما اول المدونات اللي أنا بدخلها ,رغم أني مفتقد ماعلينا فعلاً ومش عارف هو فيه ايه بس رنا يفرج عنه وعنا اجمعين . زكان نفسي اعرف ماعلينا ورفقة عمر عرفوا مدونتي منين خاصة اني قعدت اكتب لنفسي 5 او 6 مواضيع قبل مايطلوا عليا , وماعلينا قالي وكنت مبسوط جداً بس رفقة عمر لسه ماقلتليش وارجو انها تقولي .

تاج أيه؟؟

التاج بعتته ليا الاخت ماعلينا ,وهي من أكثر الناس اللي عندها قوة ارادة وأنا اتمني أني امتلك نصف قوة ارادتها

التاج انا كنت ناوي أجاوب علي اسألته بعد ماأرجع من السفر بس لما دخلت علي مدونة رفقة عمر لقتها مجاوبة علي نفس التاج اللي جالها من ماعلينا الولد , قتشجعت وقلت أجاوب

وكانت الاجابات كالتالي

هل كنت طالب شاطر في المدرسة

هيهيهيهيه

موضوع الشطارة كان غريب جداً

انا كنت ساكن في حتة وبعدين اتنقلت لحت تانية فغيرت مدرستي والكلام ده كان في اولي اعدادي المهم اول يوم في الدراسة دخلنا الفصل وأخدنا درس وفهمت , واليوم التاني اكتشفت ان ده مش فصلي :)

اتنقلت فصل تاني والحمد لله مكنتش اعرف حد ولا حد يعرفني يعني كان الموضوع محصل بعضه مش حفتقد حد يعني

في الفصل الجديد لقيت مدرسة تانية بتشرح نفس الدرس اللي لسه كنت سامعه من 24 ساعة

هيهيهيهيهييه

طبعاً انا الوحيد اللي كنت بفهم واجاوب وارد والمدرسة كانت مبسوطة مني جداً جداً

وأنا طبعاً الريش نفش من كل حتة

و الموضوع عاجبني

ومن يومها بقيت كده بحب أبقي مفيش حاجة معرفهاش

فبقيت بحاول ابقي سابق الناس بخطوة ولا اتنين

بحفر يعني شويتين

رغم اني في الثانوي مكنتش بذاكر كتير بس ممكن تقولوا كنت عارف من اين تؤكل الكتف

أحب مادة وأكره مادة في المدرسة و الكلية ؟

في المدرسة

كنت بحب التاريخ جداً والجغرافيا رغم اني بكره مواد الحفظ عمي الا اني كنت بعتبرهم مواد فهم

يعني كنت بحب التاريخ لني كنت مقسم التاريخ في عقلي لمراحل زمنية والجفرافيا لأني كنت بحب اري الشياء بصورة مجملة من أعلي وده اللي بتعمله الجغرافيا

بحب الرياضيات جداً رغم اني كنت مش مستوعب النهاية التي تؤول الي الصفر الي الان :)

أكره المواد اي مادة فيها حفظ ومالهاش مفتاح عشان اعرف احبها

في الكلية

معرفتش احب حاجة خالص في الكلية غير الرسم الهندسي ممكن عشان انا خيالي واسع حبتين مقاس 43.5 بس الرسم الهندسي كان متعتي وامتيازي :) , باقي المواد كنت عابر سبيل بعدي امتحانات عشان انجح الا من بعض مواد الكمياء العضوية وغير العضوية و التحليلية

مكنتش بحب الكلية من الاخر

:)

كنت عايز تتطلع ايه و انت صغير ؟

وانا صغير مكنتش بفكر في موضوع حطلع ايه

رغم ان السؤال ده كان بيتسال كتيير

بس ممكن اكون في فترة عايز اطلع لاعيب كورة

أو صحفي عشان موضوع قراءة الجرائد اللي والدتي علمتهولي ده

كان نفسي اكون بين الاحداث مش بتفرج عليها بس

بس لما جت الثانوية العامية

ايوة العامية كان الأختيار صعب

لأني كنت جايب مجموع يدخلني الكلية اللي حكتبها أول حاجة في ورقة التنسيق 98.5

كنت محتار جداً

ومكنتش عايز أخنق نفسي

كنت عايز انطلق

كان جايلي هفوة أخش تجارة

ايتدي حياتي بدري بدري

وشوية ميول في الكومبيوتر وكام كورس وابقي حر

وصحيت من احلامي وشاء الله

امام طلب والديا

ودخلت كلية الهندسة

منكرش ان الهندسة ليها فضل كبير عليا جداً

والحمد لله علي كل شئ

التاج بهديه لأخي في الله ورفيق رحلة الكفاح في الكلية والعمل أهل الجنة

والي كل من

خالد من مصر المأروصة

و المدونة العظيمة ميمو رغم اني عارف انها مش فاضيالي

واخي و حبيبي صاحب مدونة يا قلبي يا غريب

الرفقة

تضامنا مع أختي في الله

رفقة عمر
رفقة التدوين

رفقة العقل

ألهمها الله الصبر علي وفاة والدها

ولعل مرضه يكون رفع درجاته أن شاء الله

أدعوكم أخواني وأخواتي في الله

الي الأستماع الي درس الشيخ الجميل حفظه الله

محمد حسان

فبه الفائدة

ومايثبتنا أجمعين بأذن الله

لا أريد أن أستحلفكم بالله

ولكن