جمع مخنث سالم

بسم الله و الصلاة و السلام علي رسول الله صلي الله عليه و سلم

بطلت خلاص أفتح فمي (بوقي يعني ) كل ما أشوف حاجة غريبة ي
و فتح الفم مع النظرة البلهاء كانت أحد السمات الشخصية ليا و لمعظم أصحابي لما كنا بنشوف أو نسمع حاجة تحرق الدم
رد فعل تلقائي كان ناتج من خبرة قليلة و عدم تفتح علي الحياة , طبعاً استبدلت النظرة البلهاء بضحكة بلهاء برضه
و كمان أن اللي بيحصل ده مش ممكن
يعني في مدينتي الصغيرة لما كنت عايش فيها طبعاً كان منظر واحدة لابسة ميكرو جيب ده منظر غريب جداً مش ممكن تلاقيه ,أو أنك تلاقي واحدة قاعدة علي كافيه بتشرب شيشة كان مصيبة عظمي , و أنك تلاقي طفل ,يعني عمره ما يزدش عن 15 أو 16 سنة ماشي و في أيده سيجارة في الشارع كانت تبقي عجيبة جداً .
كان الكلام محترم و اللي يقول لفظ بذئ يبقي مش منا , ولو الاذان أذن كان الشلة تدور علي أقرب مسجد ,أنا عايز أقول أن الكلام ده كان بيحصل فعلاً حاجة تلقائية , رغم أن أحنا كنا متربين عادي , زي أي حد , مش تربية دينية يعني , الأهل بيعلموا الصح من الغلط و الحلال من الحرام , و النوم بدري , و متسهرش بره بعد الساعة 12 , و لو عايز تلعب روح النادي و بلاش الشارع .
والشارع اللي أنا عايز أكلمكم عنه ده ,شارع فاضي
شارع مبتعديش فيه عربية غير كل نص ساعة , ناس هادية و كام شجرة علي الارصفة , رجالة رايحة شغلها ونساء بتجيب طلبات بتها , بنات رايحة مدارسها وولاد بيلعبوا بكورة ولا عجلة .
كان التلفزيون ساعتها بيعرض عالم البحار ومسلسل أوشين وحديث الروح وهذا المساء ونشرة 9 و كان يوم الهنا لما يجي كعبول و لا مازنجر و أنا حبي للكرتون مالوش حدود .
ولا كان فيه محمود سعد ولا هالة سرحان و عمرو أديب
كنت بحب أقرأ الجريدة , وكانت جريدتي المفضلة أخبار اليوم
وسبب حبي لأخبار اليوم , أو حبي للجرائد و أنا لسه صغير هي والدتي , كنت لما أرجع من المدرسة تأخدني علي حجرهي و تمسك الجريدة
جريدة الأخبار وتقولي أقرأ
طبعاً كنت بحاول وأحاول
وأتعودت كل يوم أرجع من المدرسة
بابا وصل ,يبقي الجريدة وصلت
أجري عليها بعد سباق مع بابا :) وألتهم الصفحات
مكنتش عارف أنا بقرأ ليه
بس 1/2 كلمة بتاعت أحمد رجب كانت عاملة زي المخدر
وكاريكتير مصطفي حسين كان أفيون
رغم أني أفكار أتغيرت بمرور الوقت عن الناس ديه
ولكني كنت بكن لهم جزء من الاحترام
وكنت حاسس دايماً أن الناس ديه في عمود ناقص في بنائهم
واللي كان باين كمان أنهم عاملين زي اللي محبوسن في قفص و بابه مفتوح و مش قادرين يخرجوا عشان الاسد واقف علي باب القفص فكانوا بيقفلوا الباب بدل ما يفتحوه و يخرجوا .
ومرت أيامي و أنا بتخبط بكبر و دماغي بتكبر عمال أحشيها بكل حاجة رغم أني في أحيان كتيرة كنت برمي حاجات كتيرة , و كنت بسمع أغاني غربية (وأعوذ بالله من شر ما صنعت ) كنت بحس أن الناس مبتخافش من حد خالص , يعني كانوا عاملين زي شركة كبيرة بس كل واحد في الشركة بيعمل اللي هو عايزه ,يجي و يروح وقت ما هو عايز ,ملوش ريس ولا ليه رقيب
كانت فكرة حريتهم مزقزقة في دماغي مع أني مكنتش محبوس زي الناس بتوع الجرايد لأ كنت علي طول بره القفص
وسمعت و أتفرجت وروحت لمناطق فكرية مكنتش رحتها , كنت بحس أن التلفزيون و الاذاعة هي موجات لبرمجة الدماغ , يعني أحنا عايزين نعمل دماغ أيه , و كان الكتاب أو المفكرين اللي حابسين نفسهم جوه القفص بيهفلطوا بكلام مش مفهوم , سعات بيريح ولكنه عمره ما قدم خطوة و لا رجع خطوة .
بعد كده بدأ عصر جديد ,عصر الامواج المتطلاطمة و المحيطات اللي نالهاش نهاية , و دخل النت مصر
أنا فاكر أني دخلت السيبر من 10 سنين أو أكثر كان طبعاً لسه العملية زي دلوقتي , يعني مش بين كل سيبر و سيبر سيبر صغير , كان واحد بس في مدينتي الصغيرة , و مع دخول النت و دخولي الهندسة حصلت الفرقعة الكبري
فجأة ظهر الكائن الغريب
حرية الرأي
و أتضح أنه كان فيه أراء كتييييييييييييرة محبوسة
كان باين أنها كانت محبوسة في القفص
طلعت و طرطشت علي كل الناس
المشكلة أن كل الناس بتقول رأيها
في كل شئ
كل شئ
يعني أنا مقدش الناحية السياسية
ومنابر الكلام المتلمع زي الجرايد و التلفزيون
لأ
أنا أقصد الفهلوة الفرعونية المجيدة
كل واحد أتضح أنه بيفهم في كل حاجة
أصل المشكلة أن العملية أتفتحت علي الأخر
وسهل جداً أنك تأخد المعلومات علي الطاير حتي وأنت راكب عربيتك حتلاقي واحد طالع من الراديو بيقول رأيه في أي حاجة
حرية حرية حرية
طيب تخيل أنك قابلت 10 أشخاص في اليوم و كان عندك مشكلة في عربيتك و سألت كل واحد منهم أيه رأيه
كام واحد حيقول معرفش
كلنا عارفين
الحاجة التانية اللي ظهرت مع غول الحرية
الصمم
حالة من أنعدام السمع لدي الأخوة الأحرار
أحنا مابنسمعش
واللي في دمغنا في دمغنا
حرية يعني حرية
وكل واحد يعمل اللي هو عايزة
و كل واحد يقول رأيه زي ما هو عايز
طب أزاي
بجد مش قادر أفهم قصة الحرية
طب الحرية لحد فين
طب أنا حر و أنت حر طب مين حيكم بينا
ماأحنا الاتنين أصحاب مكان
ملاك يعني
يعني نعلي صوتنا
نقلع بلبوص
نشتم نلعن
كلتا أحرار
مين يحسبنا أو يعتبنا ما هي جتنا في مخدتنا
مريحانا ومنعنشانا
وأحنا الأحرار
مشكلة نفسية
طب أنا عايز أعرف أنا كنت حر و لا بقيت حر ولا أتولدت حر
طب مين حررني و كنت عبد مين
طب لو فيه حرية يبقي أكيد فيه عبودية
لو فيه أحرار يبقي فيه عبيد
ماهي الكلمة مأتوجدتش ألا لو كان ليها لازمة

يعني لو في مالك أكيد حيملك حاجات يحركها ينقلها يجبها يمين يجبها شمال يعمل اللي هو عايزه
يعني مثلاً مش أحنا الاحرار يعني اللي بنملكه نقدر نعمل فيه كل اللي احنا عايزينه
طب تقدر تقطع شجرة في حديقة بيتك مثلاً
في حاجة حتمنعك
ضميرك
ميت
الجيران حيبلغوا عنك البيئة و أبقي قابلني
يعني فيه قانون
وتخيل بقي أن القانون وضعه البشر
يعني مش حر
واللي مخليك مش حر واحد زيك مش حر
دي حاجة تجنن
طب تقدر تكسر أشارة المرور و ظابط المرور واقف
أنا بتكلم طبعاً لو أنت عايش في حته فيها قانون مرور ساري
طبعاً حتفكر 100 مرة
حتي لو الشارع كان فاضي
يعني فيه قانون
يعني أنت مش حر

لما قرأت كتير للكتاب بتوع عصر الحرية , ومدونين الحرية وغيرهم
كلهم بيقولوا حرية حرية حرية
مين اللي بيحكم الحرية دي
مين حيقول أه ويقول لأ
ما هو لازم يبقي قيه قانون من عند القوي

مالك كل شئ
أول بلا بداية وأخر بلا نهاية
عليم بكل أمورنا
سميع لكل كلامنا
حكيم
ظاهر وباطن
خافض ورافع
معز ومذل
حكم و عدل
بصير
الرحمن الرحيم
لن أرضي بحكمه بديلاً
وحريتي في كوني عبد طائع لما أمرني به

طب أيه حكاية جمع مخنث سالم
أولاً عشان نتفق مفيش حاجة في اللغة العربية العظيمة أسمها جمع مخنث سالم
هما أتنين
جمع مذكر , و جمع مؤنث سالم
طيب
ربنا يكرمك ويعفو ويحفظك لنا أمين عنك ويحفظك لنا أمي يا شيخ أبوأسحاق الحويني

في أحد حلقات قناة الناس ذكر كلام علي لسان كاتب قصص الأطفال الأستاذ كامل كيلاني
الأستاذ كامل كان بيتناقش مع أحد مشايخ منتصف القرن الماضي وسأله عن رأيه في من يتكلمون بدون علم في هذا العصر
وتخيل بأة العصر اللي أنا بتكلم عليه كان لسه مفيش نت
و كان موضوعهم عن ختان الاناث
الشيخ رد عليه وقاله هؤلاء هم المجددينات
قاله وما هم
رد الشيخ قاله ده جمع مخنث سالم لمجدد
الاستاذ كامل أستغرب جداً و لكنه فهم ما يقصده الشيخ
هذا هو ما نفتقده لنعبر عن الواقع الذي كثرت فيه الفتن
جمع مخنث سالم يحتوي كل هؤلاء

قلبي الغلبان

لمست قلبي بأديا , بطمن عليه
بيدق لسه
ولا خلاص
خلاص بطل دوشة ,وهوسة
أصل حكاية قلبي حكاية
كان فاكر نفسه عايش في براح
في براح مرتاح بيرفرف

فاكرنفسه
حر في نفسه
حربيعمل اللي في نفسه

كان بيقول في كلام و كلام
عايش و مصدق أحلام
كان فاكر أنه هو الحاكم
يأمر ينهي وكله تمام

وبيطنط وكمان زئطط
وبيطخبط في الجدران
قال لما أنسي
وأقعد أفكر
وفهم غلط الغلبان

دأنا محبوس جوه فانوس
وفاكر نفسي جوه جنان
ولأنا بتحرك و لا مطظبط
ده أنا مضحوك عليا يا جدعان

عايز أرتاح وأقف شوية
أبطبل هبد و دب كمان
مين يلحقني مين ينجدني
مين يدني الحكم يا ناس

أنقذوا كريم

بسم الله و الصلاة و السلام علي رسول الله
صلي الله عليه و سلم
{هَلْ يَنظُرُونَ إِلاَّ أَن تَأْتِيَهُمُ الْمَلائِكَةُ أَوْ يَأْتِيَ أَمْرُ رَبِّكَ كَذَلِكَ فَعَلَ الَّذِينَ مِن قَبْلِهِمْ وَمَا ظَلَمَهُمُ اللّهُ وَلـكِن كَانُواْ أَنفُسَهُمْ يَظْلِمُونَ }النحل33

كانوا عاملين يقولوا كريم كريم كريم

أنقذوا كريم

ألحقوا كريم

طبعاً أنا كنت عارف أن اللي بيتكلموا علي كريم علمانيين

معظمهم

مش كلهم

بس مكنتش أعرف مين هو كريم

و عرفت من الخبر اللي جاي ده

ولو حتي أنقذوا كريم من الحبس
طيب مين حينقذوا من غضب أهله
طيب مين حينقذوا من غضب الله ؟؟؟؟؟؟؟؟؟؟؟؟؟

لعل الله يهديه

عائلة مدون مصري محتجز تتبرأ منه ووالده يصفه بـ"النسناس"
الأثنين، 19 فبراير 2007 - 14:44
بقلم: أحمد مرزوق

الطالب المتهم

أعلنت أسرة طالب الأزهر السابق عبدالكريم نبيل سليمان الشهير بكريم عامر وهو أول مدون مصري يحاكم بسبب كتاباته على الإنترنت ، تبرؤها منه قبيل الحكم عليه يوم الخميس القادم.

وقال والده نبيل سليمان مدرس الرياضيات المتقاعد أن على المحكمة أن تطبق حد الشرع على أبنه باستتابته لثلاثة أيام ثم قتله إذا لم يعلن توبته.

ويحاكم عبدالكريم بتهمة إزدراء الأديان بعد أن نشر مقالات على الإنترنت هاجم فيها الإسلام وتجرأ على النبي صلى الله عليه وسلم والصحابة ، ومن ضمن التهم الموجهة إليه أيضا الإساءة لسمعة مصر والعمل علي تكدير السلم وقلب نظام الحكم.

وقد قرر والده العدول عن مقاطعة جلسات المحاكمة وحضور جلسة النطق بالحكم هو وأشقاؤه الأربعة الذين يحفظون القرآن الكريم كاملاً لإعلان تبرئهم من المتهم عبدالكريم داخل قاعة المحكمة، لرفع الحرج والضغوط التي تمارسها منظمات المجتمع المدني علي هيئة المحكمة.

ووصف والد المتهم المنظمات التي تسعي إلى تبرئة ابنه بأنها منظمات "حقوق النسناس"، كما وصف ابنه بأنه "النسناس" الذي قام بتقليد ملحدي الغرب في آرائهم الفكرية ، وقالت العائلة إنها ستعلن تبرؤها من الابن على الإنترنت أيضاً.

الشيخ محمد بن عبد الوهاب

بسم الله و الصلاة والسلام علي رسول الله

صلي الله عليه و سلم

لما كتر الكلام

والناس لسه نيام

وكل واحد بيقول رأيه

يعني أي كلام

حتي كلامي

كل واحد عمال يقول وهابية

وعقل و نقل

وأحتلال أسلامي و مذاهب وهابية

ومحدش عارف

الشيخ محمد عبد الوهاب

رحمة الله عليه

جبتهولك

سيرته الذاتية

مبسطة

علي طبق من ذهب

محمد بن عبدالوهاب

(1703 - 1791) هو محمد بن عبد الوهاب بن سليمان بن علي التميمي، من مواليد مدينة العيينة -المملكة العربية السعودية- عام 1115 هجري . اشتهر أمره بعد 1150 هـ بنجد وقراها. و يرى البعض أنه تابع ابن تيمية و في الحقيقة و إن كانا يتفقان في العقيدة السلفية و المذهب الفقهي الحنبلي إلا أن هنالك خلاف بينهما في بعض المسائل.

نشأته
نشأ في بيت محافظ في بلدة "العيينة" لأب ضليع بالشؤون الدينية وقاض من قضاة نجد. علمه أبوه القران والعلوم الفقهية في سن مبكرة ولما اشتد عوده قصد مكة المكرمة لأداء فريضة الحج حيث التقى مع رجال الدين في مكة المكرمة ودرس على ايديهم العلوم الفقهية. اتجه بعدها إلى المدينة المنورة واستقر بها فترة من الزمن حيث تتلمذ على يد الشيخ عبد الله بن إبراهيم بن سيف النجدي والشيخ محمد حياة السندي الذي كان مؤيدا له في افكاره، و أسند الحديث عن جملة من أشياخه منهم :

العلامة الشيخ عبدالله بن إبراهيم النجدي
أجازه برواية كتب السنة ، و روى عنه المسلسل بالحنابلة فقال : حدثني الشيخ عبدالله بن ابراهيم الحنبلي بمنزله بظاهر المدينة المنورة على ساكنها أفضل الصلاة و السلام عن شيخ الإسلام ومفتي الشام أبي المواهب الحنبلي إجازة عن أبيه العلامة المحدث عبدالباقي البعلي الحنبلي عن العلامة عبد الرحمن البهوتي الحنبلي الأثري، عن الامام العلامة تقي الدين بن النجار الفتوحي الحنبلي ، عن أبيه العلامة أحمد الحنبلي ، عن العلامة بدر الدين محمد السعدي الحنبلي، عن قاضي الحنابلة عز الدين أبي البركات الكناني الحنبلي عن الامام محب الدين بن نصر الله البغدادي الحنبلي، عن الحافظ ابن رجب الحنبلي ، عن الامام الحافظ ابن القيم الحنبلي عن شيخ الإسلام الحافظ تقي الدين ابن تيمية الحنبلي عن الحافظ الفخر ابن البخاري الحنبلي ، أخبرنا حنبل الرصافي، أخبرنا هبة الله ابن الحصين، أخبرنا ابن المذهب، أخبرنا أحمد بن جعفر القطيعي، حدثني عبد الله بن أحمد حدثني أبي الامام احمد بن حنبل .. بأسانيده
و كذا أسند عن العلامة المحدث محمد حياة السندي الذي اجازه بأسانيده إلى كتب السنة
و كذا أخذ الفقه الحنبلي عن والده العلامة عبد الوهاب بن سليمان عن جده مفتي الديار النجدية سليمان التميمي بأسانيده الفقهية المعروفة
وبعد المدينة المنورة، قصد بن عبدالوهاب العراق وبالتحديد مدينة البصرة حيث تتلمذ على يد الشيخ محمد المجموعي، ثم انتقل إلى الزبير، ومنها إلى الإحساء، ثم انتهى به المطاف إلى بلدة.

أحوال جزيرة العرب
بعد اطلاع بن عبدالوهاب على الأمور الفقهية وقياسها بالواقع الذي كان يوصف بالمرير ، تبين للشيخ تيه العامة من الناس في تعظيم السحر وبناء الأقبية وتمجيد القبور، بل وحتى الطواف حولها والذي يمثل شكلاً من أشكال الشرك في الإسلام. فعمد الشيخ محمد على مكاتبة العلماء في الجزيرة العربية ومشاركتهم الرأي في ضرورة العمل على تغيير الواقع الذي انحرف عن الصراط المستقيم . واستجاب بعض علماء اليمن ونجد ومكة المكرمة لمكاتبات الشيخ عبدالوهاب، ورفضها بعضهم فلابد أن يرحل في طلب العلم وتحقيق ما شرح الله له صدره من حقيقة هذا الدين القيم . رحل الشيخ إلى مكة والمدينة والبصرة غير مرة ، طلباً للعلم .. ولم يتمكن من الرحلة إلى الشام وعاد إلى نجد يدعوهم إلى التوحيد . راجع حول ولم يثبت أن الشيخ رحمه الله قد تجاوز الحجاز والعراق والأحساء في طلب العلم ، أما ما تجاوز الحد من أنه سافر إلى الشام كما ذكره خير الدين الزركلي في الأعلام ، وإلى فارس وإيران و قم وأصفهان كما يذكره بعض المستشرقين ونحوهم في مؤلفاتهم المعروفة بالأخطاء و مجانبة الحقيقة ، فهذه الأشياء غير مقبولة ؛ لأن حفيد الشيخ ابن حسن وابنه عبد اللطيف بن ابن بشر نصوا على أن الشيخ محمد بن عبد الوهاب لم يتمكن من السفر إلى الشام ، أما ما يذكر من أنه سافر إلى فارس و غيرها من البلاد ، فإن أغلبهم قد اعتمدوا على كتاب لمع الشهاب لمؤلف مجهول ، قال علامة الجزيرة حمد الجاسر : ولا تفوت الإشارة إلى أن كثيراً ممن كتبوا عن الشيخ محمد رحمه الله انخدعوا بما جاء في كتاب لمع الشهاب ، .. إلى أن قال : وهذا الكتاب الذي لا يصح التعويل عليه .. وبالإجمال ؛ فقد حرص مترجمو الشيخ محمد على تدوين كل ما يتصل برحلاته وبأسماء العلماء الذين تلقى العلم عنهم ، وبذكر البلاد التي زارها ، ويكادون يتفقون على عدم صحة ما ورد في كتاب لمع الشهاب من ذلك . انظر : مجلة العرب ( ج 10 ، السنة الرابعة ، ربيع الثاني عام 1390 هـ ، ( ص 943 944 ) . أم ما زعم أن الشيخ درس اللغتين الفارسية و التركية ، والحكمة الإشراقية والفلسفة والتصوف ولبس جبة خضراء في أصفهان ؛ فليس بثابت ، بل إنه أمر باطل و يستبعد .. وليس في مؤلفات الشيخ وآثاره ما يدل على شيء من هذا .. ثم إن من ذكر ذلك عن الشيخ كان ممن انخدع بمثل كتاب لمع الشهاب . وقد رد على هذه الفرية العلامة حمد الجاسر انظر : نفس المرجع السابق ( ص 944 ) . بعد مضي سنوات على رحلة الشيخ رحمه الله في طلب العلم ، عاد إلى بلدة حريملاء التي انتقل إليها والده بعد أن تعين عليها أمير جديد يلقب بخرفاش بن معمر والذي لم يرق له بقاء الشيخ عبد الوهاب في القضاء ، فعزله عنه ، فغادرها الشيخ عبد الوهاب إلى حريملاء وتولى قضاءها وأقام بها . فأقام الشيخ محمد بعد عودته من رحلته العلمية في حريملاء مع أبيه يدرس عليه ويدعو إلى التوحيد و يبين بطلان دعوة غير الله . انظر : الدرر السنية (12/5 ) . لقد ابتلي الشيخ رحمه الله .. فصبر على البلاء و ثبت حتى جاوز الامتحان والابتلاء ، و ما ذلك إلا تأييد الله له بروح منه وتقويته لإيمانه .. وأمثلة ذلك في حياته كثيرة .. و لنأخذ مثلاً من أحوال الشيخ التي وقعت له ؛ ففي حالة إخراجه من العيينة طريداً منها كان سبب إخراجه رحمه الله من العيينة هو أن ابن معمر خاف من حاكم الإحساء من أن يقطع عنه المعونة ، فأخرج الشيخ رحمه الله من العيينة وتوجه إلى الدرعية ، فكان ابن معمر ممن آثر الدنيا على الدين وباع العاجل بالآجل لما تعارض في صدره أمر صاحب الإحساء وأمر الله تعالى - ، قد افتقد كل حظ من حظوظه الدنيوية المباحة ؛ افتقد ثقة الأمير وثقة الناس من حوله به و بما يدعو إليه من عقيد السلف الصالح ، وافتقد المسكن و المكانة و جميع الحظوظ النفسية والغايات الدنيوية ومشى وحيداً أعزل من أي سلاح ليس بيده إلا مروحة من خوص النخيل ، لكن كان على ثقة من ربه ، والله قد قوي إيمانه حتى صغر في ميزانه أمر صاحب الأحساء وخذلان ابن معمر له وفراق الوطن والمال والأهل والزوجة والمسكن وما بقي لديه سوى الإيمان القوي بصحة عقيدة السلف الصالح ، و حسن الظن بالله .. لقد سار من العيينة إلى الدرعية يمشي راجلاً ليس معه أحد في غاية الحر في فصل الصيف لا يلتفت عن طريقه ويلهج بقوله تعالى { وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ } و يلهج بالتسبيح .. فلما وصل الدرعية قصد بيت ابن سويلم العريني ، فلما دخل عليه ؛ ضاقت عليه داره وخاف على نفسه من محمد بن سعود ، فوعظه الشيخ وأسكن جأشه وقال : سيجعل الله لنا ولك فرجاً و مخرجاً . انظر : عنوان المجد لابن بشر (1/11 ) . ثم انتقل الشيخ إلى دار تلميذ الشيخ ابن سويلم الشيخ أحمد بن سويلم ، و هناك بدأ التزاور بين خصائص أهل العلم من الدرعية ولما علموا بثبات دعوة الشيخ و أنها على سبيل الرسول صلى الله عليه وسلم أرادوا أن يشيروا على ابن سعود بنصرته ، فهابوه ، فأتوا إلى زوجته موضي بنت أبي وهطان من آل كثير و أخيه ثنيان .. وكانت المرأة ذات عقل ودين ومعرفة فأخبروها بمكان الشيخ وصفة ما يأمر به و ينهى عنه ، فوقر في قلوبهما معرفة التوحيد وقف الله في قلوبهما محبة الشيخ . روضة ابن غنام (1/3 ) . دخل محمد بن سعود على زوجته فأخبرته بمكان الشيخ وقالت له هذا الرجل ساقه الله إليك و هو غنيمة فاغتم ما خصك الله به ، فقبل قولها ثم دخل على أخوه ثنيان وأخوه مشاري وأشاروا عليه مساعدته و نصرته .. أراد أن يرسل إليه ، فقالوا : سر إليه برجلك في مكانه وأظهر تعظيمه والاحتفال به ، لعل الناس أن يكرموه ويعظموه ، فذهب محمد بن سعود إلى مكان الشيخ و رحب به وأبدى غاية الإكرام والتبجيل وأخبره أنه يمنعه بما يمنع به نساءه وأولاده .. قال : أبشر ببلاد خير من بلادك وأبشر بالعزة والمنعة ، فقال الشيخ : وأنا أبشرك بالعزة والتمكين وهذه كلمة لا إله إلا الله من تمسك بها وعمل بها ونصرها ؛ ملك بها البلاد والعباد ، وهي كلمة التوحيد وأول ما دعت إليه الرسل من أولهم إلى آخرهم وأنت ترى نجداً وأقطارها أطبقت على الشرك والجهل والفرقة وقتال بعضهم بعض ؛ فأرجو أن تكون إماماً يجتمع عليه المسلمون وذريتك من بعدك . عنوان المجد (1/11 12 ) . و هكذا تم اللقاء التاريخي وحصلت البيعة المباركة على ذلك .. و أخذ الشيخ رحمه الله بالدعوة والجهاد في سبيل إعلاء كلمة لا إله إلا الله .. ونتجاوز بعض الأمور من حياة الشيخ رحمه الله .. لأن الهدف من سرد هذه الأحداث ليس فقط طرح سيرة الشيخ أو ذكرها مفصلة .. وإنما الغاية والهدف هو الوصول إلى الحقيقة والتي نادى بها الشيخ رحمه الله .. ورد الشبه التي ألصقت بالدعوة وبصاحبها ..
أما عن عقيدة الشيخ رحمه الله فهي عقيدة السابقين الأولين من المهاجرين والأنصار .. عقيدة الرسول صلى الله عليه وسلم والتابعين لهم بإحسان .. عقيدة أئمة الهدى .. أبي حنيفة والشافعي و مالك وأحمد وابن عيينة والثوري وابن المبارك والبخاري ومسلم وأبي داود وسائر أصحاب السنن وأهل الفقه وأثر رحمهم الله .. يقول رحمه الله : ولست ولله الحمد أدعو إلى مذهب صوفي أو فقيه أو متكلم أو إمام من الأئمة الذين أعظمهم مثل ابن القيم والذهبي وابن كثير وغيرهم .. بل أدعو إلى الله وحده لا شريك له وأدعو إلى سنة رسوله صلى الله عليه وسلم التي أوصى بها أول أمته وآخرهم وأرجو أني لا أرد الحق إذا أتاني بل أشهد الله وملائكته وجميع خلقه إن أتانا منكم كلمة من الحق لأقبلها على الرأس والعين .. ولأضربن الجدار بكل ما خالفها من أقوال أئمتي ، وحاشا رسول الله صلى الله عليه وسلم فإنه لا يقول إلا الحق . انظر للمزيد عن عقيدة الشيخ الإمام رحمه الله كتاب : عقيدة الشيخ محمد بن عبد الوهاب السلفية وأثرها في العالم الإسلامي للدكتور : صالح بن عبد الله بن عبد الرحمن العبود .

الدرعيّة
عند وصول محمد بن عبدالوهاب إلى الدرعية، نزل في بيت محمد بن سويلم الذي أكرمه وآواه، وانطلق الأمير محمد بن سعود إلى دار بن سويلم ورحب بالشيخ وبايعه واشترط على الشيخ ان يقيم في الدرعية. وافق محمد بن عبدالوهاب على شرط الأمير، واتخذ من الدرعية مقراً لدعوته وبدأ الناس بالقدوم إلى الدرعية لتأييد هذا الداعية الجديد. وبازدياد اتباعه، قام بن عبدالوهاب على تأليف المؤلفات والاستمرار بالدعوة والمراسلات إلى العلماء وأمراء القبائل في الجزيرة العربية، وعمل على تشييد المساجد ونفي البدع والشركيات التي كانت مستشرية في نجد وسائر الجزيرة العربية، ولم يكتف بالمراسلات وحسب، بل عمل على إرسال تلاميذه إلى شتى القبائل العربية للقيام بمهمة الوعظ والإرشاد إلى ان تمكن مع الامام محمد بن سعود من القضاء على الشركيات والبدع .

المعلومات من الويكيبديا العربية

أقرأ أيضاً عن الأمام

http://saaid.net/monawein/t/1.htm

http://saaid.net/monawein/t/index.htm

البدع البدع البدع

بسم الله والصلاة و السلام علي رسول الله صلي الله عليه و سلم

في أحد المدونات ليقيت موضوع بيتكلم عن عيد الحب

تاني

أو عاشر

مش فاكر كام واحد أتكلم

بس في أحد الردود

لقيت واحد

وفيه مثله الكثيرين

نفس الكلام

معترض علي الشيخ

الشيخ محمد بن عبد الوهاب

و أنا متأكد أنه عمره ما ٌرأ له كتاب

زي معظمنا

أعتراض و خلاص علي بصيرة

لأ

مفيش بصيرة

يلانعمل هوجة

وأنا حر

وكل واحد يقول اللي هوه عايزه

وتولع

ماهي حرية

و صلي اللهم علي سيدنا محمد و علي أله و صحبه وسلم

أضطريت أني أكتب الرد ده

عن الكلام عن البدع

هو ده أول البدع :)

نفسي أرد والله

لكن الكلام بقي كتييييير جدا

ًالمشكلة أنه كلام من غير علم

كلام سطحي سمعناه في برنامج

و لا عدي علينا في أعلان

كام سطر في مقال

أنما علم بحقيقة لحكم صحيح

أبداً

ناس بتقول وهابية

والله ظلموا الشيخ محمد بن عبد الوهاب

طب و السنة

ده ممكن لولاه كنا زمانا بنروح نتمسح في قبر من القبور لو شاء الله

وسلمولي علي عيد الملوخية

بعد 50 سنة

ولا عيد الشفقة

طب عيد المسكنة

و15 عيد في شهر مارس 40 في فبراير

و ممكن نمط السنة شوية عشان نعمل عيد لكل مواطن

طب أنت عرفت

بعد وفاة رسول الله صلي الله عليه وسلم

عطس رجل أمام سيدنا أبوبكر الصديق رضي الله عنه

, فقال الرجل الحمد لله و الصلاة و السلام علي رسول الله

تخيل ماذا فعل سيدنا أبوبكر

نهاه

و قال له هكذا لم يقلها رسول الله صلي الله عليه و سلم

.أنها كلمة و احدةولكن تخيلوا لو كل واحد عبر بكلامه وأفعاله

ولكل واحد أعتقد أن اللي بيعملوا هو الصح

في الأخر حتلاقي كل واحد بيعبد ربنا علي مزاجه

التشريع مفيهوش أعمال للعقل مطلق

و مش أي أنسان يؤولو

عيد الحب بدعة

مش بس بدعة

ده قرف

طب عايزين تحصروا الحب في يوم

طب عابووووه في أكياس

طب حتي في زجاجات

طب لو الشوارع مفيهاش أشارات

كان ايه اللي حيحصل

أحنا كده كل حاجة عايزنها سبهللة

مش عايزين قانون

ولو فيه قانون

عمرك ماحتلاقي حد يلتزم بيه

طب مع اللي خلقك حتروح فين

كلهم كام ساعة

و حتقابله

حتروح حتروح

مش قادر تستحمل كام ساعة

طب يا سيدي عيد جلاء

و عيد ثورةوعيد نيل و عيد فرات

وسلملي علي المترو

وبعدين أحنا خلقتنا كده

لو قفلت الباب حتدور

علي الشباك

ولو واربت الباب

يا ويلك

ممكن الدلفة تنخلع

من اللي حيعدوا

لازم خرازانة

هو لو كان الحرامي ابن ال..... كان بينقطع ايديه

كان زمان ده حالنا طبعاً

أنا محتاج أتكلم عن حالنا

شكلك مش بتنزل الشارع

البنات خلاص

معدش فيه حاجة مش متغطية

ألا حاجات بسيطة

بتنزل

وتقولي تضيييق

مش بقولك سلملي علي المترو

وبحبكم 365 يوم

أبويا و أمي

وزوجتي و أختي

وكل الناس

مش 24 ساعة

:)وزورني كل سنة مرة

لو أفتكرتم

بحبك طول العمر

بسم الله و الصلاة و السلام علي رسول الله صلي الله علي و سلم

حالة توهان

هافي فالانتين

مين

بيقولوا عيد

لسه بدري علي العيد

لأ ده حاجة جديدة

ده عيد الحب

طب هما عملوا للحب تمثال

ولا بيعبوه في أكياس

ولا خلينا بعيد عن ألاكياس

خليها شنط

طب أنا عايز 2 كيلو حب

بس من وش القفص

طب في ديسكونت

يا ريت أصلوا جاي أخر الشهرو الجيوب فاضية :(

ربنا يخليكي ليا يا أمي

بتحبيني من زمان

لا عمرك حوشتي حب عشان تعطيه لي في يوم

كله كان تحت أمري من أول يوم

و مش فاكر كان أمتي

أول يوم حسيت أني مقدرش أستغني عنك

بس كل اللي أنا فاكره

أنه من اليوم ده وأنا بحبك كل يوم

وبحبك طول العمر

أمي العزيزة

مش عارف كام طن حب يكفي اللي في قلبي

وكام شنطة حتكفي

أبي العزيز

رغم أنهم ماعملوش عيد أب

ورغم أني طول عمري حاسس أنهم ظالمين الاباء

ليه مش عاملين لهم عيد

طب أمتي حجيب لك هدية

طب شنطة الحب

أبي العزيز

رغم أننا لم نتفق كثيراً قبل ألتزامي

ألا أني أشهد أنك وقفت جانبي بعد ألتزامي

أنك كنت نعم العقل الراجح

سامحني لأختلافي معك أيام جهلي

وسامحني أذا كنت أخطأت يوماً بكلمة

أعرف أنك لن تقرأ كلماتي

فليتها تخرج من فمي

وليتك تقرأها

أختي العزيزة

بحبك جدأ جدأ

لحنانك و طيبتك و عفويتك

أحبك لطهرك

ونقائك

بتوحشيني و أنت بعيدة و أتمني من الله أنه يقربك مني

زوجتي

أللي لسه مش زوجتي

كلامي اللي فات ده حاجة

وكلامي معاكي حاجة تانية

انا فاكر امتي حبي ابتدي معاكي

فاكر أول همسة

أول لمسة

فاكر وقفاتك جانبي

فاكر نصايحك وكلامك معايا

فاكر تعبك

وسهرك عشان راحتي

فاكر تحملك ليا

وصبرك عليا

فاكر وحفضل فاكر

وهحبك طول العمر

هالة ظلام

السلام عليكم و رحمة الله

طبعاً أنا مش بكتب شماتة

و الله يعلم ما في صدري

فكم من شماتة حاولت أن ترسم

أبتسامتها

علي

شفتي

و لكني

كنت دائماً

أصبر

و أعلم

أن فرج الله و نصره

أكبر من هذا

كنت قد كتبت المقالة- التي سأعرضها عليكم- منذ فترة علي مدونتي القديمة و مررتها

علي بعض المجموعات و الصحف

كرد فعل طيبعي

فقد أحسست

أن هناك جيش

جيش الغفلة

و أتمني أن يكونوا في غفلة

ويفيقوا

أمين

أقرأوا

ولو قرأتوا المصري اليوم عدد 11/2/2007 في صدر الصفحة الاولي

ستعلمون سبب أعادتي للمقالة

وأسف علي الكسل

السلام عليكم و رحمة الله و بركاته

عجب العجاب
منذ أيام قليلة أطلت علينا صحيفة المصري اليوم في أحد أعمدتها بدفاع عجيب عن الشخصية العجيبة المسماة هالة سرحان ,دفاع مستميت كانه دفاع عن القضية الفلسطينية , او مهاجمة للدانماركيين و مقاطعتهم , و لم يكتفي المقال بذلك بل أدلي الكاتب بدلو من المدح و الثناء المنقطع النظير .
سبب المقال هو أطلاق حملة علي الأنترنت لمطالبة قناة روتانا بايقاف برامج هذه المذيعة (رغم تحفظي من جدوي الحملة ) , فانطلقت الأقلام للدفاع عن مذيعة المواضيع الساخنة و المثيرة ( مواضيعها معظمها جنسية غالباً , او فتاوي دينية بغير علم ) .

مثقفين هذا العصر من كتاب او مذعيين او غيرهم من لهم منابر يتكلمون منها , و هي كثيرة , اتخذوا مبادئ لحرية الرأي و التعبير و النقد و مناقشة مشاكل و مصاعب الحياة عبر منابرهم غير عابئيين لما قد تؤدي اليه مناقشة مثل هذه المشاكل الي مضاعفة لأثارها و زيادة في انتشارها .

فعلي سبيل المثال ناقشت السينما مشاكل الزواج العرفي ,فهل انحسر علي العكس ازداد انتشاراً و السبب ان النفس البشرية تألف ما تحبه و ان كان خطأ و تتعود عليه لو رأته في كل الأركان حولها , أيضاً نري انتشار فكر الgirlfriend في ثقافة الأفلام ,أنظر الأن الي شوارعنا , و بالامس القريب استضافت المذيعة بعض فتيات الليل و أخذت تسألهن عن نشاطهن و المبالغ التي يتقاضينها و و , كأن الموضوع شئ عادي و كأن فتيات الليل أصبحوا هم نجوم المجتمع , و كأن المهنة ستصبح لها نقابة , و غيرها من المواضيع التي تهدم و لا تبني تجدها فقط علي هذا المنبر المعوج .

الأستاذ كاتب المقال الدفاعي ألم تقرأ قول الله عز و جل
{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ }النور
19

ان اشاعة الفاحشة أشد ضرراً و فساداً من فعل الفاحشة ذاتها , فأشاعة الفاحشة تدمر أمة , و ليس مقياس تحرر الشعوب هو معالجته لقضاياه علي الملأ , انما هو فاعلية هذه المعالجة و تأثيرها و حكمتها في منع انتشار هذه المشاكل و انتشارها , و ليس كل من يثير ما يكرهه الناس أو لا يعرفونه بطلاً يمشي علي الأشواك , بل البطل هو من يخدم الناس بصدق ليحميهم حتي من انفسهم دون دعاية و انتظار لردة فعلة ما يفعله .

ان خطورة ما تفعله هذه المذيعة او غيرها ستشهده انت و غيرك في اجيالك القادمة و لا تلوم نفسك اذا قالك احد اولادك او بناتك ان " طنط هالة اللي انت بتحبها يا بابا قالت كده" .


--------------------------------------------------------------------------------------------------------------------
المقال المنشور بجريدة المصري اليوم بتاريخ: الخميس ١٤ سبتمبر ٢٠٠٦ عدد ٨٢٣

وين هالة سرحان ياخال.. بقلم حمدى رزق
«نتكلم في السياسة.. يقولون لا تتكلموا في السياسة، نتكلم في الدين.. يقولون إياكم والدين، نتكلم في الاجتماع.. يقولون بلاش فضايح، لم يتبق لنا إلا أن نقدم التليفزيون الصامت علي طريقة السينما الصامتة، والكلام لهالة سرحان».
نجمها مكشوف، هكذا هالة سرحان، كلما علا نجمها كشف كعبها وصارت هدفا، لكنها لاتستسلم، تقاوم بشراسة نمرة برية، تخمش الوجوه الثلجية،تدميها،ثم تعاود الإطلالة علينا من فوق جبل عال.
لم ترتكب هالة الفاحشة، ولم تجدف في الدين، لكنها تمارس فضائيا ما تعتقد صوابه من كشف المستور في حياتنا الاجتماعية التي يغلقون عليها الجب المسحور.
الحملة المجهولة الهوية التي تشتد علي الإنترنت تجاوزت هالة إلي الأمير الوليد بن طلال مالك قنوات «روتانا» وطالبت الملك السعودي عبد الله بن عبد العزيز بنزع الإمارة عنه إذا رفض إغلاق قنوات الحرام، التي يرمزون لفحشها ببرامج وفتيات هالة سرحان.
للوليد ملك ومال يحميه، أما هالة فيجب ألا تترك وحدها في البرية، ونحن عنها غافلون،باعتبارها «خطية» وعليها أن تتحمل خطيتها مثل «هنادي» في «دعاء الكروان» أخشي أن يأتي يوم يسأل أحدنا الآخر وين هالة ياخال!.
هالة مذيعة تساوي قناة فضائية وحدها، تصنع من فسيخ البرامج شربات، ومفيش حلاوة من غير نار، ونار هالة تلفح مزدوجي الوجوه، وتعريهم أمام ذواتهم المنفوخة كذبا، لاتدع لهم فرصة للمداراة، تقول للمجتمع الأعمي أنت أعمي في عينه، ومرة قالت للدبة عينك حمراء، وماخافت ولا ارتعبت بل ضحكت.
تمتلك جسارة تقلقك، ورباطة جأش تزعجك، وتحس أنها ترمي نفسها في التهلكة بابتسامة واسعة، لا تملك إلا أن تعجب ببسالتها في الدفاع عما تعتقد، هالة في «روتانا» هي نفسها في «دريم» ذاتها في التليفزيون المصري، هالة لا تتغير، ولكن المجتمعات تتغير، تنكمش فيها مساحات البراح، لا نجد فيها فرصا للشهيق والزفير، خنقة.
الأزواج يشاهدونها خلسة من وراء أهل البيت، ثم يلعنونها بعدد حبات المسبحة، وتعليماتهم صارمة، برامج الست دي لا تدخل البيت أبدا، والزوجات يشكين من احتراق الطعام في المطابخ وهم عنها غافلون أمام قفشات، وضحكات، ومناوشات هالة، ثم يندمن علي الفرجة التي أحرقت الطبيخ، «قطعت هالة سرحان وادارت في الهواء».
هالة حالة خاصة جدا، قد لا تحبها، تكرهها، لكنك تشاهدها لأنها لن تتركك تنعم بمشاهدة اعتيادية أو تعبث بالريموت بين القنوات، تستحوذ عليك، غضبا منها أو نقمة عليها أو رغبة في سماعها، أو انجذابا لأدائها، فقط يمكنك أن تغلق التليفزيون لأنه الحل الوحيد للتخلص من شبحها.
غرام هالة بكشف المستور يوقعها في المشاكل، ولكنها تهوي المشاكل، هل يتصور أحد أن هالة تبغي العيش في أمان، هالة لو لم تجد مشاكل لاخترعتها، اخترعت برنامجا عن فتيات الليل، من يقبل الحديث عن الدعارة من سيدة، ومن يقبل التفتيش في الملابس الداخلية للمجتمع، إنها هالة وليس غيرها،فهي تبحث عن المتاعب باعتبارها صحفية، تلوكها مستمتعة بمطر اللعنات من فوق رأسها، النجاح له ثمن.
هالة لا تقتصد في النجاح والمشي فوق الأشواك، تقفز في وجه المجتمع، والمجتمع يزحف مثقلا بعقائد و قيم، وأفكار وتقاليد، تحك هالة أنف الفيل، وترغمه علي النهجان وتقطع القلب، فيلعنها، ويرفضها، ويكفر بها، ويطلب من صاحب «روتانا» إغلاق هذا الباب الذي يأتي منه الريح.

----------------------------------------------------------------------------------------------

المصري اليوم 11/2/2007

مفاجأة خطيرة فجرتها اعترافات «بنات الليل» المزيفات: هالة سرحان استأجرت ٣ فتيات للقيام بأدوار عاهرات في «روتانا» مقابل ٤٠٠ جنيه

كتب شيماء البرديني ١١/٢/٢٠٠٧

هالة سرحان
تابع عشرات الملايين من المشاهدين في أنحاء العالم حلقة الأسبوع الماضي من برنامج «هالة شو» للإعلامية الشهيرة هالة سرحان علي شاشة «روتانا سينما»، ومن قبل حلقة أخري حول نفس الموضوع: بنات الليل وبيع الجسد.. حكايات لا تصدق للدعارة ولحم مصر الرخيص الذي يباع للسائحين العرب، وخلف كل حكاية ترويها سيدة أو فتاة مصرية أمام الكاميرا مشاكل وأزمات البيوت التي دفعت بـ«بنات مصر» إلي السقوط في مستنقع الرذيلة.
عشرات الملايين مصمصوا الشفاة وتحسبنوا وضربوا كفا علي كف وهم يتابعون هذه الخبطة التليفزيونية الرائعة، وفي النهاية سألوا وتساءلوا: لماذا لا تحمي مصر بناتها؟
ولكن أحدا من هؤلاء الملايين لم يعرف أن ما شاهده من اعترافات البنات الساقطات وحكايات السقوط والدعارة هي في الواقع سيناريوهات ملفقة وحكايات خيالية قام البرنامج بـ«تحفيظها» لمجموعة من السيدات جئن للعمل باليومية في مجاميع «التصفيق» داخل الاستوديو، ولم يعلم أحد أيضا أن هؤلاء السيدات اللاتي خدعهن البرنامج يواجهن تهديدات بالقتل والطلاق من ذويهن علي جرائم لا يعلمن عنها شيئا.
هذه المفاجأة فجرها برنامج «٩٠ دقيقة» علي قناة المحور أمس، حيث كشفت الحلقة عن قيام حلقة «روتانا سينما» بتأجير فتيات لأداء أدوار بنات الليل في سلسلة الحلقات التي بدأت عرضها منذ أيام وتستكملها غدا لمناقشة قضية فتيات الليل في مصر، واستضافت فيها الصحفية مشيرة موسي والمحامي عاصم قنديل والمخرج مجدي أحمد علي، والفنانة دلال عبدالعزيز وصفاء جلال.
واستعرضت حلقة هالة سرحان «هالة شو» حالات لثلاث فتيات هن «حبيبة ومنة وغادة» بزعم أنهن مارسن الدعارة، وروت كل منهن تجربتها، والتي كانت في الواقع حكاية خيالية وهمية لقنها فريق البرنامج لكل فتاة.
القصة كما روتها «أماني» خريجة السياحة والفنادق والتي ظهرت باسم «حبيبة» بدأت باتصال تليفوني تلقته أماني من صديقتيها مروة وولاء، طلبتا منها أن تشاركهما في حلقة مع هالة سرحان، ضمن مجموعات الموديل والمجاميع التي تحضر التصوير ويقتصر دورها علي التصفيق، وأكدا في اتصالهما أن شخصا يدعي «رضا» من طاقم البرنامج هو الذي اتصل بهما وطلب منهما إحضار فتاة ثالثة معهما، وبالفعل ذهبت أماني بصحبة صديقتيها إلي الاستوديو، وقابلتهن هالة سرحان
وقالت لهن حرفيا: حسب كلامهن «انتوا جيتوا علشان تصفقوا في الحلقة، لكن أنا واقعة في ورطة، ومطلوب مني عمل حلقة عن فتيات الليل، أرجوكم ساعدوني عايزاكم تنقذوني وتمثلوا إنكم بنات ليل، وما تخافوش أوعدكم وحياة ابني الوحيد محمد محدش حيعرف شخصيتكم، أنا حاعرض صوركم مشوشة وحاغير صوتكم وبدل ما الواحدة تاخد ٣٠ جنيها ثمن التصفيق، حتاخد ٢٠٠ جنيه.
وقالت أماني: حسيت إنها واقعة في ورطة، وإنها ضعيفة جدا، ودي كمان هالة سرحان، وبمجرد موافقتنا أخذنا «رضا وسكرتارية هالة» وقاموا بتحفيظنا أدوارنا، وكان دوري الذي تم تلقيني به هو أنني أعيش مع زوج والدتي الذي يعاملني بطريقة سيئة، فاضطررت إلي نزول الشارع واحترفت بيع جسدي، بمقابل مادي يصل أحيانا إلي ١٠ آلاف جنيه في الليلة الواحدة.
وتضيف أماني: أقنعتنا هالة بأن الموضوع كله ضحك في ضحك، وقامت بإحضار وجبات بيتزا علي نفقتها قبل التصوير، وبعد انتهاء التصوير جلست معنا في الاستراحة وقالت لنا: انتم زي بناتي وقامت بالتصوير معنا وأحضرت لنا عصائر
ثم قالت: سأعطيكم مائتي جنيه إضافية لأنكم غلابة بس علي شرط تقفلوا تليفوناتكم، وعندما سألتها: هو صحيح انتي معندكيش أبناء غير محمد، ردت قائلة: كان نفسي في بنت حلوة زيك كده، ووعدتنا بأن الحلقات لن تعرض قبل شهرين ووعدتنا كذلك بالعمل معها في البرنامج وأنها ستوفر لنا شغل خارج مصر، وعندما رفضت وطلبت منها العمل داخل مصر ردت قائلة: هخليكي زي «سماح» التي تشرف علي الموديل
، وبالفعل ذهبت ومعي مروة وولاء بعد تسجيل البرنامج، لمكتب هالة لتنفيذ وعدها بتوظيفنا معها، فقام الأمن بطردنا ومنعونا من مقابلتها، فاتصلت بالسكرتيرة أمل فردت علي قائلة: الدكتورة مش فاضية ولو اتصلتي تاني الدكتورة حتعرض الصور الحقيقية وعلي فكرة القانون لا يحمي المغفلين. وتبكي أماني قائلة: خطيبي تركني بعد أن تعرف علي في البرنامج وأسرتي تحطمت والفضيحة تطاردنا ولا أدري كيف أحصل علي حقي منها؟
لم تختلف القصة كثيرا مع مروة والتي ظهرت في دور «منة»، وإن كانت الحلقات قد تسببت في انفصالها عن زوجها والذي ينوي تطليقها وقال لها: انتي فضحتيني وبدل ما أقتلك حابعدك عن طريقي، وقالت مروة: دوري كما حفظوه لي أنني مطلقة أصطاد الزبون وأجعله لعبة في يدي، لدرجة أنني أضربه، ورغم أنني شاركت في حلقات هالة من قبل، إلا أن دوري لم يتجاوز التصفيق وكنت أحضر الحلقة أشوف نجوم وأصفق، وأخذ ٣٠ جنيها دون أن أتعري أو أرتكب أي خطيئة وزوجي يعلم هذا، لكنها ضللتنا وخدعتني وأصبحت أنا وزميلاتي في النهاية الضحية.
قصة ولاء هي الأكثر سخونة ومأساوية، إذ انفصل عنها خطيبها رغم عقد قرانهما، و تطاردها أسرتها الصعيدية للقصاص منها، بعد أن فضحتهم حسب تعبيرها، لدرجة أنها لم تغادر منزلها منذ عرض الحلقة، بينما دخلت والدتها في حالة انهيار شديد، وتقول ولاء: ظهرت خلال الحلقات باسم «غادة» وربطوا «شاش» علي يدي باعتبار أن الرجل الذي كان معي هو الذي ضربني، وبعد عرض الحلقة تركني خطيبي وتواجه أسرتي الفضيحة، خاصة أنهم في البلد عرفوا هذه المصيبة رغم أنهم لم يشاهدوا الحلقة.
ويقول والد أماني: ابنتي أول مرة تذهب لهذا البرنامج، لكنني أحمل هالة سرحان مسؤولية تبويظ الإعلام وتشويه صورة المذيعين، وأطالب كل مسؤول في الدولة بدءا من الرئيس مبارك بإنقاذ بنات مصر ومستقبلهن من التشويه علي يد هالة سرحان.
وقالت والدة ولاء: كان نفسي إن هالة تتقي ربنا في بنتي وتتذكر أنها أم، كما أطالب المسؤولين بإيقاف هذه الحلقات، ومنع عرض بقية الحلقات.
ومن جانبه، أكد بشير حسن معد برنامج «٩٠ دقيقة» أن البرنامج تردد في طرح هذه القضية، لكنه فوجئ بالفتيات وأسرهن يستغثن بالبرنامج ويتهمن هالة سرحان بأنها تتعمد تشويه سمعة المصريات ولا تستطيع تقديم أي حلقة تهاجم فيها أي دولة عربية وتحديدا السعودية.
وقال بشير: استضفنا الكاتب الصحفي سيد علي، والصحفية حنان شومان للتعليق علي الموضوع، واستقبلنا مكالمات هاتفية كثيرة، وحاولنا الاتصال بهالة سرحان للرد علي هذه الاتهامات، لكنها لم ترد علي اتصالاتنا.

الوليد

بسم الله الرحمن الرحيم

و الصلاة و السلام علي رسول الله صلي الله عليه و سلم

طبعاً أي حد حيقرأ العنوان حيفتكر أن الكلام عن الصحابي خالد بن الوليد

ربط الاسم المطلق مع الطابع الديني اللي بحاول أوصله من أن لأخر في كتاباتي

لعلها تنضح علي شخصيتي يوماً .

أكيد أفتكرتوه خالد بن الوليد

طب حد قرأ جريدة الاهرام أنهاردة

أنا واخد عهد من فترة أني لا أشتري أي جرائد رسمية بسبب خبر قرأته بس حقول عليه بعدين

ممكن أشتري المصري اليوم أو الدستور رغم أعتراضي التام علي علمانيتهم المفرطة اللي طرشت في كل الصفحات

أنا رجعت البيت مكن ساعة و كنت ناوي أهزي بأي حاجة علي المدونة

كان عنده ثلاث ثقوب في القلب

و لكني تراجعت

و قلت مش كاتب عنهم

وقفلت الكومبيوتر

و قمت

لقيت جريدة الاهرام

أهرام الجمعة

علي الكنبة

طبعاً عارفين جريدة الاهرام

تلك الكتلة الكبيرة من الاوراق

أه ه ه

تلك الكتلة التي كانت لطالما تغريني عشان ألتهمها

أعلانات أشكال و ألوان

700 صفحة رياضة في النص

و شوية صفحات مكررة في الاول و الاخر

هذه الكتلة اللعينة المائلة للصفرة لوناً و طعماً

أغرتني

و قلبت في الاوراق

قلبت الكام صفحة اللي في الاول كالعادة لثقتي الشديدة لفراغهم من الجديد

و تركت الرياضة لأني كنت لسه شايفها علي النت

و ركزت علي الاعلانات

وبعدين طل عليا بوجهه يملاْْء الصفحة

أعلان في صفحة كاملة

الوليد

السيرة الشخصية للأمير الوليد بن طلال

الكتاب يباع ب 20 جنيه و معاه CD فيلم وثائقي عن الامير

الملياردير رجل الأعمال صاحب السمو

خيال علمي

سيرة ذاتية لرجل حي

سيرة ذاتية لتاريخ لم أسمع أو أري فيه شئ علي حد علمي

يدعو للفخر و التسجيل

و كمان فيلم

الحمد لله الذي عافانا جميعاً

الحمد لله علي نعمه جميعاً

الوليد

ICON

و ممكن أن نقول علامة مميزة

و هذه سيرته الشخصية في الدنيا

و فخر و أعتزاز

و تسجيل للتاريخ

شراء لسمعة لن تجني بكتاب

وصيت حصد قبلاً بأيدي العازفين

أصوات علت

وأجساد أهتزت

و و و و ...................

أنا لا أريد أن أخوض في الرجل

و لا أعلم قدره عند الخالق عز وجل

و ماندري جميعاً علي ماذا نبعث

اللهم ثبتنا بالقول الثابت في الحياة الدنيا

و في الاخرة

ولكني نبت الشوق

و الفضول

في جنبات صدري

لأعلم

سيرة

أمير الفضاء الذاتية

لو حد أشتري الكتاب و قرأه

يقولي بسرعة :)

وحاول تغمض عنينك

من موقع في البلد

الجارديان : فرق الموت الشيعية تقتل "السُنة" حتى بعد دفع الفديةالسبت، 27 يناير 2007 - 20:15بقلم: أحمد زين

فرق الموت تحصد أرواح عشرات العراقيين السُنة كل يوم - الصورة من رويترز
كشفت تقارير صحفية النقاب عن قيام كل من الجيش والشرطة العراقيين بالإضافة لإيران بتقديم الدعم العسكري واللوجيستي لما يسمى بـ"جيش المهدي" إحدى فرق الموت الشيعية ، في اختطاف وقتل مواطنين عراقيين من السُنة!أوردت صحيفة "الجارديان" البريطانية نص مقابلة أجراها مراسلها ببغداد غيث عبد الأحد مع أحد قادة فرق الموت بجيش المهدي والذي يدعى فاضل "26 سنة".أوضح فاضل أن جيش المهدي يلجأ في عملياته إلى تعزيزات من فرق من الجيش العراقي يقودها أعضاء تابعون له داخل الجيش أو متعاطفون معه ، "أما الشرطة فإنها كلها تابعة لجيش المهدي" على حد قوله.وأضاف أن جيش المهدي يتلقى الدعم العسكري واللوجستي من إيران ، ليس لحبها لهم ولكن لبغضها للأمريكيين.وأكد قائد "فرقة الموت" سهولة نقل الأسلحة إلى مدينة الصدر ، مشيرا إلى أنهم عادة يقدمون رسالة لكل نقاط التفتيش التي يمرون بها.كان جواد دبيران المتحدث باسم "المجلس الوطني للمقاومة الإيرانية" (الجناح السياسي لمجاهدي خلق) المعارضة للنظام الإيراني ، قد كشف النقاب عن لائحة بأسماء أكثر من 32 ألف عراقي ، قال إنهم "عملاء لنظام الملالي" الإيراني في العراق ويتقاضون أجورا من طهران.وأضاف أن إيران ترسل ملايين الدولارات نقدا كل شهر إلى العراق ، كما تهرب أسلحة ألية لهؤلاء العملاء الذين يعدون عناصر حالية في "فيلق القدس".وأشار تقرير صادر عن الأمم المتحدة إلى مقتل أكثر من 34 ألف من المدنيين في العراق خلال العام الماضي في أحداث عنف.نقلت "الجارديان" عن فاضل أن فرق الموت تقتل من تقوم باختطافهم من السُنة ، حتى بعد دفع عائلاتهم للفدية التي يطلبونها نظير إطلاق سراحهم!

جثث رجال من السُنة لقوا حتفهم على أيدي ميليشيات جيش المهدي - الصورة من رويترز
كما وصف كيف قام هو ومعاونيه باختطاف ثلاثة رجال من السُنة ، وأنه أثناء تعقبه لضحاياه أخبر الجيش العراقي عند نقطة للتفتيش بأنه يطارد عدد من الإرهابيين.ونقلت الصحيفة عن فاضل قوله : "أخذنا الرجال الثلاثة لمدينة الصدر ، حيث تم استجوابهم ثم إعدامهم" ، وأشار إلى أن أفراد جيش المهدي عادة ما يطالبون أسر المختطفين بدفع فدية مقابل إطلاق سراح ذويهم ، "إلا إنه على أية حال يتم تصفيتهم بعد تسلم الفدية" على حد قوله.تدخل قائد آخر بجيش المهدي قائلا "إننا اختطفنا عشرة من السُنة ، نحصل على فدية عن خمسة منهم ثم نقوم بقتلهم جميعا ، ونحصل في كل عملية اختطاف كبيرة على 50 ألف دولار .. مضيفا أنها أفضل تجارة يزاولها المرء في بغداد الآن".من جانبه كتب عبد الأحد "الخطف في بغداد لم يعد فقط من أجل الحصول على المال ، بل أصبح كذلك وسيلة انتقامية وأحد مظاهر الكراهية الطائفية".وأضاف أن فاضل يشغل منصب "قائد فصيل" كما هو واضح من بطاقة الهوية الخاصة به داخل جيش المهدي ، وأنه مسئول عن وحدة تضم نحو 35 مقاتلا.وأستطرد المراسل يقول إن فاضل يحتل مكانة كبيرة داخل فرق الموت الشيعية ، نظرا لكونه شيعي ترعرع في منطقة سنية جنوب بغداد ، فضلا عن إجادته للحديث بلكنة السنة ، كما أن لديه بطاقة تعريف من قرية اليوسفية السنية.يقول فاضل عن هذا : "باستطاعتي الدخول للمناطق السُنية دون أن يعلم أحد أنني شيعي".اختتمت الصحيفة تقريرها بالتأكيد على أن فاضل وأمثاله هم المسئولون عن عشرات الجثث التي يُعثر عليها يوميا في بغداد ، الأمر الذي يعني أن خطة أمن بغداد لن يكتب لها النجاح ما لم يسيطر الأميركيون على مثل هذه الفرق

جواز سفر هولندي

بسم الله

و الصلاة والسلام علي رسول الله

صلي الله عليه و سلم

مش عارف أنا أيه خالاني أتكلم في السياسة

كنت كانن

و ساكت

بس بتجري ورايا

كنت ناوي ماكتبش حاجة

علي الورق اللي أنا مش شايفة

مش لامسة

وكمان كارهة

حقولكم الاول

قصة جواز السفر الهولندي

قدراً

شركة أجنبية بتعمل شغل عندنا في شركتنا

وشاء الله تعالي

أن يعملوا معي

هولنديون و ألمان

و بحكم لقائي اليومي معهم

وحواراتنا حول سير العمل أو حوارات وقت الراحة

و بحكم التقائنا 12 ساعة في اليوم

دارت حوارات كتيرة

ححكيلكم عليها

واحد سألني

انا رحت اسرائيل

كان عندهم شغل هناك

و طبعاً تأشيرة اسرائيل كانت في جواز السفر

قالي

لما حاولت أدخل السعودية بالجواز ده

حصلت مشاكل كتيرة

وأضطر يطلع جواز جديد

المفأجأة

لما جه يدخل مصر بالجواز اللي فيه تأشيرة الملعونة

كان عادي جداً

مش ممكن

عادي يعني

هو خلاص

سألني

أنت بتكره اسرائيل

قلت طبعاً

و كنت مولع غيظ

سألت و أنت

ٌالي بكرهها

لأنهم سلرقين أرض مش أرضهم

كنت مذهول من أجابته

حدف سؤال تاني بسرعة

بتكره أمريكا

قولت له

أنت بتحبها؟؟

قالي

بكرهها جداً

هي بتقول لبلادنا نعمل أيه و منعملش أيه

و عايزة تمشي الدنيا زي ما هي عايزة

قال انا بكره أمريكا كسياسة بس مش بكره الامريكيين

الحوار خلص لسبب مش فاكرة

دخلت في حوار تاني

سألت

تعرف أيه عن الاسلام

أنا أعرف حاجات كتير

انا فصلي كان نصفه مسلمين

فتحت بقي :)

نصه

قال أنا عارف رمضان

و عارف بتصوموا ليه

ليه ؟

عشان هو طهارة للجسم و الروح

طب أتكلم أقوله أيه

و دخلنا في الشغل

بعد يومين

حوار عن شرب السجائر و الخمور

قال أنا عارف أنه حرام

و قالها بالعربي

حرام

سألت

أنت تعرف ليه حرام

قال عشان يتأذي الجسم و العقل

بس أنا رأي في سكة تانية

سألته

أنت عندك عقل

قال أيوة

قلتله مش غريبة

أن الناس عارفة الصح فين

و لسه بتبعد عنه

و خلص الحوار

حوارات تانية

كتير مش فاكرها

بس انا عايز أرجع لقصة الجواز

أنا افتكر ان واحد قريب لواحد صحبي

مصري

سافر لأسرائيل في اواخر الثمانينات

أيام هوجة التطبيع

راح أشتغل

و رجع

عشان يدخل مصر كانت مشكلة

و بعد ما دخل

أنتم عارفين الباقي

و ماليش دعوة بالسياسة

و تصبحوا علي خير

عشا ن عايز أنام