إِنَّ الدِّينَ عِندَ اللّهِ الإِسْلاَمُ

الخميس، ديسمبر ٢١، ٢٠٠٦

ولاد الناس


كلمتين لطالما كان لهما مدلول عميق في طبقات الشعب المصري خلال ال50 عام الماضية

كان الواحد لما يتقال عليه ابن ناس

يعني انه واحد متربي

و أهله متربين

و جدوده متربيين

يعني العائلة و أصولها عندها أخلاق و قيم

و كانت البنت المحترمة يتقال عليها أصلها من بيت

وعليتها محافظة

الله

كلمة جميلة

عيلة محافظة

J

الموضوع و لا كان مرتبط بمال و لا أطيان و لا غيره

كان كله حول الاخلاق و السلوكيات

علي الاقل كان هو ده المفهوم داخل الطبقة المتوسطة

التي كانت العمود الفقري للمجتمع

و اكبر فئاته

الموضوع أنهارده أتغير تماماً

وولاد الناس مبقوش ولاد الناس

وولاد ال(...) هما أصحاب الاصول

حسبات تانية

الواحد بيتحكم عليه من لبسه

يعني لو لابس فانكي و علي الموضة

هو ده

ده شكله بن ناس قوي

ونوع الموبيل بيفرق

لو أنت بتغيره كل شهرين

يبقي انت بن ناس قوي

يا سلام لو أنت بتقضي الصيف في مارينا

يبقي انت من صفوة ولاد الناس

يعني أنت مأصل

يا سلام لو كنت بتعرف فرنساوي و لا أسباني

طبعاً جنب حبة حاجات من اللي فاتت

يبقي أنت عاديت

هنيالك يا عم

خش أي كلية وخد دبلومة هيومان ريسورس

ولو أنت ابن ناس بجد

يبقي أشتغلت في أحسن شركة

زبط عربية تمام

لازم تكون ألماني

وأوعي تقول شرق أسيا

ألماني يعني ألماني

دوس يا عم

لأن موضوع العربية بيفرق كتير

في حكاية ابن الناس

العربية دليل سريع جداً

عامل زي مايكون شاشة بتحدد درجة قربك من قمة ولاد الناس

مش مهم انت ايه

المهم انت نازل من عربية شكلها ايه

وخد بالك من كلمة نازل

لأنك لو ماشي محدش حيخد باله منك

ولاد الناس لازم يكونوا بيشربوا سجائر

وطبعاً مش أي سجائر

يعني في حاجات بتاعت ولاد الناس و حاجات بتاعت مش ولاد الناس

وياسلام لو مخدرات

ولاد الناس بيلعبوا رياضة

طب ما كل الناس بيلعبوا رياضة

لأ ولاد الناس بيلعبوا تنس أو جولف

او بانجي جانب

ممكن غطس وساعات أسكواش

يعني لو أنت ماشي في الشارع معاك المضرب

يبقي أنت أكيد ابن ناس

ابن الناس لازم يكون يعرف بنات كتييير

كتييير جداً

و لازم يكونوا ولاد ناس برضه

بنت الناس حكياتها حكاية

عربيتها لازم تكون جيب

أمريكاني

واللبس مش حينفع يتوصف

بنت الناس من الاخر

مقدرش أعلق عليها

انا سمعت واحد من ولاد الناس بيقول أنه بينزل يظبط شغله ساعة صلاة الجمعة

عشان الشوارع فاضية

طب ما هو لو كل ولاد الناس عاملوا كده الشوارع حتتزحم

ساعة صلاة الجمعة

و لا عزاء لولاد الناس

غوغة

بسم الله و الصلاة و السلام علي رسول الله صلي الله عليه و سلم
الحمد لله التي تتم بذكره الصالحات حمد كثيراً مباركاً فيه

أحب أن أهنئكم جميعاً بقدوم شهر ذي الحجة و أن أنعم الله علينا جميعاً أن نبلغ هذه الايام التي اقسم الله بهم فهنيئاً للقلوب الصافية التي أنتظرت قدوم العشر .
اما بعد
الموضوع اللي حتكلم فيه هو تحذير
وممكن أسميه توضيح
كنت بلف و أدور كالعادة علي النت أدخل من صفحة علي صفحة و من مدونة علي مدونة
طبعاً قدر الله أن أقع في أحد المستنقعات و هي المدونة التي تحدثت عن واقعة التحرش الجنسي و عرضت أشياء مستفزة و غير مقبولة
علي كل الاحوال مش ده الموضوع اللي انا عايز أتكلم فيه
فيه موضوع تاني أهم
البهائيين
أيوة تاني
انا لقيت مصايب علي المدونات
أحد المدونات بتاعت أتنين تقريباً واحد أسمه علاء و مش فاكر أسم الاخت المشتركة معاهم في المدونة
المهم لقيت في المدونة موضوع
دعوة لوقوف وقفة بجوار البهائيين
؟؟؟؟
طب انتم البهائيين
قالوا لأ
طب
أيه بأة
قٌالوا حقوق المواطنة
مواطنة
مواطنة أيه
سألت طب الشواذ حتدفعوا عنهم
قالوا طبعاً
كل واحد من حقه يعمل الله هو عايزه
العلمانية
السرطان اللعين اللي هرس عقول الناس
يا جماعة ده الشوارع لو مكنتش اتجاهات
كان كل شئ حيقف
أنت عايزين تشيلوا كل القيود
حتوصلوا لأيه

المهم
بعد كده دخلت علي أحد المدونات لأخت تدعي نوارة
المهم تصفحت المواضيع و
لقيت
نفس الحكاية
بس بطريقة مختلفة
هي بتكلم عن تمييزهم عن المسلمين
يعني كأننا حطينا خط تحت منهم
يعني علمنا عليهم عشان يبقوا معرفين
الكلام كلام حلو
لكن ده في حالة أننا صنفناهم كفئة
مش أصحاب بلد
انهاردة عايزين يثبتوا الديانة
بكرة عايزين معابد
بعد بكرة مقاعد في مجلس الشعب
وووو .............
مخطط التفتيت
تقوية الاقليات
و تقليبها علي بعضها
المخطط الغربي الساذج
و اللي أحنا بسذاجة مشيين وراهم و أحنا فاتحيين أفواهننا
النصاري عايزيين يشيلوا الفقر الثانية في الدستور
يعني نشيل أن الاسلام دين الدولة
ما هو لما يبقي فيه بهائيين كمان
يبقي لازم نشيلها بقه

غوغة
صدقوني انا حسيت انها غوغة من غير تفكير
والاخ و الاخت اللي عايزين يعملوا مظاهرة مساندة للبهائيين
اكنهم بيقولوا يلا نعمل غوغة
حتي الغوغة فشلنا فيها


الاثنين، ديسمبر ١١، ٢٠٠٦

باللمس

لمساً تحركت انامله
برقة شديدة فوق انبعاجاتها
يتلمسها برفق
و تترجم انثنائات جفونه المغلقة عن تأثره الشديد بما يشعر به جراء هذه اللمسات
كان يمسك بين يديه هذا الكتاب
يتنقل فوق اسطره المكتوبة بطريق بريل
يقرأ
و يستمتع
بالقرأن الكريم
باللمس
يا له من شعور
هل جربت يوماً أن تلمس القرأن
تحسه
تشعر به داخلك
كان هذا الشاب الكفيف يقتلني بما يفعله
حمدت ربي علي نعمة الأبصار التي وهبني أياها
وحمدته أن جعلني أشكر هذه النعمة
لبثت اراقبه
فهو لا يقرا بأصابعه فقط
أنما بقلبه
عينيه المغلقتين تقولان هذا
و لعلهما توحيان بهذا
كان هذا الكفيف و غيره يجعلني أشعر باهمية ما حولي
و أهمية أن تتفاعل معه
فالكفيف كل ما حوله يحسه
لماذا
أن البصير يري كل شئ
كصورة مجمله
مثلاً كأن تدخل غرفتك كل يوم
أو كل ساعة
ربما لتحضر شئ ما منها
عينيك ستهمل كل التفاصيل
فقط انت تريد حاجتك
لن تلاحظ مثلاً تغييراً في موقع أحد أثاث الغرفة
ربما بعد فترة
أما لو كنت كفيفاً
فكل ما حولك هو خريطتك
كل قطعة اثاث في بيتك هي مرشدك الي طريقك
أن الكفيف يشعر بكل ماحوله فعلاً
و كل شئ له معه علاقة و قصة
شاء القدر ان التقي باحد المكفوفين
و شاء القدر أن يكون هو دليلي الي أحد البيوت
وكانت زوجته تسير معه معظم الوقت
و لكنها لم تكن تتذكر هذا البيت المطلوب
قال لي وقتها أخي الكفيف
أدخلني مدخل البيت و سأعلم اذا كان هو أم لا
وولج من مدخل البيت
و أرتقي درجاته
و بعد 5 أو 6 درجات
قال لي أن هذا هو البيت المطلوب
أستعجبت و احس هو بذلك
فابتسم و قال لي بالحرف
أصل سلالام البيت مكعبلة
ضحكت , كان تعبيره دقيق
لأن سلالم البيت كانت مكعبلة فعلاً
يعني كل سلمة مقاس غير الأخر
سبحان الله
أردت ان أكون مبصراً بحس كفيف
تشعر بكل ما حولك
و تحسه و تلمسه
تمنيت أن أكون بهذا الحس مع زوجتي
أشعر بما داخلها من نبرة صوتها
أشعر بما يضيق صدر أصدقائي به عندما القاهم
أشعر بأمي و لهفتها عند عودتي من السفر
أشعر بجمود أبي و صلابته رغم حنينه الي
أشعر بالاشجار التي تسبح في ملكوت الله متمايلة
هل حاولت قبلاً
ان تصبح مبصراً كفيفاً
حاول ان تكون هذا الرجل يوماً
مع زوجتك
مع اصدقائك
مه اهلك
مع قطتك
حتي مع جهاز الكومبيوتر الذي تستخدمه الان
لن أقولها لك
باللمس
بل بالهمس

الخميس، ديسمبر ٠٧، ٢٠٠٦

و مازالت الزخات مستمرة



شارع الأسكندر الأبراهيمي أمام الكاديمية

شارع الأسكندر

و مازالت زخات الأسكندرية مستمرة
أمطار غزيرة
برق و رعد
و شلل تام للحياة
الكورنيش و أبوقير
قابلني لو عرفت تروح




و علشان محدش يفتكر أني بكره أسكندرية و لا حاجة أتفرجوا علي الصور دي























هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة