كلمتين لطالما كان لهما مدلول عميق في طبقات الشعب المصري خلال ال50 عام الماضية
كان الواحد لما يتقال عليه ابن ناس
يعني انه واحد متربي
و أهله متربين
و جدوده متربيين
يعني العائلة و أصولها عندها أخلاق و قيم
و كانت البنت المحترمة يتقال عليها أصلها من بيت
وعليتها محافظة
الله
كلمة جميلة
عيلة محافظة
J
الموضوع و لا كان مرتبط بمال و لا أطيان و لا غيره
كان كله حول الاخلاق و السلوكيات
علي الاقل كان هو ده المفهوم داخل الطبقة المتوسطة
التي كانت العمود الفقري للمجتمع
و اكبر فئاته
الموضوع أنهارده أتغير تماماً
وولاد الناس مبقوش ولاد الناس
وولاد ال(...) هما أصحاب الاصول
حسبات تانية
الواحد بيتحكم عليه من لبسه
يعني لو لابس فانكي و علي الموضة
هو ده
ده شكله بن ناس قوي
ونوع الموبيل بيفرق
لو أنت بتغيره كل شهرين
يبقي انت بن ناس قوي
يا سلام لو أنت بتقضي الصيف في مارينا
يبقي انت من صفوة ولاد الناس
يعني أنت مأصل
يا سلام لو كنت بتعرف فرنساوي و لا أسباني
طبعاً جنب حبة حاجات من اللي فاتت
يبقي أنت عاديت
هنيالك يا عم
خش أي كلية وخد دبلومة هيومان ريسورس
ولو أنت ابن ناس بجد
يبقي أشتغلت في أحسن شركة
زبط عربية تمام
لازم تكون ألماني
وأوعي تقول شرق أسيا
ألماني يعني ألماني
دوس يا عم
لأن موضوع العربية بيفرق كتير
في حكاية ابن الناس
العربية دليل سريع جداً
عامل زي مايكون شاشة بتحدد درجة قربك من قمة ولاد الناس
مش مهم انت ايه
المهم انت نازل من عربية شكلها ايه
وخد بالك من كلمة نازل
لأنك لو ماشي محدش حيخد باله منك
ولاد الناس لازم يكونوا بيشربوا سجائر
وطبعاً مش أي سجائر
يعني في حاجات بتاعت ولاد الناس و حاجات بتاعت مش ولاد الناس
وياسلام لو مخدرات
ولاد الناس بيلعبوا رياضة
طب ما كل الناس بيلعبوا رياضة
لأ ولاد الناس بيلعبوا تنس أو جولف
او بانجي جانب
ممكن غطس وساعات أسكواش
يعني لو أنت ماشي في الشارع معاك المضرب
يبقي أنت أكيد ابن ناس
ابن الناس لازم يكون يعرف بنات كتييير
كتييير جداً
و لازم يكونوا ولاد ناس برضه
بنت الناس حكياتها حكاية
عربيتها لازم تكون جيب
أمريكاني
واللبس مش حينفع يتوصف
بنت الناس من الاخر
مقدرش أعلق عليها
انا سمعت واحد من ولاد الناس بيقول أنه بينزل يظبط شغله ساعة صلاة الجمعة
عشان الشوارع فاضية
طب ما هو لو كل ولاد الناس عاملوا كده الشوارع حتتزحم
ساعة صلاة الجمعة
و لا عزاء لولاد الناس
هناك ٣ تعليقات:
مدونتك جميله قوى البوست دة جميل وكلامك صح علشان كدة مافيش حد قدر يرد عليك لان نصهم ذى مانت وصفت بالظبط ربنا يوفقك
الاخ العزيز شكراً علي زيارتك و أسألك الدعاء دائماً
اولا اشكرك كتير على تشريفك مدونتى وانا احب ارد على التعليق على مدونه صاحب التعليق حتى اوفر عليه دخول مدونتى والبحث عن الرد اكيد للحب معانى كتيرة قوى بس بشرط انه لايغضب الله وبالنسبه لموضوع الشاب وجاريه سيدنا عمر وفى روايات قالت سيدنا على انا سمعتها وقرأتها من اكتر من مصدر وانا اقصد ان الشاب حب الجاريه ولما اراد سيدنا عمر معرفه نواياة اخبر الجاريه انت تخبر الشاب انه تبادله نفس مشاعر الحب فلم يفعل مثل الشباب الان ومشى معاها وارتبط بها كالمتزوجين وهم لم يتزوجوا بعد قال لها اصبرى حتى يجمعنا الله فى الحلال دة اللى اقصدة انى لو حبيت انسان وانسان حبنى لازم نصبر ولا نفعل شئ يغضب ربنا حتى يجمعنا الله بالزواج دة اللى اقصدة بس مش اكتر ودة بصراحه مفهوم الحب عندى اللى يحب حد لا يجعله يخسر نفسه وكرامته
إرسال تعليق