ليل و نهار
الخميس 3/5/2007
نهاراً
ألملم حاجاتي أستعداداً للسفر بعد أنتهاء العمل
أختار أحد الكتب لأقرأها في عطلة نهاية الأسبوع
وقع في يدي الكتاب العزيز الهوية الأسلامية
للدكتور محمد أسماعيل المقدم
أفتح صفحاته عشوائياً
تقع عينايا علي جملة الحرب الأعلامية وأهميتها
عصراً
محطة البنزين
أدخل فاغراً فاهي مذبهلاً
الرجل الذي يمون السيارات يدخن سيجارة
عادي جداً
ياريس هو ينفع كده
سيجارة وأنت شغال
ياشيخ ده ديزل
بعد جملته ,أعتقدت أني نجوت من أزومة عصبية
ورديت
مالحقتش أرد
رماها علي الأرض وداس عليها
خلاص طافيتها يا شيخ
ليلاً
قناة الناس
جزاهم الله خيراً
تحتفل القناة بتحول قناة الخليجية من الموسيقي الي قناة دينية
الشيخ محمد العريفي والشيخ محمد حسين يعقوب
وصاحب القناة
المذيع السعودي طلب منه ان يعد بعدم تحول القناة الي أي نشاط أخر مهما حصل
صاحب القناة وعد بتحمل أي خسائر مهما كانت
الا انه يخاف من الأنظمة
أنظمة القمر الصناعي النيل سات والعرب سات تقر بعدم أنشاء أي قنوات دينية
الجمعة 4/5/2007
عصراً
محطة البنزين
رايح أغسل العربية
منتظر دوري في الغسيل
واحد مشغل الكاسيت
وأغنية شغالة لمطرب التعايش
كلمات أقل مايقال عليها أنها واطية
معلش علي اللفظ
بس أنا كنت حارجع
ومش عايز أكرر الكلمات
الخميس 3/5/2007
نهاراً
ألملم حاجاتي أستعداداً للسفر بعد أنتهاء العمل
أختار أحد الكتب لأقرأها في عطلة نهاية الأسبوع
وقع في يدي الكتاب العزيز الهوية الأسلامية
للدكتور محمد أسماعيل المقدم
أفتح صفحاته عشوائياً
تقع عينايا علي جملة الحرب الأعلامية وأهميتها
عصراً
محطة البنزين
أدخل فاغراً فاهي مذبهلاً
الرجل الذي يمون السيارات يدخن سيجارة
عادي جداً
ياريس هو ينفع كده
سيجارة وأنت شغال
ياشيخ ده ديزل
بعد جملته ,أعتقدت أني نجوت من أزومة عصبية
ورديت
مالحقتش أرد
رماها علي الأرض وداس عليها
خلاص طافيتها يا شيخ
ليلاً
قناة الناس
جزاهم الله خيراً
تحتفل القناة بتحول قناة الخليجية من الموسيقي الي قناة دينية
الشيخ محمد العريفي والشيخ محمد حسين يعقوب
وصاحب القناة
المذيع السعودي طلب منه ان يعد بعدم تحول القناة الي أي نشاط أخر مهما حصل
صاحب القناة وعد بتحمل أي خسائر مهما كانت
الا انه يخاف من الأنظمة
أنظمة القمر الصناعي النيل سات والعرب سات تقر بعدم أنشاء أي قنوات دينية
الجمعة 4/5/2007
عصراً
محطة البنزين
رايح أغسل العربية
منتظر دوري في الغسيل
واحد مشغل الكاسيت
وأغنية شغالة لمطرب التعايش
كلمات أقل مايقال عليها أنها واطية
معلش علي اللفظ
بس أنا كنت حارجع
ومش عايز أكرر الكلمات
هناك ٢٠ تعليقًا:
انا على طول برجع ، جدع انك عرفت تمسك نفسك
سيجارة فى البنزينة !!!!
انت مستغرب اوى كدا ليه عادى يعنى انت فى مصر ام الدنيا
مع احترامى لقناة الناس لكن شعارها دا بينرفزنى ازاى قناة تاخدنى للجنة مين اللى قرر كدا يعنى
مع احترامى برده مش كل الشيوخ اللى فيها على علم و دراسة فيه شيوخ "مع ان مينفعش اقول عليهم كدا "
بيتكلموا كانهم قاعدين كدا كلام عامى كله رغى لا ينفع و لا يضر زى كتب الدين فى المدرسة كدا
يالا ماا عليناا
حضرتك مسافر فين ان شاء الله ؟؟
أنا مستغرب نفسي برضه يا استاذ محمد
ماعلينا
مافيش حاجة كاملة
كل يؤخذ منه ويرد عليه
ألا رسول الله صلي الله عليه وسلم
فالناس قناة مختلفة لها هدف وغاية
وربنا يرزقهم الكمال قدر المستطاع
اما هن الكلام العامي , فبعض الناس تحتاج للتبسيط لأجل الفهم
جيت اركب انبوبة الغاز لقيتها مفوتة يعني المحبس لا يقفل خدتها جري في العربية وفاتح الشبابيك وضغط فظيع غاز طالع
رحت المخزن
هه هه هه الأن ..بو ..بة.. دي مفوتة
رد والسيجارة في إيده وإيه يعني وشايلها بإيد واحدة والسيجارة في الإيد التانية
وقال لي خد لك غيرها
ناهيك يا هندسة عن الجماعة بتوع شغل المجاري اللي بيقعدوا ياكلوا بإيديهم عادي
الخ القايمة
الســلام عليكم
عااادى اوووى عارف ليه حضرتك لاننا شعب لا يعرف ولا يقدر على تقيم حجم الكوارث
يعنى شعب مستهتر بطريقة غريبة جدا
معذرة بقى للدكتورة مـاعلينا
انا قناة الناس مش باسمعها ولا اى قناة تانية لان ظروفى كده بس اللى اقدر اقول لو القناة مش عاجبك علشان هو برضو مش عاجبة ناس كتير اكيد برضو فى قنوات دينية وفى قنوات للاغانى يعنى قنوات كتيرة اووى يعنى حاليا التليفزيون يناسب جميع الاذواق
لاننا بصراحة بأحزن اووى لما حد يهاجم قناة دينية لان التليفزيون للاسف الشديد مليان بلاوى مش الحاجة اللى بتقول كلمة كويسة نقول فيها بالبلدى كده القطط الفطسانة اوعى تزعلى انا بقول رايى لاننا لحظت فى الفترة الاخيرة فعلا فى هجوم شديد على هذه القناة
اللــهم انصر الاسلام واعز المـــسلمين
الاخت امانى :
بالعكس باه لما تكون قناة دينية تبقى اول حاجة لازم نركز و نشوف السلبيات اللى فيها علشان نصححها
علشان منديش حد فرصة انه يهاجمها و يشكك فى الاسلام و المسلمين
انا معاكى ان ندرة القنوات الدينينة حاجة مش كويسة و ان احنا لازم نشجعهم بس برده لما نشوف ان فيه حاجة غلط برده لازم نقول هما بشر برده و بيغلطوا
و اكبر دليل اعلانات الوهم اللى بيبثوها و اللى تبين ان البيزنس مهم عندهم برده
و ان كان فيه هجوم شديد مش لازم يبقى كله افترى بالعكس يبقى فيه نقط الناس اتفقت عليها و حقيقة عندهم حق فيها
و يا ريت حضرتك تتابعى القناة علشان تقدرى تحكمى عليها
السلام عليكم ورحمة الله وبركاته
بعد إذن حضرتك يا باشمهندس بينو .. انا سمعت إن فيه ناس ببتخانق عندك فجيت جري عشان اتفرج .. بس يا خسارة لقيت الأفوكاتوا أماني معاها حق في كل اللي قالته والدكتورة ما علينا كمان معاها حق في كل اللي قالته ومش لاقي اختلاف ما بين كلامهم
لأني ع اللي فهمته هما الاتنين بيقولوا إن القنوات الإسلامية مهمة جداً ويجب الاهتمام بيها .. سواء الاهتمام بنشرها ودعمها زي ما بتقول الأفوكاتو أو بالنصح وتصحيح الأخطاء زي ما بتقول الدكتورة
وما دام هما الاتنين متفقين فبعد إذنك يا باشمهندس انا عايز تكاليف المواصلات ارجع مدونتي تاني بدل ما ارمي السيجارة في ارضية المدونة واشعلل العركة
السلام عليكم
عادى عادى عادى السجاير فى اى حته عادى هو ايه ممنوع ليه انت مش فى البلد ديه
اما بقى بالنسبه لقناه الناس بشوفها زى اى حاجه بالصدفه بس ديه ما يمنعش انها قناه فعلا حسست كتير من الناس ان فعلا فى اسلام وفى ناس كتير عايشه عشان ترفع من شأنه وان كان فيها زى ما بعض الناس قال شيوخ مش على درايه كافيه
واذا كان فى اختلاف على شعارها يمكن الشعار اللى استفز ما علينا هو اللى خلاكى تفتحىالقناه وتعرفى بتقول ايه
وفعلا هيه ممكن تاخدك للجنه لو اتبعنا القران والسنه اللى القناه طول الوقت بتتكلم فيه
ههههههههههههه
سيجارة في البنزينة
دة عايز يولعها الظاهر
باختصار فية حجات كتير وناس برضو
ماشين بالبركة زي المركب ام شراع
وحتي مش بيعدل الشراع دي ماشية في اي اتجاة مش عارف هترسي فين
فكرتني برحلات الطيران من فترة حتي الي مش بيدخن بيبقي في قلب الطيارة عايز يدخن
حاجة تخنق يا اما تمسك نفسك يا تعمل مصيبة
تحياتي
الســــــلام عليكم
بعد اذن الباشمهندس
انا شامة فى ريحة عصيبة لبتوع ما علينا انا على فكرة ضد العصيبات ههههههه
المهم بقى ولا فى خناقة ولا غيره يا دكتورة ولا بهاجمك يا عسل هو انا اقدر اهاجم زملكاوية زيى ههه
انا معاكى طبعا بس برضو معذرة ما هو عليه الاسلام كده كده فى هجوم من الداخل والخارج يعنى مش فارقة لان الاية صريحة
بسم الله الرحمن الرحيم
{ وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا نَصِيرٍ }
صدق الله العظيم
انا معرفش حكاية الاعلانات الوهيمة دى
اما بقى لو فى الاعلانات من حق اى قناة يكون فيها اعلانات لان فى مصاريف ومرتبات وخلافه علشان تقدر القناة تستمر
وكمان معذرة ساعات الهجوم والنقد الغير المنظم حتى لو كان علشان حاجة خطأ يعنى يكون بالراحة وماحدش يسمع ده من المفروض يعنى مينفعش احنا باعلى صوت عندنا ونقول القناة فيها وفيها يعنى يكون النقد بناء وليس هدم
ده رايى الشخص واختلاف الراى لا يفسد للود قضية
وبلاش اكل اصلك فى وشى وانتى عاملة تاكلى وانا باكتب التعليق وكل حتة تروحيها شايلة معاكى الكيس ده مش بيخلص
:-D
عادى يعنى ديتها اية اما بنزينة تولع , هتيجى اكبر من العبارة اللى هربوا مرتكبى جريمتها و ضاع حق ضحاياها !!
مافيش خناقة ولا حاجة يا ماعلينا هو أنت عايز تولعها وخلاص
ماعليها
أنا ماجوبتش علي سؤالك
انا باسافر كل أسبوع أو أسبوعين
الأسماعيلية
عصفور المدينة
فعلاً موضوع الوعي في الضياع
أماني
عندك حق بس هو برضه النقض بيفيد عشان نوصل أن شاء الله الي أحسن حال
قناة الناس أبتدت بمخالفات كثيرة ولكنها الأن في حال أفضل
والحمد لله تم أفتتاح بثها المباشر علي الأنترنت حتي يمكنك ان تتابعيها في أي مكان
www.alnas.tv
نسرين
فعلاً هو شعار القناة عبارة عن أمنية لعلها تتحقق وننال عفو الله
جزاكم الله خيراً علي المشاركة
أستاذ عادل
هو فيه تعاريف كتير توصف الحالة
بس موضوع المركب منغير شراع
بيوصف حالة من الحالات
أستاذة أماني
هو انت لسه زمالكاوية
ربنا معاكي
:)
FTM
اللهم أهلك الظالمين
جزاكم الله خير علي مجهودك
بتستغرب من واحد ماسك سيجارة فى البنزيزنة؟
طب ايه رأيك انه حصل ان جيراننا اشتروا انبوبة بوتاجاز و كانت شعلتها عالية اوى فراحوا ندهوا لبتاع الانابيب و جه و قال افضيها شوية
تعرف كان بيفضيها و السيجارة فى بقه
اما قناة الخليجية فأدعوا الله ان يمدنا بالمزيد و يهدى المسلمين اجمعين
و رجع بعيد عن هنا
:)
السلام عليكم ورحمة الله وبركاته
عادي يا باشمهندس ، انت في مصر
هو انت فاكرنا في اوروبا والدول المتقدمه ولا ايه.....؟؟؟؟؟؟
طيب ماتشوف بتوع الانابيب اللي ليل ونهار ماشيين يرزعوا علي الانبوبه باشد ما عزمهم ،والمفروض ده غلط ، ولا اللي بيرموا الانابيب من الترله اللي شيالها علي الارض ، ولا الناس اللي بتتكلم في الموبايل في البنزينه
ولا البلكونات اللي لازقه في سلوك الكهربا
ولا ..ولا ..ولا .. لو قعدنا نعد مش هانخلص
قناة الناس :
ازعم ان ليها الفضل في هداية ناس كتير اوي وزيادة ايمان ناس تانيه ، بس يؤخذ عليها موضوع الاعلانات الكتير اوي والشريط بتاع الرسايل اللي تحت ده ، واكتر حاجه بتنرفزني منها فقره اسمها جديد في جديد بيبيعوا فيها حاجات بنظام T.V shopping
بصراحه مش لايقه عليهم خالص تصورمن يومين كان واحد ماسك سالوبيت بتاع عيال صغيرين وقاعد يوصف مميزاته علشان الناس تشتريه ، وغيرها بقي من البضايع اللي تجيب العصبي
الاغاني الهابطه :
ياسيدي خد في الواسع انت لو قعدت ترجع علي كل اغنيه مش هيفضل حاجه في معدتك ، احسن حاجه اعمل نفسك مش سامع وخلاص وبقي خد قرصين اميرال قبل ماتخرج
الكارثه بقي في الاغاني دي ان اللي مشغلينها بيبقوا منسجمين ومنشكحين بيها اوي ..ازاااااااااااااااي معرفش
تحياتي
إرسال تعليق