إِنَّ الدِّينَ عِندَ اللّهِ الإِسْلاَمُ

الجمعة، ديسمبر ٠٧، ٢٠٠٧

غزل البنات




ايه البلد الصغيرة دي ؟؟؟

:)

أيوة مفيش حاجة بتستخبي فيها

كله بيتكشف

لو ماكانش انهارده يبقي بكرة ولا بعده ولا بعد كنير مش فارقة كنير

المهم أن الناس عايشة

لسة عايشة

صدقت أو مصدقتش

أتعودت علي كدة

وساعات لو مش عايزة تعرف

فكيس قطن عشان يسد الأذن حيكون حل مثالي

كنت في السيارة عائداً أدراجي

والبلد ديه فوق أنها صغيرة فهي خالية من السكان

:)

مش أوي يعني

بس عدد السكان قليل , وأيام الشتاء تجعل السكان يعودون الي منازلهم مبكرين

سلكت أحد الطرق الخالية تقريباً من المارة

وهذا الطريق ليلاً او نهاراً يسلكه عدد قليل من السيارات

يعني طريق شبه خالي

بعد عدة دقائق من السير في الطريق

وجدته

فتي صغيراً

أحد بائعي غزل البنات

جالساً علي الرصيف

في هذا الطريق

الخالي

لفت انتباه زوجتي التي شجعتني علي أن نتوقف لنعلم سر جلوسه

توقفت بالسيارة بعده بعدة أمتار وناديته

تردد في أن يحضر

ولكنه أتي

سألته: فيه حاجة ياابني

قال لا

طب أوصلك مكان

قال لا معي دراجتي

طب أنت واقف هنا ليه

قال ببيع

طب هات ب 2 جنيه

:)

أخذنا الحلوى وتذكرت ما حدث منذ شهور وحكيته لزوجتي

كنت مستقل السيارة علي أحد الطرق المزدحمة بنفس البلد

عائداً الي المنزل

ووجدت أحد الرجال جالساً علي الأرض

وأمامه عدة أطباق بيض ملقاة علي الأرض

والبيض مكسور كله

والرجل يضع رأسه علي يده في حسرة شديدة

مررت بجواره بسرعة وكنت في عجلة من أمري ولم أستطع التوقف

ولكن منظره ظل في خيالي طوال الأشهر الماضية

وكنت ألوم نفسي علي عدم توقفي لمساعدته

أو إعطائه ثمن البيض المكسور والذي كان واضحاً أنه لا يستطيع شراء غيره

تحسرت زوجتي

وأنا ازددت لوماً لنفسي

بعد أسبوع

أو ممكن أن أقول أيام

كنت أسير في نفس المكان أنا وأمي

ورأيت رجل أخر يفترش الأرض وأمامه أطباق بيض مكسورة

كمية بيض كبيرة

والرجل يجلس في نفس الحسرة

لفت أنتباه أمي

وانتظرت بالسيارة علي جانب الطريق

وطلبت أمي أن أنتظر قليلا وننظر أليه

كان هناك شك ينبت في صدري وكذلك أمي

نزلت من السيارة وذهبت أليه

وجدت كمية بيض مكسورة كبيرة

سألته

ماذا حدث

قال سيارة مارة صدمتني

والبيض أتكسر

أعطيته ملغ من المال

وطلبت منه أن يغادر الطريق

وذهبت الي السيارة لأراقب

بعد ثواني وجدت أحد عمال توصيل الطلبات الي المنازل يتوقف جانبي بدارجته البخارية

وكان قد راني أعطي الرجل المال

قال أن هذا الرجل نصاب

يجلس هكذا كل أسبوع أو كل عدة أيام

قلت له أن البيض المكسور كثير

قال ما يجمعه من المال أكثر بكثير

أنه نصاب محترف

محترف جداً

بعد ثواني توقفت سيارة ورأي ونزل منه أحد الأخوة

وسأل عن هذا الرجل فأخبره عامل التوصيل بنفس ما أخبرني

ظللت أراقب هذا الرجل

ورأيته ينظر إلينا ففهم

أخرج سيجارة من جيبه

وأشعالها

ثم غادر المكان مسرع الخطي

كنت أغلي فعلاً

الخدعة متقنة جداً

والأيام التي كنت ألوم نفسي فيها طويلة

قدر الله وما شاء فعل

عدت الي البيت

ومررت بمحل عطور يملكه أحد أصدقائي

حكيت له القصة

وكان عنده أحد الزبائن

الذي ضحك وأكد أن هذا الرجل كان يفعل نفس الخدعة في السويس

ووصفه لي وكان هو نفس الرجل

صديقي قال لي أن هذه الخدعة أساساً خدعة تلفزيونية

كانت قد تم تنفيذها في أحد البرامج الهزلية مثل الكاميرا الخفية

الرجل كان ذكي وطوع الخدعة لينصب علي الناس

أخذت أتسائل

هل اللعب علي عواطف الناس ومشاعرهم أصبح أحد وسائل الكسب المادي

هل الكذب والغش والخداع أصبح منهاجاً لحياة البعض

هل تنمحي الثقة والمشاعر والأحاسيس

ونتحول إلي آلات كل واحد يهتم لأمره

؟؟؟؟

من لا يهتم لأمر المسلمين فليس منهم

أعتقد أننا يجب أن نستمر

ونحذر

اللهم أهدنا وأهدي بنا واجعلنا سبباً لمن أهتدي


هناك ٣٠ تعليقًا:

رفقة عمر يقول...

السلام عليكم بينو حمد ا لله على سلامتك
مبسوطه لما لاقيت بوست جديد ليك
اولا مش المفروض تزهل لانك اخدت اجر النيه والعمل وهو الاثم عليه
مش احسن ماكنت تتخلى عنه ويكون هو وفته فعلا على حق ومش نصاب
احنا نعمل اللى علينا علشان مش نندم لو قصرنا فى حد محتاج فعلا

Maha يقول...

السلام عليكم

موقف مؤلم .. نعم

لكن انظر للجانب المشرق .. انت تعاملت مع الناس بنية حسنة .. لكن عليك الحذر

انت إن شاء الله كسبت أجر الصدقة .. وهو بالتأكيد حمل إثم الغش والخداع .. إما أن يتوب الله عليه فيتوب وإما له سوء الجزاء بما كسبت يداه

أؤكد عليك فقط .. لاتزل تعامل الناس بحسن نية .. إنما عليك الحذر فقط و تجديد النوايا لله .. لأن هناك أناس عندما تمر بمثل هذه المواقف تتخذها ذريعة للتشكيك في نوايا الناس .. أكرمك الله وأعزك :)

ammola يقول...

السلام عليكم..مرحبا بك فى مدونتك
هذا الموقف ذكرنى بقصة قرأتها عن عبد الله بن عمر-رضى الله عنهما-انه تصدق على رجل ذات مرة وبعد أن ذهب الرجل أخبره بعض من كان معه أن هذا الرجل ليس بفقير وانما هو مدع وأنه يخدعه-نصاب يعنى بلغة العصر- فرد عليه ابن
عمر وقال له"من خدعنا بالله انخدعنا له"
أى من توسل بالله تعالى أن نعطيه أعطيناه حتى لو كنا نعلم خداعه لان الأصل أنناننتظر الأجر من الله

عصفور المدينة يقول...

حمدا لله على سلامتك يابينو انت فين يابني كل ده
at work
البوست رائع جدا ويلمس منطقة هامة جدا تحتاج إلى توازن في المشاعر

أما أجر المخطيء فهو على الله ولكن كم في حديث الرجل الذي تصدق على سارق وعلى غني وعلى بغي


ولكن مع شحة الموارد وكون هؤلاء يتلبسون بالمعاصي وغالبا يستخدمون هذه الأموال في المعاصي

حاقولك على خلطة مريحة
شخص مثل هذا من حقك أن تفترض أن أهل المكان سوف يغيثونه وهو واجب متعين عليهم حمل فقرائهم

ولو كنت انت في مكان ورأيت محتاجا وأنت من أهل البلد اسأله عن مكانه وبيته وأعطه مساعدة بسيطة 1 جنيه مثلا ويمكنك بعد ذلك توصيل المساعدة له في بيته أفضل وتتأكد من أحواله

ma_3alina يقول...

السلام عليكم ورحمة الله وبركاته
كيف حالك يا بينو .. والله ليك وحشة .. نفتقد كثيرا كتاباتك ..

أما تعليقي فلا يحمل الجديد فكنت سأتكلم على ثلا ث نقط ذكرت من قبل في التعليقات
فقد ذكرت الباشمهندسة بالنية وحديث النبي صلى الله عليه وسلم إنما الأعمال بالنيات وإنما لكل امرئ ما نوى ...
والست أمولا ذكرت خبر ابن عمر رضي الله عنهما وكيف كان يعتق من يحسن العبادة من غلمانه فكان الغلمان يتصنعون العبادة طمعاً في العتق وكان يعتقهم فلما أخبره الناس بتصنع الغلمان كان يقول : من خدعنا خدعنا له .. والخير برضه موقعني في حيرة ولا استطيع فض الاشتباك بينه وبين قول عمر رضي الله عنه : لست بالخب وليس الخب يخدعني
وبرضه جزى الله خيرا شيخنا عصفور على تذكيره بصدقة الرجل التي وقعت في يد غني وفي يد زانية وفي يد سارق وجاءته البشرى بالقبول ..
ربنا يتقبل منا جميعا ويرزقنا الإخلاص ويباعد بيننا وبين النصابين
:)
ما تتأخرش علينا يا هندسة

mohand يقول...

السلام عليكم

انا من اول الموضوع وقريت شوية منه
وانا عرفت ان الخدعه القديمة دي

انا اعرفها من فترة

بس اللي عملتها قدامي واحده ست مش راجل

يعني مش الراجل دا بس اللي بيعملها


عموما ربنا هيرزقك علي اللي دفعته
انما اللي اخده هو
اكيد برضه ربنا هيضيف له سيئات

Mohamed A. Ghaffar يقول...

مطلع كوبرى المنيب للمتجه الى المعادى
يجلس رجل يبكى الى جوار عربه كارو مقلوبه عليها بعض الفخار المكسور
لم تنطلى الخدعه على وفى يوم من الأيام افلتوه من يد احدهم بعد ان كشف خدعته

لحظة يقول...

السلام عليكم
كان فيه عيال بتقعد على الرصيف تذاكر وتكتب في كتاب في شوارع وسط البلد
اول مره اديتهم
وبعدين لاقيت الموضوع منتشر ففهمت
ولما بطلت ادي عشان بقت مهنه
وبقيت اودي جهات موثوق فيها
لقيت ان طالب الصدقة او السائل يعطى
لانه سال
والرسول صلى الله عليه وسلم لم يرد سائل
وسمعت ولو على ظهر حصان
فانشاء الله لك الاجر
ولو كان غير محتاج فعليه الوزر
جزاك الله خيرا

أمـ الله ـة يقول...

إنما الاعمال بالنيات وإنما لكل امرئ ما نوى


كل ما أريد قوله

أن الناس التى وقعت فى فخ هذا النصاب لا تحزن ولكن تفرح إذا كانت نيتها خالصة لله فالثواب جزائهم إن شاء الله



شعرت بإشمئزاز كبير بعد قراءة التدوينة ... وجا فى بالى إن دا نصب مكشوف امره سهل التحرى عنه فما بالك بالنصب المستور تحت الألقاب والمناصب

أمــانــى يقول...

حمدلله على السلامة يا باشمهندس معلش بقى متاخرة
للاسف الشديد كل شئ اختلط ويصعب علينا فى وقت من الاوقات فهم الموقف ولكن عملت اللى عليك ولك الجزاء وربنا يجعله فى ميزان حسناتك يارب آمـين

الطائر الحزين يقول...

بارك الله فيك

اللهم اجعلنا ممن ترق قلوبهم
واجعلنا من الكياسة بما نميز الخادع منهم

أمــانــى يقول...

كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

نسرين - أمة الله يقول...

كل سنه وانت طيب وربنا يجعله خير على المسلمين اجمع

عالمى ازرق يقول...

السلام عليكم ورحمه الله وبركاته

ربنا يكتبلك اجر ما فعلت

المشكله فى مثل تلك المواقف انها تجعلك تزداد شكا بنوايا الاخرين
الا انه كثير " ماتشعر " بشيء ما غير مطمئن او ربما ريبه تجاه البعض
وغالبا ما يصح بالنهايه ذلك الشيء ما

كل سنه وحضرتك بخير
وعيد سعيد عليك وعلى الاسره كلها
وعلى الامه الاسلاميه كلها بأذن الله

دمت بخير

eldoctor يقول...

أخى الحبيب
مواضيع النصب كثير .. و الواحد من كثر ما شاف بقى يمنع المساعدة المادية المباشرة و خصوصا اذا كان الموضوع واضح .. يعنى مفيش مشكلة ان واحد يطلب مساعدة بس بطريقة ليست فيها غش .. انا اعرف رجل كان يضع علب كبريت .. للبيع و يرفض ان يدعك تعطيه نقود لمجرد الصدقة .. يقولك اشترى بالثمن اللى انت تحدده .. فبيسيب لنفسه مساحة لعزة النفس .. بدلا من السؤال...
تحياتى

رفقة عمر يقول...

كل سنه وانت طيب
ويارب تكون بخير

Ma 3lina يقول...

اولا كل عيد و حضرتك طيب

ثانيا موقف اعرف انه مؤلم لانى اتعرضت ليه و فقدت الئقة فى كل انسان شكله فى مصيبة و يحتاج مساعدة

ro7 يقول...

ماشاء الله بوست رائع
وبيلمس نقطة هامة جدا كلنا بنعيشها
وللاسف بتأثر فينا تاثير سلبي
اظن انها بتولد شيء من القسوة في القلب
زي مرة بردوا طفلة جات تاخد مني فلوس
هي بتتسول عملت معاها حوار
قولتلها باباكي بيشتغل ؟قالت اه قولتلها بيشتغل اية ؟قالت بيسرح ,
طيب ومامتك قالت اه بتسرح بردوا
ودول اخواتك ؟؟ قالت اه قولتها بيسرحوا بردوا قالت اه
وعرفت منها ان كل واحد من الاطفال بيجمع يوميا من خمسة الس عشر جنيهات
والاب والام يعني في حدود عشرين جنية يوميا يعني اسرة بتشحت بس
90جنية يعني2700جنية شهريا الله المستعان
وبعد ما اخدت اللي فية النصيب زي ما بيقولوا عايزة الموبايل تتصل بمامتها
عشان مسافرة
للاسف دة اصبح فجور مش تسول
وربنا يرحمنا
تحياتي علي البوست الرائع دة

خمسة فضفضة يقول...

السلام عليكم ورحمة الله وبركاته

كل سنة وانت طيب يا باشمهندس بينو

البوست ده تعبني اوي عارف كان فيه واحد برضو عامل نفس الحكايه بس مع غزل البنات قاعد جمب الحيطه وحاطط ايده علي دماغه وغزل النات واقع قدامه في مية الشتا
وبرضو اديته اللي فيه النصيب
بس مش عارفه ليه بعد ما مشيت شويه شكيت فيه
وانت دلوقتي زودت الشكوك دي
عموما ربنا بيحاسب كل واحد علي نيته

للاسف النوعيه دي من الناس بتخلي الواحد يفكر ميت مره قبل ما يساعد حد مايعرفوش مهما كان منظره مؤثر وبائس لان الشحاتين اليومين دوا والنصابين بقوا بتفننوا في الاساليب بتاعهم بعد ما خلاص حفظنا كل القديم

ربنا يهدينا ويهدي الجميع يارب

سلام

رفقة عمر يقول...

السلام عليكم
نفس بجد الغيبه دى تنتهى وترجع تانى
يارب تكون بخير
انا قلت ااطمن عليك

غير معرف يقول...

http://benkerishan.blogspot.com

http://benkerishan.blogspot.com

http://benkerishan.blogspot.com

david santos يقول...

Happy New Year, Bino! And best wishes for a healthy and successful 2008

Memo يقول...

لنا الظاهر وعلى الله السرائر
تحياتي

رينـــــــــــا يقول...

السلام عليكم
كل سنه وانت طيب
مرة حصلى نفس الموقف بس كانت واحدة ست فى العباسيه عند المسجل المدنى اللى بيتعمل فيه البطايق
بس سبحان الله الشك ملى قلبى من شكلها
قدر الله ماشاء فعل
اكيد انت بتأجر على النيه
وان كنا لابد ان نتحرى بس هنا مفيش مجال للتحرى
جزاك الله خيرا

نسرين - أمة الله يقول...

السلام عليكم
جميل قوى ان الواحد يكون عنده حبيت مشاعر يحس بيها بغيره والاجمل كمان ان اللى حواليك يكون عندهم نفس المشاعر اللى تقدرك تساعد غيرك
انت عملت اللى يراضى ضميرك وتراعى بيه ربك واجرك عند الله سواء انت او اللى كانوا معاك
من فرج عن مسلم كربه من كرب الدنيا فرج الله عنه كربه من كرب الاخره
اما اذا كان هو بقى او غيره فحسابه عند ربنا
بس المشكله ان الواحد مبيبقاش عارف اذا كان فعلا الانسان اللى قدامه ده محتاج فعلا ولا لا بس برضه اهو ربنا اعلم والاجر عند الله
والدنيا داين تدان سواء بالخير او الشر
بس والله كرم من عند ربنا برضه انه وراك حقيقه الراجل عشان متشالش من نفسك انك مسعدتهوش فى البدايه

رفقة عمر يقول...

السلام عليكم
اخبارك ايه مش قولت انك هاترجع تكتب تانى فين بقى
يارب خير

رفقة عمر يقول...

السلام عليكم
اخبارك ايه انا قولت اطمن عليك
يارب تكون بخير
نتمنى عودتك لمدونتك قريبا

المجاهدة يقول...

حضرتك فكرتني بموقف بردو اعطيت لرجل مبلغ من المال... بس و انا حاسة احساس شديد انى بيتضحك عليا
:d

الراجل كان قعد يقول قدامي كلام كتير قوى... و يبين انه شخص كويس
ماحستش من طريقة كلامه ولا مرة طول كلامه انه كلامه ده نابع من قلبه... و حسيت مع الوقت انه كلامه بيناقض بعضه او بيناقض تصرفاته اللي لسه شايفاها دلوقتي
فكرت كتير قوى قبل ما اعطيه زيادة من المال.. و اعطيته فعلأً
و قعدت ادعي كذا يوم ورا بعضه انه يا رب ان كان الرجل ده محتاج فعلأً و صادق باركله في ماله و وقته و جهده
و ان كان لا يستحق.. اهديه للخير و اخلفني خيراً


ربنا يسامحهم و يهديهم فعلأً اللي بيعملوا الحاجات دي
الواحد بقى ساعات بيخاف يدي لاي شخص... لازم عمليات مراقبة و تحليل و كثير من الحذر قبل ما ندي تاني
و الاهم النية دومأً تكون صادقة
و اننا نعلم ان الفلوس او اياً كان اللي بنديه قبل ما بيكون في ايديهم بيكون في يد الله و ربنا هوا اللي بيحاسبنا عليه

حسبنا الله

غير معرف يقول...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة