إِنَّ الدِّينَ عِندَ اللّهِ الإِسْلاَمُ

الأحد، مارس 25، 2007

ليه الألوان مش طبيعية

ليه كانت بالألوان الطبيعية
يعني مين يبقي ايه
وهل هو فعلاً أيه اللي بيقولوا عليه
ولا هو عامل نفسه بيه
نفسه بس يبقي بيه
والناس كلها تشاور عليه
همه كرسي في الكلوب
والقلوب تقوم تهب
تهتف يحي البطل العظيم
اللي بيتكلم عشانا
بس بيتكلم عاشانا
موضوع الالوان كان موضوع حازز في نفسي جداً , بيألم ويحير
كنت لما أشوف الناس بتتكلم بلسان مش لسانهم وهمهم هم متزرعش جوه قلوبهم
أو نقدر نقول الزرعة غلط
كان أخواني المدونين او غيرهم اللي بيدافعوا عن مصر وشرف الوطن
وتبص لأولوياته فيلم أمريكي
ومركزثفاقته السينما الأمريكية
والأغاني الغربي هي كل مايعنيه
فتلاقي اللوان بهتانة
مش عارف تميزها من بعض
انا واحد من الناس دول
واحد من الي كان ده همهم
اللي خالاني اكتب البوست اللي فات ده حاجة مهمة جداً
أن الناس فعلاً مش عارفة تفرق بين الصح و الغلط
أو عايزين الصح يجيلهم علي طبق من فضة
وممكن يموتوا لو الغلط لبس قناع وأوهمهم أنه الصح
هما ليه بيتألموا من منظر الحبيبة علي الكورنيش
ويتالموا اكتر لو كانت البنات محجبات
طبعً الكنظر مقزز
وهما فاكرين أن ده غلط في الحجاب أو حتي النقاب او اللحية
ولباس الدين لايغني عنه
يعني اللي بيلبس ملابس التنس مش شرط أنه بيعرف يعوم
ممكن هو لسه بيتعلم
ومش كل مين لبس بدلة ممكن يكون عريس
ومش كل مين لبس لبس الكورة أصبح لعيب كورة
ولوطلع الكورة اوت يبقي العيب في الكورة واللي بيلعبوها
الوضيع مش صطحية
ولازم نعذر الناس وننظر لأنفسنا
نغير من انفسنا
نقدي لوائل مكنش نقد اعمي ولا هجوم لاذع
بس وائل واحد من الناس ديه
اللي العلمانية و أضواء كل ما هو غربي تعمي عيونهم
وكمان من اللي فاكرين ان اللبس هو اللي بيحدد شخصية الانسان
ده هو حكم علي كل النساء اللي بتلبس لبس عريان انهم مش كويسين علي حد قوله مع أختلاف الالفاظ
عموماً
اهو كله كلام بحاول ميكنش كلام والسلام

هناك 9 تعليقات:

mohandat يقول...

السلام عليكم
طبعا مكنش فيه سبب انك تبين وجهه نظرك انها صح وانك بتنقد لسبب بناء لان اللي بينقد لسبب غير بناء مش بيقول حتي كلمة اسف واللي بيشتم ويسب مش بيفكر في الناس اللي اتأذت من كلامو فما باللك باللي بيتكلم بالحق
انا معاك في كل اللي قولتو وعلي فكره دي مش مشكله جيل دي مشكله اجيال هختفضل مجرد صور لاصوال غير صحيحه والعيب مش فيهم العيب في مجتمعتنا ككل يعني نبدأ بانفسنا الاول ونحاول نصلح ولو جزء بسيط
طبعا انا حاسس اني قولت كلام مش مفهوم بس انا شخصيا مهموم وربنا يساعدنا جميعا نمر من كل ازماتنا
اخوك
مهند المصري
الباحث عن الحقيقة

Ma-3lina يقول...

انا قريت البوست بتاع الالوان و مشايفة فيه داعى لتبريره
انت بتشرح وجهة نظرك فى اللى بتشوفه بتنتقد الواقع اللى احنا عايشين فيه و اللى فيه الحقائق اتقلبت

المسلم الملتزم بقى ارهابى و الاخ اللى بيتفاخر بافعاله الخارجة و عدم ايمانه هوا اللى بقه محبوب و الناس بتلتفت حواليه

المشكلة دولقتى ان المفاهيم اختلطت و الغلط بقى عادى لانه بقى منتشر

ربنا يرحمنا برحته

الاذاعة بتاعتك جميلة اوى صوت الشيخ رائع انا بخلى مدونتك مفتوحة علشان افضل سمعاه

يا ريت تغير السورة كل فترة

BinO يقول...

خي في الله مهند
في الوقت الذي تسمح انت لي بابداء رأي والذي هو الله أبتغاء وجه الله ,يفض أخرون ذلك فوجب التوضيح لأن البعض فهم كتابة الموضوع اللي فات أنه نقد موجه لوائل في حين اني كنت بوضح وجهة نظر مهمة جداً

ماعلينا
نفس الكلام اللي قلته لمهند
وأشكرك علي تفهمك
علي فكرة في أكثر من سورة في البلاي ليست . وبيشتغلوا ورا بعض وممكن تغيريهم
بالنسبة للتاج بتاعك حرد عليه أول ما أرجع من السفر ,عشان بأحاول أدون الاحداث المتلاحقة

ert3ashat يقول...

فعلاا..لازم نبتدي بنفسنا..وندقق في الحاحه نعرف الصح من الغلط اللي شكله صح

Memo يقول...

مش محتاج تقول ليه
اولا: لان الاخ باسلوبو كسب نقد ناس كتير جدا سواء علمانين او متدينين لان الي ينادي بالحريه لا يفرض على الناس راي شخصي او يضع قاعده لتقيم الافراد اساسها المظهر

ثانيا :اذا اخد بقول الامام "لنا الظاهر وعلى الله السرائر" وانا اشك يبقي الحكم يكون على موقف جماعي وليس فردي
ثالثا :مش معنا ان انا اتبع طائفه او دوله اني معصوم من الخظاء وليس لي سلبيات
في حلو وفي وحش فينا كافراد فبلادنا باختلاف معتقداتنا و فحياتنا عامه

والجدير بالذكر ان من المطربين من هوا حامل لكتاب الله ومن الشيوخ من
يسرق اموال الفقراء

مين الي قال ان الي صام ومصلاش صيامو باطل و مين الي قال ان الي تدين وحلق لحيتو دينو مردود ومين الي قال ان المنقبات بس هما الي هايدخلو الجنهمن النساء.. ده بغيي اطعمت كلب كانت لها جنه عرضها السموات والارض

كل واحد يبتدي بسلبياته يحاول يغيرها قبل ما نعد نلعن ابو خاش الي الاخر لمعتقد مختلف اوعقليه مختلفه انتصارا للكفر او للايمان
و الحق يقال هوا ليس انتصارا لاي شيء سوي لكرامه اللعان سواء كافر اومومن

مننساش في الاخر ان
من شاء فليؤمن ومن شاء فليكفر والحلال بين والحرام بين

قلت كدا قالو اطلعي من البلد
ما اختلفناش وربنا يباركلك على ردك
تحياتشي

نادر يقول...

يا أخى الحبيب , والله أنا أعزك وأحترمك

الفكرة كلها أنك تنقد زى ما أنت عايز , أنقد أى إنسان فى الدنيا , لكن برفق و لين , بطريقة تقوله بيها تعالى مش أمشى وأبعد

BinO يقول...

ert3ashat
الحكمة ليست أن تعرف الصح من الخطأ ةلكن الحكمة أن تعرف خير الشرين

ميمو
مش عارف ليه برضه رغم التوضيح بتجر لمواضيع فرعية
تاني
القصة أن الناس مش عارفة تميز الكويس من الوحش
تاني
يعني هما عايزين يافطة علي سدر كل واحد يقول انا كوبس وكل حشاش يقول اني أنا حشاش
ده رأي 5 من 8 أصحابي كلمتهم في الموضوع
واحد منهم كان رأيه ان المنتقبة أحسن بنت في الدنيا ,قلتله انك اهبل لو اتجوزت واحدة عشان منتقبة ,ان نقاب لا يغني عن الدين ولكنه جزء مكمل
التاني بيقول ان الملتحي اللي بيسرق والمنتقبة اللي بتعمل حاجات وحشة أحسن لهم يخلعوا النقاب , سألته أنت بتصلي قال ساعات كنت حضربه :) , قلتله بتشرب سجائر قال أه وحاجات تانية , قلتله هل ده معناه أنك أحسن لك متصليش ولا تصوم ولا تتزكي
الفكرة هي معادلة طاعة الأنسان لربه ومقاومته لشهواته
ما بين اللتزام الصعب , وهفوات ممكن أن تجر الي مصائب

BinO يقول...

نادر
أشكرك علي أحترامك المتبادل
والله يا أخي انا بحاول رد دائماً من الكتاب و السنة وبرفق
ولكني بشر أصيب و اخطئ فأعذرني
وعلي كل حال يا اخي
هل اتبعت مثلاً الي أين تفضي العناوين التي يعلن عنها كريم ذلك المدون الذي سجن
أحد العناوين يفضي الي موقع للدفاع عن الدانمارك ضد الماطعة العربية بسبب ما حدث من سخرية من الرسول والمسلمين
يعني هما بيدافعوا عن كريم
وبيهجو من ينتقد كريم
وانت مش عايزين اتنرفز شوية صغيرين عن ناس بتهاجم الدين
جزاك الله خيراً علي رفقك بي

يا قلبي يا غريب يقول...

السلام عليكم ورحمه الله و بركاته
اخي بينو

هذا وعد الله
يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ ذَلِكَ فَضْلُ اللّهِ يُؤْتِيهِ مَن يَشَاءُ وَاللّهُ وَاسِعٌ عَلِيمٌ [المائدة : 54]

نسال الله ان نكون من الذين يحبهم
مَنْ عَمِلَ صَالِحاً فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ [فصلت : 46]

يعني يا اخي كل واحد عارف الصح من الغلط و ربك مطلع و عارف ما تخفي الانفس و تخفي الصدور..
نسال الله لنا و لكم الثبات علي الحق
احبك في الله يا اخي

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة