إِنَّ الدِّينَ عِندَ اللّهِ الإِسْلاَمُ

الثلاثاء، مارس 27، 2007

زيت وماء

أنا ليا تعليق واحد علي موضوع الأحزاب و الجماعات في مصر
نظرية الزيت والماء
ممكن نرجهم في زجاجة
ونعمل عمايل فيهم
لكن عمرهم ما حيختلطوا ويعملوا مزيج
الزيت علي طول حيبقي عايز يطلع فوق الماء
المشكلة أن كلهم عايزين يبقوا
زيت
والمشكلة أن ماحدش حيعرف يشرب الزيت
ولا حيطيق ررحته
وسلمولي علي الصناديق اوييييييي

هناك 24 تعليقًا:

أحمد سلامة يقول...

" ويمدهم في طغيانهم يعمهون "
صدق الله العظيم

العــــراق يقول...

السلام عليكم أخي الكريم
لايمكن لأي جماعة ان تندمج مادامت قد ابتعدت عن سنة الحبيب صلى الله عليه وسلم فوالله لابارك الله في جماعة ولاعملها اذا ابتعدت عن هذا الطريق

ma_3alina يقول...

الجماعات .. عارف لما يبقى عندك واد شقي .. تقعد تدافع عنه وتناطح وتتحرق عشانه وتخاف عليه وتاكل أي حد يهوب نحيته .. وأنت جواك عارف إنه عيل شقي وما يستهلش .. بس ابنك تعمل إيه ؟؟

مسلم يقول...

هو أولاً أنا مش فاهم قصدك

لكن ثانياً أحزاب مين يا باشمهندس

مش عيب راجل متعلم و متنور زيك يصدق زي الناس التانيين موضوع الأحزاب ده

و أحزاب إيه اللي عايزه كلها تبقي زيت و تطلع فوق

يعني مثلاً عايز تقنعني إن حزب زي حزب التجمع مثلاً مثلاً يعني بيتطلع إنه يشكل حكومه السنه الجايه

دول صوره يا أستاذ

الأحزاب في مصر عباره عن ماكيت يتفرج عليه العم بوش و يقول للكبير تمام خليك مكانك يا كبير

ده بخصوص الأحزاب

أما الجماعات فهناك فارق علي بساطته إلا أنه مهم

هما طبعاً مش جماعات..هي جماعه واحده

الإخوان طبعاً

و مبيحربوهمش عشان هما الإخوان

لا أبداً

بيحاربوهم عشان الكلمه اللي بعدها

المسلمين

و هي الجماعه ذات القبول الأكبر و الأوسع في وسط الشعب الغلبان

و بدون منافس حقيقي سوي جنيهات عز..و بطاطين الشاذلي

أنا مش إخوان

بس ده الواقع

لكن تقولي جماعات و صراع

مفيش حاجه من ديه يابني

الحكايه كلها طرفين

إخوان مسلمين....و الباقي

أنا كنت كاتب بوست طويل عريض إمبارح عن الموضوع ده و بعد ما خلصت

رااااااح

عشان الفريفيكاشن

حسبي الله و نعم الوكيل

مسلم يقول...

إبقي طمني عليكوا يا بينو

حاول تدخل علي الماسينجر عايز أكلمكوا

وحشيني

ert3ashat يقول...

صدقني...لوحطيت عليهم دقيق..هيمتزجوا و الريحه هتروح و هيعملوا كيكه كبيره..بس محتاج تطبخها كويس

عصفور المدينة يقول...

أول مرة أعرف إن الزيت بقى في صناديق زي البيبسي

Mohamed A. Ghaffar يقول...

ولا اى شئ يستاهل

BinO يقول...

أحمد سلامة
لعلهم غافلين

العراق
حمداً لله علي سلامتك اخي
سعدت برؤيتك
وفق الله خطاك

وصدقت كتاب الله وسنته

مسلم
هي رؤيتي الخاصة
هما حاجات كتيرة مختلفة في نظري

BinO يقول...

الحمد لله كله تمام أنا بكون علي المسينجر من الساعة 3 العصر بتوقيت مصر

BinO يقول...

ert3shat
وطعمهم حيبقي ماسخ برضه

عصفور المدينة
؟؟؟؟؟؟؟
أزاي مش عارف

أ محمد
علي رأيك

مسلم يقول...

يا عم مالك بترد عليا رد ناشف كده

حسيتك ... في حاجه؟؟؟

أرجو إني مكنش ضليقتك

يا قلبي يا غريب يقول...

السلام عليكم ورحمه الله و بركاته
يا اخي نحن كما قال الرسول صلي الله عليه و سلم في سنين خداعات..يصدق فيها الكاذب و يكذب فيها الصادق و يؤتمن فيها الخائن و يخون فيها الامين و يتكلم فيها الرويبضه .. و مااااا اكثرهم
نسال الله العفو و العافيه
و الله قبل ان اكتب تلك السطور و في ايه في بالي طول اليوم
يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ [لقمان : 33]

اسال الله ان نكون من الصالحين الفالحين في الدنيا و الاخره
في حفظ الله يا اخي

BinO يقول...

حمحم
حاول تدخل علي المسينجر
علي الساعة 6 بتوقيت مصر أن شاء الله

BinO يقول...

يا قلبي يا غريب
صدقت
أن هذا الحديث ينطبق علي واقعنا
اللهم أجعلنا من المتقين
أمين
أشهد الله أني أحبك في الله

يعقــــوب .... يقول...

يا باشا حتى لو كولوا هيكون زيت أكيد هيكون في بديا طعمه أحلى هو يعني مفيش غير مشروب واحد..و حابب الزيت و عاوزه و بيشجعه و نفسه يشرب الزيت يشرب و أدي وشي أهه لو عرفوا يخرجوا من الحمام

خالد وليس بخالد يقول...

(فتقطعوا امرهم بينهم زبرا كل حزب بما لديهم فرحون
..فذرهم في غمرتهم حتى حين)
الغريب والله يا اخي
انك صبيحة تاني يوم للاستفتاء ده..
.تدخل على اي موقع للاحزاب او جريدة من جرائدهم تلاقي العبارة دي

حزب...دعا الى المقاطعة..والشعب لبى...
كل واحد عايز ينسب الفضل لنفسه

فعلا زي ما ربنا قال (كل حزب بما لديهم فرحون)
ت ح ي ا ت ي

أمــانــى يقول...

والله كلام حضرتك صحيح وميه فى الميه كلهم عايزين يكونوا زيت وليس اى زيت عايزين يكونوا زيت تقيل مش علشان ما نطقش ريحتهم لا ابدا عايزينا نفطس

BinO يقول...

يعقوب
مرحب بعودتك أخي في الله
واضح أنك مجربتش تشرب زيت قبل كده


أستاذ خالد
يارب نفوق ونفهم الحقيقة ديه
مبسوط جداً بموضوعك الأخير في المدونة


أستاذة أماني شكراً لتشريفك
واضح اننا حنحتاج أجهزة تنفس أو نطلع نعيش علي الجبل

khaled يقول...

الصناديق بتسلم عليك و بتقولك كله تمام محدش من الشعب جه جنبى كله من الموظفين بس
:)

BinO يقول...

الله يسلمك يا خالد
هو كان فيه صناديق حمرا
بالمرة يعني
عشان الأهلوية ميزعلوش
:)

Sharm يقول...

والله احنا نحطهم في ازازة زي مانت قلت و ندفن الازازة دي الى الابد او نحرقها بجاز و نريح دماغنا

مهندس زراعي يقول...

مش عارف أقول أيه
بس هقولك الي معاه حق هو الي هيكسب وهيطلع على التاني
عموما الايام هتظهر حاجات كتير
تحياتي القلبيه لك

BinO يقول...

أخي في الله شارم
حلو موضوع الزازة
وكمان نحرقهم
خلي عندك رحمة
:)

مهندس زراعي
والله متم نوره ولو كره الكافرون

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة