إِنَّ الدِّينَ عِندَ اللّهِ الإِسْلاَمُ

الأحد، أبريل ٢٢، ٢٠٠٧

حوار المرايا

ونظرت الي المرأة .

أخذت تنظر الي صورتها في المرأة لدقيقة أو يزيد

ثم بدأت تنظر في غضب

أتكذبين علي ؟؟

ماذا حدث لي؟؟

مالي أراني ضعيفة

مالي أراني أنكسر

ألست أنا القوية

ألست أنا من داومت الرفض

أأنت هي

أأنت من أخبرتني قبلاً ألا أضعف أمامهم

هل تذكرين كم وقفت جانبي في عنادي وكبري

كم أخبرتيني أني جميلة

كم كذبت علي ؟؟

كلهم يبتعدون الأن عني لماذا

نعم ينظرون الي , يبتسمون , ييرتشفون من جمال وجهي

ولا أحد منهم ينظر لما بداخلي

وتحدثت المرأة : هل كذبت عليكي يومأً

هل رأيتي يوماً غير الحقيقة

أنت ترين ما تريدي أن تريي

ولاذنب لي في ألامك

لقد نفذت وظيفتي اليك بكل أخلاص

فهل فعلت ما وكله الله لك أختاه

أنت أمرأة وخلقك الله أنثي

ملكة

فهل حافظت علي العهد

هل أديتي الأمانة

هل راجعت نفسك يوماً

هل فكرت أن الطريق الذي يسلكه الأخرين هو الطريق الخطأ

أختاه ليس كل الطرق طرق الحق حتي لو كان الطريق يسلكه كثير من الناس

أفقيقي

أفيقي

أفيقي

هل هذه هي نهاية طريقي

أقضي باقي العمر في وحدة

يشتاق قلبي الي رفيقي

أنتصار أسمي وما أنتصرت علي أحد الا نفسي



مابين أنتصار وأيمان وغيرهما من أخواتنا

مشكلة تقدم العمر وتأخر الزواج


أعلم أن كل الأمور بيدي الخالق عز وجل

ونصيب كل مخلوق سيتحصل عليه أن عاجلاً أو أجلاً

ولكني أردت أن أطرح سؤلاً أجتماعياً هاماً

الي الجميع

وأريد أراكم بصراحة

1-ماذا تري في الحل الشرعي بتعدد الزوجات لحل مشكلة أجتماعية تتزايد يوماً بعد يوم ؟

2-هل تقبل أن تتزوج بأكثر من زوجة اذا تيسرت ظروفك بنية اعفاف الأخوات المسلمات ؟

3- هل تقبلين أن يتزوج عليك زوجك ,بنية أعفاف أخت مسلمة لك ؟

4-هل تقبلين بأن تكوني زوجة ثانية أو ثالثة ؟

5-هل تقبل أن تتزوج مطلقة أو ارملة ؟

6-ما هو خيارك(عملك-زواجك-تعليمك-بيتك وأطفالك) ؟


وأحب أن أنبه اني لست بصدد مناقشة شرعية الموضوع من ابعاده الدينية ,لأني لست أهلاً لذلك كما ان الموضوع منتهي بالنص القرأني , ولكني أردت أستقصاء الأراء فعلا بالنسبة للموضوع هذا علي المدونة وعلي أرض الواقع , وأتمني أن تساعدوني في هذا .


واليكم فاصل لما وجدت في أحد الايميلات التي أستقبلتها لعها تساعدكم في أجابة الأسئلة

دخل على زوجته وهي مشغولة بالبيت وناداها :
هو : سعاد
هي : نعم
هو : تعالي لوسمحتي
هي : شو بدك
هو : تعالي لقلك
هي : ياحبيبي مشغوله عم بكوي ملابسك
هو : تركي الكوي وتعالي
هي : حاضر ثواني واجت بلبس رو عه وريحتها اروع وابتسامتها ماليه وجهها
هي :اي حبيبي
طلع عليها بابتسامه صفرا وقال : تراني تزوجت عليكي !!
قعدت على الكرسي وهي تطلع عليه وقالت بصوت يرتجف : شو قلت ؟
هو : قلت تراني تزوجت عليكي ويالله قومي خدي ملابسك وروحي لبيت اهلك
بدي سافر انا وزوجتي الثانيه كم يوم وراجع !!
طلعت عليه وحابسه دموعها بعيونها وهي مصدقه ومو مصدقه قلبها يرتجف واطرافها ترتعش قالت حرام عليك شو سويتلك بشو زعلتك شومنقصه عليك
وبدون سابق انذار هب في وجهها وقال: قومي وحطي ملابسك في الشنطه ويالله عم بستناكي بالسياره لاتتأخري علي .......
طلع وهي جمدانه و مبققه عيونها دهشه من الخبر وحيره من اسبابه !!
دقايق معدوده وهي تفتح الباب وتركب معه وبصوت يكاد يختنق قالت : لو سمحت ممكن تجيب الشنطه ؟
نزل من سيارته واخذ شنطتها وحطها بالمقعد الخلفي ..... شغل السياره وتوجه لبيت اهلها
بعد شوي وصلوا لبيت اهلها
وقالها تفضلي انزلي .....

فتحت الباب ونزل قبلها واخذ الشنطه واجا من عند بابها ومسك يدها

وقال لها حبيبتي تراني ما اتجوزت عليك بس ترا ابوك مات

هي بدون شعور قالت : عنجد حبيبي الحمد لله

هناك ٣٤ تعليقًا:

عصفور المدينة يقول...

الحمد لله لوحدي والصفحة فاضية قدامي اعلق زي ما انا عايز
بداية العبد الفقير له جولات وصولات في موضوع التعدد ليس أنني عددت ولكن أقنع الذين يرغبون في التعديد بعدمه واناقشهم وادرس الآثار الاجتماعية(السلبية) للتعدد الغير مدروس وطبعا زوجتي مبسوطة مني خالص
والحقيقة عندي قائمة بموضوعات أنوي التدوين عنها منها التعدد وسجلت التدوينة صوتيا ولم أفرغها لعدم الوقت وعليه وبما إنك يا هندسة فتحت الموضوع نقول
اولا الحمد لله العبد الفقير على جانب لابأس به من العلم الشرعي وتلميذ للكثير من المشايخ المعروفين مش بافتي ولكن اطمئنك من ناحية مصداقية الكلام
(كل دي مقدمة؟......
نقول وبالله التوفيق للاختصار
أولا التعدد في ظروفنا الاقتصادية والعملية التي الله أعلم بها قد يكون محرم في بعض الأحيان وواجب أحيانا ومستحب أحيانا أنا طبعا حاقول باختصار كدة من يصلح له التعدد ولو أخل بشرط يبقى أكيد سيقع في محظور
الشخص اللي يجد في نفسه القدرة المالية والبدنية والعاطفية على التعدد في ظل مشكلة العنوسة يجب عليه التعدد ويجب على زوجته أو زوجاته أن يحتسبن ذلك في ميزان الحسنات وأن ذلك من إقامة الشرع

الزواج له توابع من الإنجاب وإدارة شئون الأولاد وتنشئتهم التنشئة التربوية الصحيحة وليس فقط التسمين والتغذية فأنا أقول وباختصار الزواج مشروع يحتاج إلى دراسة جدوى وليس بالعواطف

الإنصاف والعدل بين الزوجات من شروط التعدد فإذا دخلت في التعدد أو حتى الزواج الأول ولم تقم بحقوق الزوجة فأنت قد أدخلت نفسك في موضوع تسبب في أن تكسب آثام فلا يجوز لك من البدء الدخول في هكذا موضوع
مثلا العلماء يقولون الشخص الذي قلبه ضعيف ولا يستطيع تحمل تقلبات البورصة ويؤثر ذلك على إيمانه وصلاته مثلا لا يجوز له الدخول فيها مع إن أصلها الإباحة ولكن تحولت إلى سبب في كسب معاصي إذن أخذتت حكم التحريم
طيب تقول لي ما هو يتعلم الصبر والتوكل والثقة بالله في البورصة ويدخل اقول لك فشل حاول وفشلل وفطرته كدة يبقى لا يجوز له الدخول فيها
وبالمثل الشخص الذي يعلم من نفسه إنه لايستطيع العدل بين الزوجات اقصد العدل التقريبي قدر المستطاع يحرم في حقه التعدد
وأضيف من اجتهادي إن الإنصاف خلق وتمرس فمثلا شخص لم يعهد منه الإنصاف ولم يتمرس عليه يقول لك سأعدل أعتقد ليس من الفطنة تصديقه لأن الغالب حينئذ يكون أن هواه هو من يتحدث
أعني بهذه النقطة إن الإنصاف خل وفطرة وأيضا تمرس فإذا لم يعلم من الشخص أنه منصف فلا يتوقع منه العدل بين الزوجات هذا إلى جانب القدرة والبدنية والذهنية طبعا إذا كان ذلك سيؤثر على عبادته أو طلبه للعلم مش مشكلة لأن هذا يكون من العبادات ما لم يشغله عن الواجبات
أيضا القدرة الإدارية تخيل عندك مثلا أفراد أسرتك عندماا يكونوا 30 أو أكثر مثل بعض من عددوا أعلم أن هذا يتطلب قدرة إدارية خاصة تخيل أنك تدير شركة فيها 30 موظف وبينهم مشكاكل وطلبات ونزاعات وحساسيات ومشاكل عاطفية متابعة نشاط وووو نفس الأمر في المنزل

طبعا لن أتحدث عن نماذج فاشلة حصلت أمامي متعددة وذلك لأنها تدخل في إطاار التعدد غير المدروس بالرغم من أن بعضها كان دافعه شرعي أيضا ولكن تسبب فيما بعض في وقوع مآثم بل فر أحدهم من الدولة كلها إلى الخارج وترك الجميع

أيضا أود أشير إلى بعض نماذج التعدد يكون سببها غير مشروع (ما تفهمنيش غلط) أقصد مثلا واحد عدد لمجرد انه وجد مطلقة وليس عليهما خطر من التجربة مثلا بدون دراسة وبدون وازع شرعي
واحد عدد مثلا نتيجة اختلاطه بزميلة في العمل وأعجب بها بدون أي تقصير من زوجته وأبرز عيوب زوجته إلى غير ذلك
أشير إلى نقطة يشير إليها علماؤنا دائما وهي إنه حتى الرجل الذي يريد أن يعدد لا يصح له أن يظل يتحدث عن التعدد ويعيش زوجته في رعب وربما يموت ولا يعدد بل إذا كان الأمر صالحا بالنسبة له لا يتكلم كثيرا قبل الأوان وينفذ حين يتوفر فيه الصفات المناسبة لذلك
وذلك من قبيل وقوع البلاء ولا انتظاره إن نفسية المرأة حساسة لهذا الأمر أيا كانت المرأة (مثل عائشة مثلا) ولذلك ينبغي عدم أخذ هذه الأمر نوع من التسلية بالحديث عنه إذا كان الشخص ممن يصلح لهم التعدد فبها ونعمت وإلا يسكتت ويركن جنبي هنا

آسف للإطالة والموضوع

عصفور المدينة يقول...

آسف طبعا هناك ظروف يكون التعدد مطلب لأسباب أخرى مثل عقم الزوجة أو الرغبة في الانجاب أو......

BinO يقول...

أستاذ عصفور
أنا أبتسمت أول ما شفت تعليقك
ليه؟
عشان انا قلت اني مش حناقش الموضوع من الناحية الدينية
ليه
لأني لست أهلاً لها

عصفور
أتكلمت عن المشاكل التي من الممكن أن تحدث نتيجة للتعدد غير المدروس , خلقت مشكلة رغم أني بعرض الموضوع لحل مشكلة .
أكيد انا طبعاً كنت أقصد النماذج السوية بدنياً وذهنياً في مناقشتي للقصة
ليه ؟؟
لأن الزواج الأول مثله مثل الزواج الثاني تماماً
الرازق هو الله
والعاطي هو الله
وكل بأمر الله
بمعني أن لو الأنسان فشل في أدارة أسرة صغيرة مع أمرأة , فربما ينجح في أدارة أسرة أو أثنتين مع أمرأة أخري , الموضوع بيعتمد علي الزوج و الزوجة عايزين يبنوا ولا عايزين يهدموا
طبعاً أنا بتكلم عن ناس عايزين يبنوا
ابتغاء مرضاة الله
يعني ناس بتحس بعض
طبعاً منقدرش نتهم أن الناس معندهاش أحساس
أعرف شعور المرأة
وأعرف أحساس وجود منافس
ولكني أعلم انه اذا كلف الله بأمر أعان عليه وهذا هو حال السلف الصالح وأنت تعلم بالتأكيد
أستاذ عصفور أنا قصدت من أثارة الموضوع ليست الناحية الشرعية فهي محسومة بالنص الديني ولا أريد ان اتحدث عنها الأن , بل أردت أن أثيره من الناحية الأجتماعية والشخصية والشعورية البحتة
من ناحية أناس يتعايسون في مجتمع ويتفاعلون معه بجدية وأحساس
ويواجهون مشكلة تؤرق القلوب
ما هي أراءهم في ذلك
أستاذي العزيز لو سمحت جاوب علي الأسئلة ودع الناحية الشرعية الي نهاية الموضوع أن شاء الله
وجزاكم الله خيراً علي وقتك الثمين

عصفور المدينة يقول...

يا نهارك ابيض دي تدبيسة بقى
1- حل فعلا بالضوابط الشرعية
2-نعم
3-na
4-na
5- نعم ما هي تدبيسة
6- السؤال غير واضح استعين بصديق اسمه بينو

bastokka طهقانة يقول...

ايه ده؟؟؟؟؟
يقولها اتجوزت و بعدين ابوكي مات
ده انا لو منها اضربه مفك اعمله علامة مينسهاش ابدا


لا ممكن ابدا يتجوز عليا
ده انا اقطعه
قال يتجوز عليا قال

خمسة فضفضة يقول...

السلام عليكم ورحمة الله وبركاته

1- عندما يضع الشرع حل لمشكله ما يكون هو ذلك الحل الاصح والواجب التنفيذ والذي يراعي كل جوانب الموضوع ويبغي صالح الانسان

3- بالرغم من اقتناعي بالحل الشرعي لهذه المشكله لا اقبل باي حال من الاحوال ان يتزوجي زوجي باخري تحت اي ظرف من الظروف ، معلش بقي سميها اذدواجيه بس هو انا كده ما حبش شريك

4- لا
5- نهم
6- احاول التوفيق بينهم علي قدر المستطاع اما اذا جار العمل علي وقت الزوج و البيت والاطفال فطبعا هم احق مليون مره

يا قلبي يا غريب يقول...

السلام عليكم
كيفك اخي
ساكتب ردي ان شاء الله عندما اعود
و جزاكم الله خيرا
اشهد الله اني احبك في الله

ma 3lina يقول...


1-ماذا تري في الحل الشرعي بتعدد الزوجات لحل مشكلة أجتماعية تتزايد يوماً بعد يوم ؟

ممتاااااااااز


2-هل تقبل أن تتزوج بأكثر من زوجة اذا تيسرت ظروفك بنية اعفاف الأخوات المسلمات ؟

أكيييييييييييييييييد


3- هل تقبلين أن يتزوج عليك زوجك ,بنية أعفاف أخت مسلمة لك ؟

حاتفق معاه في البداية قبل الزواج على كده .. إذا كانت أحوالي ميسورة .. وأرجو أن تتفهم .. ولو إني مش عارف أخلص مع واحدة



5-هل تقبل أن تتزوج مطلقة أو ارملة ؟

يااااااااريت


6ما هو خيارك(عملك-زواجك-تعليمك-بيتك وأطفالك) ؟

بيتي وأطفالي - تعليمي - عملي

بس فيه حاجة قبل الحاجات دي مش حقولك عليها
:p

أمــانــى يقول...

السلام عليكم
الاسئلة كلها ممتازة بس انا هأستاذن حضرتك وهاجهز عليه موضوع برضو من وجهة نظرى ونظر البنات ومن خلال عملى واللى شوفته والمحيطين والنواحى الاجتماعية والعرف والتقاليد وخصوصا احنا اللى التقاليد عندنا بتدوس علينا كتير وهلم جر

لان هذا الموضوع ومن رايي متحاج لدراسة وحلول باكبر سرعةممكنة من جميع الجهات حتى يمكن حلها لان المشكلة بتزيد يومآ بعد يوم وباحس ان الموضوع لما بيفتح كله بيخاف على حدآ سواء لافرق بين شاب وفتاه ولا بين متدين ومتدينة ولا بين علمانى لانه كله بينظر اليه بانه شى يمكن ان الدنيا تمشى بدونه

بس انا ححاول ارد على اسئلة حضرتك على الرغم انه صعب شوية وعايزة رد بما يرضى الله لاننا طبعا بنى ادمين بنحب نمشى الدنيا على مزاجنا

1- حل ممتاز ويصلح لحالنا الان سبحان الله ربنا لم يحلل شئ ولم يحرمه هباءآ اكيد له فائدة هو خالق الكون سبحانه وتعالى وهو اعلم بكل ما فيه وكل ما نحتاج اليه

2-السؤال ده مش لينا هههه

3- نعـــــــم

4- فى الوقت الحالى على ما اعتقد لاء الله اعلم ماذا يخفى لنا الزمن طبعا حضرتك مستغرب ازاى نعم وازاى لا اصل حضرتك مش هارضى حد يقول عليا خاطفة الرجالة ههه

5- برضو مش لينا :D

6- اكيد طبعا بعد اللى شوفته بره البيت وغلب الشغل وقرفه اكيد هافكر مليون مرة فيه وهيكون فى اخر ترتيب حياتى مستقبلا
بس يلا ادعي للمسلمين والمسلمات ربنا يصلح حالنا
:D

Memo يقول...

1-ماذا تري في الحل الشرعي بتعدد الزوجات لحل مشكلة أجتماعية تتزايد
يوماً بعد يوم ؟

من استطاع منكم الباء فليتزوج
والنبي ص ما بني بامراه الا واعطاها مهر لم يقل عن 400 درهم مع العلم ان الجاريه كانت تشتري بدرهمين في عهده ص


2-هل تقبل أن تتزوج بأكثر من زوجة اذا تيسرت ظروفك بنية اعفاف الأخوات المسلمات ؟

نعم , انا اقبلها لي ولزوجي
لو تاكدت من دينه وصلاحه


3- هل تقبلين أن يتزوج عليك زوجك ,بنية أعفاف أخت مسلمة لك ؟

نعم , لا احرم ما احله الله

4-هل تقبلين بأن تكوني زوجة ثانية أو ثالثة ؟

مش مهم الرقم المهم الراجل مين


5-هل تقبل أن تتزوج مطلقة أو ارملة ؟


نبيك ص كل زوجاته ثيبات عدا عائشه


6-ما هو خيارك(عملك-زواجك-تعليمك-بيتك وأطفالك) ؟

الزوج الصالح

احب بس اوضح معلومه مؤكده
اخر تقرير لمعهد الدراسات الاحصائيه قال:
1-ان ازمه عدم الزواج في مصر راجعه لارتفاع معدل الفقر بين المصريين

2-ان نسبه العنوسه في الرجال الي السيدات تساوي
ثلات رجال الي امرأه واحده عانس

3-ان عدد السيدات في بلدنا اقل من عدد الرجال

يعني التعدد مش حل في مجتمعنا

محمد عبد الغفار يقول...

إجابات ميمو ازهلتنى الحقيقه فلما تجد بين الرجال حتى من يفهم ما قالته

بالنسبه لى انا ولا تأخذ كلامى على محمل الهزل

الحقيقه لا استطيع ان اتخيل ان فى مجتمعنا شخص عاقل جرب الزواج مره ويقدم على التعدد
لن يقدر ان يلتزم بشروطه وادابه هيجيب وقت وعقل وصبر منين عشان يعدل بينهم

غير معرف يقول...

السلام عليكم
فى البدايه انا ححكى حكايه حصلت فعلا
مره واحد كان متجوز وكمان عنده اطفال وكانت حياته كويسه جدا بس شاف واحده عجبته خالص وحس انه حبها وغير الحب بينه وبين مراته وقال لمراته انا عايز اتجوزها مراته زعلت قوى قالها خلاص انا مش حتجوها وهيه فضلت تغير من نفسها عشان ترضيه وقال لها انا عايزك زى ما انت انا بحبك كده بس كانت حاسه انه مش سعيد وراحت هيه قابلت الست ديه وقعدت معاها فى النادى ما يقارب 6 ساعات واولادهم همم الاتنين بيلعبوا مع بعض ولما رجعت قال لجوزها اتجوزها قالها انا خلاص مش عايز قالت له بس انا مش زعلانه وفعلا الراجل كتب كتابه على الست ديه وفى يوم كتب الكتاب الست التانيه قالت له روح بات معاها يوم ولا حتى اسبوع وبعدين تعالى وفعلا راح لمراته الاولى فى يوم كتب كتابه من التانيه وقعد معاها اسبوع وبعدين راح للتانيه
والله اعلم
ربنا يجازيهم همم التلاته خير ان شاء الله
ديه نوع من البشر ربنا يجعلنا نحس بالرضا زيهم
اجاوب الاسئله
1- لا احرم ما احله الله ودينا لكل زمان زمكان
2-اقبل ان اكون الزوجه التانيه وححس بوجع ضمير
3-اقبل اتزوج مطلق او ارمل حتى لو معاها اطفال بس لو الوالد راضى
4-زوجى زوجى زوجى
اطفالى بيتى تعليم(عشان ينفع عيالى
والله اعلم

BinO يقول...

السلام عليكم ورحمة الله وبركاته
أستاذ عصفور
انا كنت أحب أعرف أوليات المراة والرجل في الحياة في هذا العصر
طبعاً السؤال ده كان لازم أقول أنه موضوع تعبير مش ترتيب :)
أجاباتك نموذجية
وأنتظر مفاجأة
أستاذ عصفور أنا عرضت عليك عرض في "لسان حالي" أرجو ان يكون قد وصلك

BinO يقول...

طهقانة
ولو أنت مطهاقه يبقي مالوش حل تاني

BinO يقول...

وعليكم السلام
يا قلبي يا غريب
منتظر اجاباتك بفارغ الصبر
أحبك الذي أحببتني فيه

BinO يقول...

خمسة فضفضة
عاملك مفاجأة أنت وأستاذ عصفور

ماعلينا منتاز طبعاً
مش بهرج يا واد
عموماً أنتظر أنت كمان المفاجأة

أستاذة أماني
طبعاً منتظر موضوعك لأن القصة فعلاً كبيرة وملحوظة
وربنا يزيدك عقل

BinO يقول...

ميمو
أجابتك ردها في البوست القادم
أما عت الارقام التي ذكرتيها فأنا لا اكذبك ولكني لا أثق في أي أرقام صادرة من
ج.م.ع
ولا أنت مش معايا

أستاذ محمد غفار
أنا بحبك في الله
رغم أختلافي معاك في كثير من الاراء
بس بالنسبة لموضوع العقل فهو موضوع نسبي
واذا كلف الله بأمر أعان عليه
صح ولا أيه؟؟

BinO يقول...

نسرين
قصتك فعلاً من الحاجات اللي كنت مستانيها
مش عشان قصة نجاح زواج
لأ
أساسا نجاح الزواج أو فشله بأيد ربنا
و الرازق هو الله
و العاطي هو الله
بس انا بفرح برؤية هذا النوع من النفسيات السوية الراضية
أنا أعرف عشرات القصص من هذا القبيل

عصفور المدينة يقول...

طيب ما انا عندي قصص نجاح برضة بس سودت لك الصورة بناء على الأعم الأغلب
واحد زميل مهندس عنده سبع اولاد ومنذ عام 1988 وهو بيقول حعدد وزوجتي موافقة اتجوز العام الماضي ومستريح وزوجته راضية
ومرة واحد تزوج اخت معاقة برضا زوجته وسكنوا في نفس المنزل في شقتين
وعندك الشيخ محمد يعقوب والشيخ أبو إسحق
بس انا باتكلم على من ليس لديه القدرة والمهارة الشيخ ابو اسحق نفسه قال كلام شبيه بكلامي انه لازم يكون واد يقدر يحل المشاكل كدة
المهم في انتظار تقفيلك انت للموضوع

gohayna يقول...

بالنسبه لتعدد الزوجات

فدا نص لقانون سماوي محكم لا يقبل النقاش فيه

المشكله عمرها ما كانت في النص

المشكله في الي بيطبقوا النص

هل فعلا كل زوجه تقدر تقدر الكلام دا من غير ما تحط في دماغها كرامتها وكبريائها ونظرتها للزوجه التانيه ولا لا
حتي لو لا هداف نبيله زي ما بتقول
دي بترجع لنفسيه الانسان وقدرته علي التحمل
اما بالنسبه للرجل فدي بترجع بتحددها عوامل اقتصاديه واجتماعيه تفضل السابقون بزكرها

اما بالنسبه لاجابات باقي الاسأله
فدا بيرجع لكميه الموروث الديني عند كل سيده

وقدرتها علي تطبيقه
واحتمال نتائجه

ومش كتير بجد الي يقدر يعمل كدا
تحياتي

Memo يقول...

ملحوسه سغيره
هههههههه
التقرير ده مجمع من اليونسيف و معهد الدراسات الاحصائيه ورئاسه الوزره ومركز الدراسات الديمجرافيه و لجنه مراجعه التعداد لعام 2007 وهيئات ومنظمات دوليه ومحليه مختلفه مش فاكراها كلها دلوقت وكان من اجل دراسات عالميه مش مصريه بس

على العموم نسخه المكتبات هتنزل الشهر ده واكيد مكتبه اسكندريه هايبقا فيها مع المصادر كامله

انت بتتلكك عشان تجوز تاني ولا ايه
عايز تلزقها في البلد

تحياتشي

BinO يقول...

أستاذ عصفور

قصص نجاح كثير ة وقصص فشل كثيرة

زي أي قصة أو موضوع في الدنيا لها أحتمالات النجاح والفشل
صح
الأحتمالات ديه مش بأيدينا
صح
بأيد مين
؟؟
الخالق
يعني أحتمالات زواج زوجة واحدة أو مثني أو ثلاث أو رباع كلها واحدة
بأيدي الخالق عز وجل

BinO يقول...

جهينة
شكراً للرد وأنتظري نهاية الموضوع


ميمو
يا ميمو
ماشي يا ستي تقاريرهم علي عيني وراسي
بس مش حتغير من القصة شئ
فيه مشكلة قائمة
شئنا أو أبت الأرقام
هو ده اللي أنا بتكلم فيه

وبعدين حتلكك ليه مش لما أتجوز المرة الأولانية
:)
عموماً أجاباتي عن الاسئلة حقولها في الجزء الثالث والأخير أن شاء الله

Dr.khaled يقول...

في الحقيقة يا باشمهندس
هتلاقي معظم اللي قالوا اننا هنعدد...هتلاقيهم شباب عزاب زي حالات اخوك :)
يعني في موضوع التعدد ده بتبقى الحمية واخداهم كتير قوي طحن خالص جدا ع الاخر...
بس هو الامر محتاج تقنين..ومش اي حد يعدد....كلام الباشمهندس محمد(عصفور) والاخت مها (ميمو) كلام طيب جدا
لكننا بنادي في مالطة...لان القانون اللي عملوه من كام سنة فيه شرط ما انزل الله به من سلطان وهو
(هل تقبلين ان يتزوج زوجك عليكي او لا)
طبعا عمر ما في واحدة هتبقى بتكتب كتابها وتقولك اه...شوف مهما كانت متقية وصالحة الا اذا هو كان متفق معاها من الاول...وكانت هي اخت صالحة ومش طماعة...وعارفة ان فيه اخوات مسكينات محتاجين العفاف...زيها بالضبط
يعني زي ما حنا بنقول بلغتنا (اخت ملتزمة او متدينة..وعلى منهج الكتاب والسنة وبفهم الصحابة والتابعين)

المهم...نجاوب بقه ع الاستقصاء...:)
بس محدش يمسكني..وكله يوسع

1-ماذا تري في الحل الشرعي بتعدد الزوجات لحل مشكلة أجتماعية تتزايد يوماً بعد يوم ؟
طبعا حل مفيش احسن منه...لانه دستور نازل من السماء..

2-هل تقبل أن تتزوج بأكثر من زوجة اذا تيسرت ظروفك بنية اعفاف الأخوات المسلمات ؟
والله يا اخي..نسال الله ان يعيننا

3- هل تقبلين أن يتزوج عليك زوجك ,بنية أعفاف أخت مسلمة لك ؟
اظن ان انا اخ... فبلاش السؤال ده..

4-هل تقبلين بأن تكوني زوجة ثانية أو ثالثة ؟
تاني بتكرر السؤال؟؟؟ مش قلنا اخ..والله اخ يا باشمهندس :(

5-هل تقبل أن تتزوج مطلقة أو ارملة ؟

لا ارى اي عيب في الامر...والحقيقة ان المفروض نظرة الناس للمطلقة تتغير شوية...يااخواننا ككان فيه صحابيات مطلقات...عادي يعني

6-ما هو خيارك(عملك-زواجك-تعليمك-بيتك وأطفالك) ؟
طبعا رقم واحد..بطني(الاكل يعني)
رقم 2 التعليم
رقم 3 الجواز والعيال والشغل

أسوور يقول...

قبل الإسلام لم يكن هناك ما يحكم تعدد الزوجات .. أى انهم كانوا يتزوجون فى الجاهلية بدون عدد محدد
نزل افسلام وقنن التعدد وحدد ألا يزيد عن أربعة زوجات و وضع شرط شديد وهو العدل ثم كره فى التعدد بقوله ولن تستطيعوا أن تعدلوا بين النساء ولو حرصتم
دى رخصة مش تكليف .. ممكن تاخدها وممكن ماتاخدهاش وليها شرط صعب قوى
زى بالظبط رخصة الجمع والقصر فى الصلاه أو رخصة افطار الصائم فكل الرخص لها شروط
الموضوع لا هو فرض ولا هو سنة وكان موجود قبل الإسلام والإسلام قننه بعدد محدد وبرضه قال سبحانه: { وَمِنْ آيَاتِهِ أَنْ خَلَقَ لَكُم مّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ } [الروم: 21].
فين السكن بقى لما تعيش زوجة وهى مقهورة .. فين المودة والرحمة فى كدة
طيب
الطلاق شرع الله .. لو انا متزوجة وحبيت أغير زى ما المتعدد ين بيقولوا .. حبيت أغير فى الفراش .. حلال .. أطلق وأتزوج من آخر .. مش حلال برضه ولا هو الحقوق الجنسية الشرعية مكفولة للرجل فقط؟؟
مش برضه فى اسرة وابناء وفى مجتمع هينظر للزوجة الأولى على انها اياما غلبانة ومقهورة يا اما اكيد قرفته وراح التجوز عليها
يعنى ايه وعاشروهن بالمعروف؟؟
ليه ماقالش ربنا مثلا كما ينبغى أو قال كما قال الله ورسوله أو كما فى كتابه وسنة رسوله
عاشروهن بالمعروف تعنى ما عرف بين الناس فى المجتمع من خير أو شر .. من حسن أو سىء
أى ان الله ترك الموضوع لما هو متعارف عليه بين الناس فى المجتمع وذلك من عظمته ورحمته وعدله سبحانه
فإذا كان المجتمع ينظر للتعدد على انه شىء منبوذ نبذه الرجل تى لأسباب قوية يقبلها المجتمع
واتحداك ان اتيت برجل يتزوج ليعف امرأة ..انهم يتزوجون يا سيدى لأوا بإمرأة اخرى الى فراشهم وان كانوا يقصدون عفة امرأة لزوجوها من رجل آخر ويعفونه ايضا .. لماذا لا يتصدقون ويدفعون تكاليف زواج تلك املرأة لرجل يرغب فى الزواج ولا يستطيع لضيق ذات اليد؟؟
الكلام لا ينتهى فى ذكر كيف ان المرأة هى انسان وكفى أن ينظر الها على انها مجرد متاع
ترددت كثيرا قبل أن أعلق على هذا الموضوع وتركت صفحتك مفتوحة وقرأتها مرارا وتكرارا وأنا ابكى حالى
فأنا للأسف من ضحايا التعدد ولست فى حاجة لذكر كم كنت زوجة صالحة وكنت مع زوجى كما أراد الله ورسوله ولكن ماذا تفعل فى امر الله وقدره ..تمزقت أسرتى وبات ابنائى بلا اب والحمد لله على كل حال
ما أسوأ مصيرا من أن تواجه ظلمك للبشر يوم الحساب .. على فكرة المرأة مخلوق بشرى وحتى الحيوانات سوف نحاسب عليهم
وفعلا عدد الإناث فى سن الزواج اقل من عدد الرجال فى سن الزواج فى مصر بنسبة 1 إلى 3 أى أن كل امرأة عانس يقابلها ثلاث رجال لم يتزوجوا بعد يعنى موضوع انقاذ العوانس دة فى الفشنك قوى .. ما تتبرعوا عشان تجوزوا الشباب اللى مش لاقى جواز عشان الماديات وبيقعوا فى الخطيئة ولا دة مش يه نص تكليف؟؟
تحياتى

عصفور المدينة يقول...

طالما الموضوع مفتوح حاعلق
اخت ياسمين بالراحة شوية ولا يجرمنكم شنئان قوم على ألا تعدلوا
بعد إذن الباشمهندس بالراحة شوية
ممكن نضيف شرط على إجابتنا طالما انت عايز تحل المشكلة يبقى اللي يتجوز يتجوز عانس فعلا أو ذات ظروف خاصة
بس اللي انا اعرفهم بيدوروا على الجميلة الصغية تقول ايه يا بشمهندس
بس استاذة ياسمين بلاش الكلام في النصوص عشان تاخدي ثواب الصابرين
والعرف لا يحرم حلالا
بس احنا الكلام المظبوط قلناه مصالح ومفاسد وموازنة بينهما

اعرف أخ صديقي وربما يقرأ هذا الكلام نفسه يعدد ومع ذلك هو يقوم بتجهيز العرائس المحتاجات وجزاه الله خيرا ويبدو لا يجد الجرأة للتعديد وفعلا مفيش حاجة ناقصاه بس شايفها ثواب
تقولي له ايه بقة لو هي المسألة بإن طالما انتم شاطرين جهزوا العرايس جهزوا العرسان طيب عملنا كدة وعايزين نتجوز؟
نرجع للأصل هل ستعدل هل أنت قادر هل أنت أحسنت اختيار الزوجة الثانية هل ستحسن تربية أولدك والقيام بحقوقهم
مسالة النية بقة دي من حقه يعني انا لو كلت أكلة دسمة في السحور وتلذذت بيها عشان اصوم وابقى قوي وأرجو ثواب السحور آخذه ولا لا مع اني عامل رجيم
بالراحة يا أختاه
وفي الآخر كل شاة تعلق من رجلها : والترجمة المصري كل واحد بيتعلق من عرقوبه
مهندس بينو اعذرني في التعديات بس والله انت فاتح موضوع شائك وان ماكانش فيه واحد زيي كدة معارض مش حتبقى مناقشة واقعية حتبقى مجلس شعب

عصفور المدينة يقول...

حد هنا فهم اني ضد التعدد لا سمح الله
انا ضد الشريعة؟
ده انا خدت نص مساحة التعليق لوحدي كفاية عليك كدة ده انا ممكن اعمل بوست ولا بوستين من الكلام ده
يا باشمهندس
قدامي نماذج سيئة من نوع كلمة حق أريد بها باطل
طيب تقول ايه بقى في ناس ما بيعدلوش في زواجهم الأول والوحيد؟؟؟؟؟؟؟
العملية كما تعلم الرجوع للشرع الصحيح
ولو عايزنا نتكلم من خلال موضوع الحلقة يبقى اقول لك الحل اللي يعمل مشاكل اكبر من المشكلة اللي بيحلها ما يبقاش حل
عارف الناس فاكرة المشكلة ان الزوجة بتكون مش راضية أو مش موافقة لا المشكلة ان الزوج مش منضبط شرعا
عارف ليه لأن المرأة في كثير من الأحوال تستسلم للأمر الواقع لكن شوف الأضرار اللي بعد كدة عليها وأولادها

عارف يا بينو أنا أكثر حاجة باكرها ايه الكذب وده من الحاجات اللي بتخليني ضد التعدد الملخبط ده اللي مليان ظلم وكذب ودنجلة واحد قريبي متزوج اتنين بياخذ آخر الأسبوع مسافر في شغل وافهم انت... ده عدل؟
واحد قريبي تاني مسافر السعودية وتزوج هناك وبيقعد طول السنة وزوجته لا تعرف فبالتاي هو صابر ع الغربة ومراته هنا بتربي العيا وتكافح وتكشف على والدته وتراعيها وووو.......
العدل ياهوووووووه عليه قامت السموات والأرض
إن المقسطين على منابر من نور..الحديث

عصفور المدينة يقول...

على فكرة التعليق الأخير ده تبعي

khaled يقول...

السلام عليكم
اخى بينو كيف حالك و حال اخى المسلم
ابلغه منى السلام
فى الحقيقة ابتديت اقرا البوست ده و لقيت انه بيعتمد على اللى قبليه و اللى فاتنى فانا هارجع ليه و بعدين اقرا ده للاستفادة
وفقك الله

mohand يقول...

السلام عليكم
اخي في الله
هجاوبك عن الاسئلة اللي تخصني انا كرجل يعني
1- نعم فشرع الله فوق كل تشريع ورؤيته فوق تخيل البشر اكيد هوه شايف الصالح من قبل ما يبان الغير صالح
2- اقبل ان اشاء الله ولو ان هتواجهني صعوبات بس ان شاء الله اقبل
5- اتزوجها طبعا دي مش مشكلة خالص
6- بيتي واطفالي ثم تعليمي ثم عملي
----------
بينو يا ريت تدخل المدونة دي وتزورها وتقولي رأيك وتشاركنا
http://best-post.blogspot.com/
اخوك
مهند المصري

مسلم يقول...

peace be upon u all

actually i was not in the mode to write any thing, or even talk about anything. or going into arguements, however i really miss my friend so i came to his blog
here i wanna just say something about having many wives, it is a religious right for the man as far as he is treating his wives as ISLAM ruled, meanwhile wife should be obeying for ALLAH's rules and Prophet Mohamad's Sunnah, and not to prevent her husband from getting married for many times as long as he is giving her all her rights (phisical and spritual, Hereafter it is mentioned that the man's measons for marrying is a matter of his and it is widely varried from one to other, what BINO mentioned are some of the benefits of many time marriage, but it is not always the only reasons for marriage
one more thing is the matter women's jelousity, as it is cosiderable, and this happened with SAYEDAH 3a2esha Radey allah 3anha

محمد عبد الغفار يقول...

الأختلاف فى الرأى لا يفسد للود قضية

انما التعدد مش تكليف ، ده مباح مقرون بقدره الرجل وله اداب واشتراطات ، انا لست ضد التعدد ولكن ارى ارى انه لم يعد بأستطاعه الغالبيه الوفاء بإلتزاماته

احبك الذى احببتنى فيه

حائر في دنيا الله يقول...

وهل المشكلة عن البنات فقط ام هي مشكلة مشتركة، هي فعلا مشكلة مشتركة فكما البنات زادت فيهن نسبة العنوسة وتاخر سن الزواج عندهن فإن الشباب أيضاً زادت فيهم نسبة العزوبة وتاخر عمرهن عن الزواج طبعا المشكلة اكبر عن النساء
ولكن ليس الحل كل الحل لهذه النقطة تحديدا تعدد الزوجات فالمسألة مشكلتها اقتصادية من الاساس وحلها اكبر من حصره في نقط محددة ولكن على الاقل على العائلات عدم التضيقق على الشباب والتثقيل عليهم بالطلبات والمهر وخلافه
"فإذ1ا جاءكم من تردون دينه وخلقه..."فلوهذه هي قضيتنا فعلا ونظرتنا للأمر لتقلصت المشكلة قليلاً
ولكن حل التعدد كحل للمشكلة نفسها ليس حل لها ولكنه في رايي قضية اخري

مع تحياتي

david santos يقول...

Thanks for you work, is very good, and have a good day

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة