إِنَّ الدِّينَ عِندَ اللّهِ الإِسْلاَمُ

الخميس، يونيو ٠٧، ٢٠٠٧

تاج

التاج من

ماعلينا وبنت الجنوب ورينا


أحب شخص لقلبك في الدنيا؟

أتمني أن أكون صادق

رسول الله صلي الله عليه وسلم

انسان مستعد تضحي بحياتك – ركز فى كلمة حياتك – عشانه؟

كل من تطولهم كلمة غيرة بالنسبة لي

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

{وَقَاتِلُواْ فِي سَبِيلِ اللّهِ الَّذِينَ يُقَاتِلُونَكُمْ وَلاَ تَعْتَدُواْ إِنَّ اللّهَ لاَ يُحِبِّ الْمُعْتَدِينَ }البقرة190

ما هو اسم اجمل كتاب كتبه بشر قراته ومحتفظ به حتي الان؟

الهوية الأسلامية

للدكتور محمد أسماعيل المقدم

اسم كتاب كتبه بشر برضة- انت متعلق بيه وبتقرأه كل فترة؟

همم –للدقة لا يوجد كتاب معين –بس كتاب الفوائد لأبن القيم جميلا جداً وكذا كتاب وعاشروهن بالمعروف

اهم جهاز منزلى انت متعلق بيه او بتستخدمه كتير؟

الموبيل وده بسبب أني ماشي في 9 سنين غربة

والكومبيوتر

مكان تحس بالراحة عندما تدخله؟

بيتنا بجوار أمي وأبي

شىء تحس بالراحة النفسية عندما تنظر اليه؟

ضحكة البنت الصغيرة

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

محطة البولمان

اجمل مدينة زرتها داخل مصر ؟

العريش

أجمل مكان طبيعي رأيته داخل مصر ؟

حتة علي طريق الغردقة فيها الجبل ملتصق بالبحر

شخصية كارتونية بتحبها

مارد وشوشني

انوع هاتفك المحمول؟

نوكيا

سرعة بروسيسور جهازك؟

2.0

حجم ذاكرة –هارد- جهازك؟

تقريبـآ 120 جيجا

المساحة التى تشغلها المواد الاسلامية على جهازك؟

الله ورسوله أعلم

أهم هدف انت واضعه لحياتك الآن؟

أن تزول الدنيا من قلبي

مواصفات فتى الأحلام بالنسبة لك؟

فتي أحلام J

هو التاج كان متفصل للبنات

ويقولوا عالم ذكوري

أنا وجدت فتاة أحلامي وأسأل الله عز وجل أن يجمعنا في طاعته أن شاء الله

أسألكم الدعاء

صف ما يأتى:

شعورك لما بتسمع كلمة مصر ؟

من كام سنة كنت بحس أنها بتتخطف مني

دلوقتي

بحس أنها بتخطف كل شئ مني

شعورك لما بتسمع كلام عن اليهود؟

الصفصطة

شعورك لما بتشوف ظابط شرطة؟

مظلوم

كتب عليه أن يعيش تحت رحمة قانون موضوع من قبل بشر

بل عليه أن يلزم الناس بتنفيذه

مسكين

أتنمي أن يعفو عنه المولي

شعورك لما بتشوف الكناس العجوز فى الطريق؟

المعافاة

قلبي بيتقطع للبكاء

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

أخويا ( كلكم أخواتي طبعاً )

اللهم ثبتني كما ثبته


احساس يراودك فى اشارة مرور مغلقة بسبب مسئول كبير؟

ممكن تكون في حادثة أنتم دايماً ظالمين الناس كده

تحديث

وجدت تاج أخر من اختي في الله رفقة عمر

انت مين
محمد
مين أكتر ست أشخاص بتحبهم
أمي
أختي الكبري
أبي
بتوت
أخي
أختي الصغري
الشيخ محمد حسين يعقوب وشايخ الأسكندرية

انت سعيد

السعادة ليست شئ دائم والقلب يتقلب
وأنا من أكثر الناس المتقلبين في المزاج
هو السؤال ممكن يكون
هل أنت راض
نعم والحمد لله

لو اجتمعت أنا وحسني مبارك في غرفة واحدة
ماهو ممكن يلحق نفسه ويخرج


لو معاك مليون و نص جنيه تعمل بيهم ايه
مسجد وعربية وحتة أرض في سيناء
في ناس تعبانة أنا عارفهم
هاحاول اريحهم
جريدة علي الكتاب والسنة تتكلم عن شباب المسلمين

بتحب مصر؟
انا جاوبت علي السؤالده

بتحب البنات؟
جداً
:)
انت مسلم؟
الحمد لله

ليه؟
{صِبْغَةَ اللّهِ وَمَنْ أَحْسَنُ مِنَ اللّهِ صِبْغَةً وَنَحْنُ لَهُ عَابِدونَ }البقرة138

التاج الثالث
مين اكتر شخصيه متقدرشى تستغنى عنها فى حياتك
أنا عايش
وكده ولا كده حاعيش
بس أمي ليها تأثير عليا كبير حتي لو متكلمتش

وليه
لأن الحياة لازم تستمر ومش حتقف علي حد
بس أمي أرتباطي بها نفسي

ايه أكتر موقف محرج تعرضت ليه
يوم المقابلة الشخصية في شركتي
مش حقدر أحكي
J

و اتصرفت ازاى
ربنا يسر الحمد لله وشرحت الموقف

ايه الأمنية اللى بتدعى دايما ربنا انه يحققها ليك

اللهم توفنى مسلما والحقنى بالصالحين

تحققت ولا لسه
أدعيلي

هناك ١٣ تعليقًا:

ammola يقول...

مبروك الفتاة ويارب تحققوا الاحلام

عصفور المدينة يقول...

هيييييه أول واحد زي يوم التعدد
ربنا يثبتنا وإياك
انت شجاع جدا غنك قلت رسول الله صلى الله عليه وسلم نفسي اعرف اقولها
فعلا موضوع الغيرة ده واجب شرعي يجوز التضحية بالنفس من أجله

أبو عنكبوت يرسل لك التحية

عصفور المدينة يقول...

يادي الحوسة سبقتني بنت الاسكندرية

BinO يقول...

أستاذ عصفور خيرها في غيرها
أشكرك علي الأطراء
وأتمني أن يكون صحيح
سلملي علي أبوعنكبوت وقوله روز بتمسي


أمولة
الله يبارك فيكي
وأتمني لك الخير

رينـــــــــــا يقول...

السلام عليكم
جزاك الله خيرا على تقبلك للتاج
واجابته

عصفور المدينة يقول...

على فكرة بقة المليون ونص جنيه
أو المليون جنيه ونص جنيه
ما يعملوش غالبا كل اللي انت قلته ده
ممكن نعدل التاج باليورو

مسلم يقول...

السلام عليكم و رحمه الله و بركاته

إزيك يا عم الشيخ

المساحة التى تشغلها المواد الاسلامية على جهازك؟

الله ورسوله أعلم

إزاي يا شيخنا رسوله أعلم

إبقي صلحها بقه يا عمنا

أحبك في الله

مسلم يقول...

و زي ما عصفور قال

المليون و نص هيبقوا قليلين أوي يا بينو

بس أقولك إبقي خد المليون و نص بتوعي

و ممكن عصفور يساعدنا

مظنش إنه هيبخل يعني

ده حتي عصفور...!؟

BinO يقول...

أستاذ عصفور
ممكن بالأسترليني
يبقي تمام جداً
علي فكرة أستاذ عصفور انا فلاً رد الموضوع بتاع الفتوي أحبطني جداً
كان نفسي أسمع كلام تاني
خاصة و أنك وضعت كثير من المحاذير لم أشأ أن أتجاوزها

BinO يقول...

رينا جزانا الله وأياكم

BinO يقول...

ميروك صحيح علي صورة البروفيل الجديدة أستاذة رينا

ربنا يثبتك

BinO يقول...

حماحيمو
أنا فعلاً مش عارف مساحة المواد الأسلامية علي جهازي
لأنك عارف جهازي فين :)

عموماً ده كرم منك أنك تنازلت عن الملون ونص بتوعك جزاكم الله خيراً
وأحبك الذي أحببتني فيه

أمــانــى يقول...

ربنا يكـرمك يااااااارب ويحقق كل امانيك يـاااااااااااارب آمـــين

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة