إِنَّ الدِّينَ عِندَ اللّهِ الإِسْلاَمُ

الأحد، فبراير ١٨، ٢٠٠٧

بحبك طول العمر

بسم الله و الصلاة و السلام علي رسول الله صلي الله علي و سلم
حالة توهان
هافي فالانتين
مين
بيقولوا عيد
لسه بدري علي العيد
لأ ده حاجة جديدة
ده عيد الحب
طب هما عملوا للحب تمثال
ولا بيعبوه في أكياس
ولا خلينا بعيد عن ألاكياس
خليها شنط
طب أنا عايز 2 كيلو حب
بس من وش القفص
طب في ديسكونت
يا ريت أصلوا جاي أخر الشهرو الجيوب فاضية :(
ربنا يخليكي ليا يا أمي
بتحبيني من زمان
لا عمرك حوشتي حب عشان تعطيه لي في يوم
كله كان تحت أمري من أول يوم
و مش فاكر كان أمتي
أول يوم حسيت أني مقدرش أستغني عنك
بس كل اللي أنا فاكره
أنه من اليوم ده وأنا بحبك كل يوم
وبحبك طول العمر
أمي العزيزة
مش عارف كام طن حب يكفي اللي في قلبي
وكام شنطة حتكفي
أبي العزيز
رغم أنهم ماعملوش عيد أب
ورغم أني طول عمري حاسس أنهم ظالمين الاباء
ليه مش عاملين لهم عيد
طب أمتي حجيب لك هدية
طب شنطة الحب
أبي العزيز
رغم أننا لم نتفق كثيراً قبل ألتزامي
ألا أني أشهد أنك وقفت جانبي بعد ألتزامي
أنك كنت نعم العقل الراجح
سامحني لأختلافي معك أيام جهلي
وسامحني أذا كنت أخطأت يوماً بكلمة
أعرف أنك لن تقرأ كلماتي
فليتها تخرج من فمي
وليتك تقرأها
أختي العزيزة
بحبك جدأ جدأ
لحنانك و طيبتك و عفويتك
أحبك لطهرك
ونقائك
بتوحشيني و أنت بعيدة و أتمني من الله أنه يقربك مني
زوجتي
أللي لسه مش زوجتي
كلامي اللي فات ده حاجة
وكلامي معاكي حاجة تانية
انا فاكر امتي حبي ابتدي معاكي
فاكر أول همسة
أول لمسة
فاكر وقفاتك جانبي
فاكر نصايحك وكلامك معايا
فاكر تعبك
وسهرك عشان راحتي
فاكر تحملك ليا
وصبرك عليا
فاكر وحفضل فاكر
وهحبك طول العمر

هناك ٤ تعليقات:

رفقة عمر يقول...

طبعا كلام جميل مافيش حد يختلف عليه وكلنا نفسنا نقول لوالدينا قد ايه احنا بنحبهم بس مش عارفه ليه بننسى مع انهم اكتر ناس فى الدنيا بيحبونا ربنا يصبرهم علينا ويجازيهم عنا خيرا امين يارب العالمين

BinO يقول...

المشكلة أن الكلام لا يكاد يتجاوز الحناجر
لا أعلم لماذا

ma 3lina يقول...

حسبك أن الكلام جاز حنجرتك وفط جوا المدونة ونط جوا عقلنا ودخل جوا قلبنا ..

BinO يقول...

نحمد الله علي وجود قلوب رقيقة مثل قلبك يا أخي ماعلينا

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة