إِنَّ الدِّينَ عِندَ اللّهِ الإِسْلاَمُ

الخميس، فبراير 22، 2007

الدخول في حيطة


بسم الله و الصلاة و السلام علس رسول الله صلي الله عليه و سلم

خبر صغير
كان في أحد المواقع الرياضية
الخبر كان مفاده
أن الاتحاد الاوروبي
لكرة القدم طبعاً
حيحقق في واقعة
قام بها أحد الاعبين في أحد المباريات
وهي أشارة بذيئه الي جماهير الفريق المنافس
بيده
الخبر لفت نظري لسبب واحد ومواقف عديدة
من شهور قليلة
كان نفس الخبر
بس الموضوع كان في ملعب مصري
مدرب النادي الاهلي
نادي الجماهيرالعريضة
قام بنفس الحركة البذيئة
نفسها
وكان توابع الخبر كالتالي
دفاع غريييييييييييييب عن الخواجة
وأتهام للناس اللي أشمئزت من فعلته بعدم الفهم و التخلف
و أن اللي بيعمله المدرب ده شئ عاااااااااااااااااادي بيحصل في ملاعب العالم كله ,يقصدوا البذائة وقلة الادب
وتمت تغطية الموضوع بطريقة ظريفة و اعتذر المدرب اللي متربي و قال أنه ميعرفش أن أحنا عندنا مش عادي
:)

طب يا ناس
يا ناس و مش ناس
هو أحنا مين
هو أحنا مالناش أحساس
ولا هو الاحساس لازم ينداس
والناس لسه مبقتش ناس


ما هو أحنا السبب مالناش لون ولا طعم
مفيش حاجة ماسكينها
حاجة نقبض عليها
أحنا مجرورين ورا ناس منعرفهاش
مربوطين زي الخرفان من رقابينا
يمين يمين
شمال شمال
مش عارفين أحنا رايحين علي فين
قطعنا جذورنا من تحت تحت
وفروعنا شاخت قبل الوقت
وحرية حرية

من كام سنة
لما الناس اللي بتفهم
قالت يا جماعة التدخين حرام
التدخين مضر
يا ناس خدوا بالكم
نمنا علي ودن و التانية سدنها بكيس قطن
بعديها بشوية جيه الامر
الاتحاد الاوروبي
مش بتاعة الكورة طبعاً
ألزم شركات التدخين بعمل تنبيييييييييييه كبير علي علب السجائر
يبين خطورة التدخين علي الصحة
وما يسببه من أمراض
وغيره
وطبعاً أنتم عارفين
عاملنا زيهم بالظبط
قص ولزق
عدينا الجمل بس علي برنامج وافي عشان يترجم
وزي الخرفان
تبع القرار بمنع جميع أعلانات السجائر من الشوارع و الصحف و المجلات
والتلفاز و غيره
زي ما عملوا بالظبط
طب قارنوا معايا
سجاير لم يحكم فيها شرعياً بأمر مباشر من الخالق بحرمنيتها
ولكن أفتي العلماء بحرمنيتها لأضرارها العظيمة علي صحة الانسان
من باب لا ضرر ولا ضرار
في ناحية تانية
الخمور
نزل بها قرأن من فوق سبع سموات
{يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ }المائدة90
وأتفرج يا سلام
في نفس وقت التصرف مع التدخين
حملة أعلانية
للخمور
في الشوارع و المجلات
مصانع جديدة للخمور بتفتحفي البلد
و العجيب
سلسلة محلات لبيع الخمور
بتنتشر زي النار في الهشيم
عملة زي فرانشايز
كأنها حرب ضد شريعة الله
يعني اللي أحنا
مؤمنين به
شريعتنا
قانونا
لونا وطعمنا
اللي أحنا قابضين عليه
الامانة و العهد
نحاربه عيني عينك
كأنه عند
وبنعاند مين
ومشيين ورا مين
ورايحين علي فين
حندخل في الحيطة
ولا حنلحق فرامل

هناك 5 تعليقات:

رفقه عمر يقول...

فيه حديث للرسول صلى الله عليه وسلم انه فيما معناه اننا هانتبع الغرب فى كل حاجه حتى ولو دخلوا جب لدخلنا ورائهم انا مش عارفه ااقول الحديث قوى لانى مش حفظاه بس دة اللى حاصل فعلا اللى يقول عليه الغرب صح يبقى صح واى حاجه يقولوها غلط يبقى غلط احنا بقاينا نسانيس ذى ماقلت على كريم فكرة كريم اخد اربع سنين سجن شوفتها على الجزيرة النهاردة

يا قلبي يا غريب يقول...

: قال رسول الله صلى الله عليه وسلم:( ليأتيَنَّ على أُمَّتي ما أتى على بني إسرائيلَ حَذْوَ النعل بالنعل، حتى إن كان منهُم مَن أتى أُمَّه علانية؛ لكان في أُمَّتي مَن يصنع ذلك، وإنَّ بني إسرائيل تفرَّقت على ثنتين وسبعين ملَّة، وتفترق أُمَّتي على ثلاث وسبعين ملة؛ كلهم في النار؛ إلا ملة واحدة. قالوا: ومَن هي يا رسول الله؟ قال: ما أنا عليه وأصحابي ) رواه الترمذي وحسنه الألباني
نسال الله الثبات علي الحق و ان يحسن خاتمتنا

BinO يقول...

الأخت عائشة
كريم أخذ حكم مخفف من عبيد زيه
أتمني أن فترة السجن تخليه يقعد مع نفسه
ويراحع نفسه
ويشوف الطريق رايح علي فين
وربنا يهديه
أمين
اما أحنا
الأخوة المجرورين
فلعلنا نفوق
و نفك الحبل من راقبينا
لأنه أما حيخنقنا
لأما مش حنلاقي حد يجرنا منه
ونفضل واقفين
لأحنا مشايين ولاأحنا مجرورين

Sharm يقول...

والله انا ما عارف اقولك ايه

احنا معندناش ثقة في نفسنا و دي مشكلة كبيرة

و بالنسبة للكورة يا ريتها جت على الموقف اللى قلته وبس في ملاعبنا

ابراهيم سعيد كمان له سوابق كتير قبل كده و انا كنت جبت كليب لافعاله المشينه في موضوع اضحك ابكي و فعلا مش عارف لماذا لم يتخذ اجراء ضده

الكوسة وصلت للرياضة

BinO يقول...

أخي يا قلبي يا غريب
ربنا يثيتنا أجمعين بالقول الثابت في الحياة و الدنيا و في الأخرة


أخي شارم
هو الموضوع مش موضوع الرياضة و لا الكورة بس هو موضوع الانتماء و الحق
اللون و الطعم
ثقتنا في ما نعتقد

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة