لملمت خالاجاتي ومفارق
ساعات مش جاية علي مقاسي
وناس مش حاسة أحساسي
وعيون بجحة ومش بتحس
وناس رايقة و مش فايقة
ولسه الأرض بتنادي
علي دم من زمان طعمه ما دقتهوش
يا عيني يا أرض ده أنا خايف
يطولك دم من كيس الغلابة
يصيبك من اللي صابهم
وأبقي مش طايق
أدوسك حتي بأقدامي
وفرسي يصبح كاره لمسة لجامي
يقولي ده حتي الأرض يا صحبي
متنفعنيش
وحتي البحر مش طايق
وداق من الدم وشرب الهم
وغمة نفسه وضاقت نفسه
وثار و انهار علي بيوت الغلابة
وقال يا ولاد ده عندي أخر أنذار
هناك ١٨ تعليقًا:
??????????
أخويا ماعلينا
انا مش فاهم
أنت مستغرب
ولا مستعجب
ولا مش فاهم
علي قد فهمي يعني
الكلام ده كلام قديم في نفسي مالوش علاقة مباشرة بالبوست اللي فات وأن كان يعبر عما تكنه سريرتي
أنا مش فاهم .. بس ما ليش نفس اتكلم عشان كده حطيت علامات استفهام .. معلش اعذرني
وما كدبش عليك انا لسه مش فاهم .. مين اللي بيلم خلاجاته ومفارق ؟؟
روق كده .. خلي اليومين يعدوا على خير
:)
يا بينو المكان ده بتاعك ودول صحابك و دي مصر
واللي مش عجبو ميجيش هنا تاني
و انا مش عجبني و باجي برضو مفيش فايده
يعني عاتشي
تحياتشي
يا ميمو أختلاف وجهات النظر ماكنش أبداً سبب في الخلاف الشخصي
وعشان الناس ديه صحابي فأنا متأكد من أنهم مايقصدوش يغلطوا في حد لأنهم ناس محترمة فعلاً
القصة زي ما ماعلينا ذكرها تماماً في مدونته
بس أنتي كويس أن أنت جيتي علي نفسك
ودخلتي المدونة
أنت عصرتي كام لمونة
قماان
عليك شوية كلام
..
..
..
جميل
ما شاء الله..اهي دي المدونات اللي تفرح وتبسط
ربنا يبارك فيك
واحد يدخل يسمع قران او يقرا حاجة تفيده
مش ندخل مدونة نلاقي فيها رقع وطبل وزمر وتحيا مصر نعيش لمصر ونموت امصر لغاية ما صدعت
والله المستعان
اتشرف باضافتك يا بينو
جزاك الله خيرا على القران الكريم
على رأى الدوكتور خالد
احسن من الرقع
هممممممممممممم
مفيش بوست اعرف ارخم عليك فيه
انت عامل كده قااااااااااصد
الشعر حلو
مش عارفه اقول عليه حاجه
هممم
ما نا لازم اقول حاجه
هطق من جنابي يا عالم هيجرالي حاجه
اه ه ه
...خلاجاتي دي مش الغه العربيه
ممكن تحطلي سوره القصص عشان بحبها اوي
شبيسيال ركوست
تحياتشيييي
دخالد
جزاكم الله خيراً
مدونتك أحد الكتابات التي تعطيني الأمل أيضاً وعن ماذكرته عند أهل الجنة أنا أوافق عليه
خالد
أنا نقاش
:)
ميمو
مش عارف أقولك ايه بس
شكراً غلي الأثناء
وخلاجاتي كلمة عربية تطورت مما يختلج نفس الأنسان الي ملابسه :)
هو يعني أيه سبيشال ريكوست
حبقي أحط سورة القصص كأختيار ثاني أن شاء الله بعد سورة ق
السلام عليكم ورحمه الله و بركاته
اخي بينو
و الله يا اخي هذه المودنه طيبه بفضل الله و اسال الله ان يهدي بها من يحبه الله بمن احبه الله
ان شاء الله
أخي في الله بينو .. بوست انهاردة اهداء ليك
ياريت تقراه كويس .. وواحدة واحدة وعلى مهلك
وياريت تشرفني بالتعليق عندي إيه اللي فهمته من البوست
السلام عليكم ورحمة الله وبركاته
اخي في الله بينو
كنت داخلة وقريت بوستك الاخير
وعجبتني القصيدة جدا
وكنت نازلة عشان اتب كومنت ولفت نظري اسم البوست اللي تحت
قريت ويا ريت ما قريت
اولا الناس اللي احنا شفناهم مش مختومين عشان تتهم نفسك انك مش مختوم وعشان كدة مش هتيجي
بالنسبة للاخ اللي واجه الدعوة لبنات المدونات ليس بغرض التظبيط
ولكن علي مدار لقائين لم يكن يوجد في اللقاءات غير بنتين وبس ولذلك كان عايز يبقي للمدونات البنات دور كمان
دة شئ
الشئ التاني اللي بنت الي بتقول ياريت مش يتقبض علينا
انا كنت بهزر طبعا وقت ما قلت الكلمة دي
انا بكتب في مدونتي اي حاجة بقي
وتصادف ان وقت اللقاء كنت كاتبة بوست بيصنفوه علي انه سياسة
فانت كلمتي علي سبيل الدعابة
والا اذا مش كنت رحت اللقاء دة
نيجي بقي لموضوع الاختلاط
ما اجمتع رجل وامرأة الا وثالثهما الشيطان
واحنا لا كنا واحد وواحدة دة احنا كنا 60
واذا انت مؤمن بحركانية الاختلاط يبقي بلاش تودي اختك الجامعه او تمنع والدتك عن الشغل
او زوجتك عن النزول في السوق
طالما ان موضوع الاختلاط دة حرام
هتقولي ان في اشياء تبيح المحظورات
يبقي لا معلش الحرام بين والحلال بين
صح ولا ايه
وبعدين انا عن نفسي شايفة اني محترمة جدا والناس اللي كانت موجودة برضه كانت محترمة
والموضوع ما تعدي الا اقتراحات لفعل الغير واقتراحات لتغيير المجتمع
يعني لا ناس راحة تظبط ولا ناس راحة لاي هدف وحش
بجد انا حزنت علي الكلام اللي فات
واتمنيت اني مش اكون شفته
لانك علي الاقل سببت ليا جرح كبير اوي
انا كنت قافلة مدونتي
وفتحتها النهاردة
بس بجد خليتني ادايق اني فتحتها
انا بقي شغلي ودراستي وحياتي كلها مع ولاد
بصلي وبصوم وعارفة الصح والغلط
كدة يبقي انا عاصية يعني ولا ايه
تقدر تقولي بقي ايه الفرق بين ان دراستي وشغلي يبقي مع ولاد بينا احترام وافكار ثقافية
والفرق بين اني اكون مع مجموعه كبيرة من بنات وولاد برضه بينان احترام وافكار ثقافية
انا اسفة اني قريت البوست اللي فات
بس ياريتني ما قريته
ومعلش اعذرني علي عدم مجي هنا مرة تانية
بتهيالى متقدرش تسيبها حتى لو لميت الخلاجات و مشيت هترجع تانى
هيا بقت مليانة فوضى و فساد بس هنعمل ايه لازم نستحمل
رجع خلاجاتك للدولاب
تانى و معلش استحمل
الأخت سمراء النيل
انا حرد عليكي هنا رغم أن أنت قلتي مش حتيجي هناتاني وهو شئ عادي يعني أتعودت علي كده مش عارف ليه
رغم أني لا بدعو لفسق ولا ضلال
لعمري قلت كلام خارج
ولا كتبت كلمة تجرح حد بعينه
ولا شغلت معازف ولا جبت فديوهات فيها صور خليعة
يعني المهم
أنا قلت رأيي في الموضوع
معترض
أيوة معترض تماماً
أنا تخيلت أختي مثلاً
بتكتب في مدونتها أرأئها
وبعدين
الناس اللي بيعلقوا عندها
رجال ولا نساء حتي
متعرفهمش
ولا هي و لا هما ولا أنا حتي عندنا الاهلية لتغيير أي واقع غير واقعنا الشخصي
يعني أجتماع أي أحد مع أي حد تاني ميعرفوش
مايعرفش أي حاجة عنه تماماً
ده لو عدينا موضوع الأختلاط هوده اللي أنا بتكلم عليه
ده كلام
ناشئ متعرفش بعض تتقابل كده
طب ده معناه أيه
طب فرقنا أيه عن الناس التانية الوحشة
كلامي كله كان بدافع الخوف علي بنات بلدي
محبش أشوفهم قاعدين في كافيهات ولا كافتريات
ولا أحب أشوفهم متبهدلين
أنا لما دخلت مدونتك
وقرأت كلمات "يارب يتقبض علينا "
عايز أقولك أن كلماتك دخلت في صدري كالرصاص
عارقة ليه
أفتكرت أني شوفت فديو علي مدونة الفضائح العجيبة اللي أنا بكرها تماماً بتاعت وائل عباس "وده رأيي الشخصي " , الفديو كان لمظاهرة وطبعاً الأمن اتلم وغيره ومسكوا واحدة , أنا مشفتهومش مسكوها ,بس سمعت صوتها
تصيح صارخة
وقطعت أحشائي والله
كنت بصرخ وأقول أنت ايه اللي نزلك من بيتك
مين اللي غصبك
بلدك مافيهاش رجالة
ولو حتي مافيهاش صوني نفسك
يا بنتي قطعتي قلبي
طبعاً أنا كلامي مقتنع بيه تماماً
و ده رأيي الشخصي
مش ديه الحرية اللي بيقولوا عليه
ومفيهاش تجريح
فيها خوف وحرص والله يعلم بما في صدري
.وربنا يتقبل منا جميعنا صلاتنا وصيامنا وركوعنا وسجودنا
وتذكري هذه الأية فقط
{وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33
وأسف لو كنت سببت أي جرح غير مقصود وأعتبريني أخ خايف علي أخواته ولاد ولا بنات
ماعلينا
حسيبها غصب عني :)
إرسال تعليق