إِنَّ الدِّينَ عِندَ اللّهِ الإِسْلاَمُ

الثلاثاء، مارس ٢٠، ٢٠٠٧

أرض رخوة


حضرته:مش حينفع تسافر كده
هو:ليه حضرتك؟
حضرته:لحيتك حتعملك مشاكل يا بشمهندس
هو:أن شاء الله ربنا ييسر الأمور حضرتك
حضرته:أيوة يا بشمهندس أنت هنا الأمور مكعبلة انما هناك حتلاقي الناس بتعاملك معاملة وحشة
هو:ليه ؟
حضرته :عشان هما واخدين فكرة وحشة عن المسلمين
هو: مين اللي أداهم الفكرة ديه؟
حضرته: أحنا
هو: ومين اللي حيصلح الفكرة ديه ؟
حضرته: أحنا
هو :وهو ده اللي أنا بعمله
حضرته:يعني أنت فاكر أن اللي أنت بتعمله هو الصح ,أنت من كام سنة كنت فاكر نفسك صح , وبعد كام سنة حتقول أن أنت كنت غلط
هو :الكلام ده مش صح
حضرته : ليه
هو:كنت قبل كده فاكر أني صح ومعنديشأثبات
ودلوقتي أنا عارف أني صح ومعايا أثبات
حضرته : اي أثبات
هو : الحاجة الوحيدة اللي مفيهاش جدال
الكتاب والسنة
حضرت:ه الكتاب والسنة علي رأسي من فوق لكن الأوامر ماببتفهمش كده
هو :أمال الأوامر تتنفذ أزاي يا بشمهندس

سكتة ثم


حضرته : لازم الأمور تتفهم بالعقل
ربنا عرفوه بالعقل
هو : ربنا عرفوه بالفطرة
حضرته : الفطرة هي العقل
هو : لو حضرتك أقريت أن الفطرة هي العقل يبقي ماشي
حضرته : الدين مش قوالب جامدة كده
هو: ولا مايع
حضرته : مقولتش مايع يعني تمشي وتندغ لبانة
هو : أنا قلت أنه مش مايع ولا جامد
حضرته : أيوة يعني الوسط هو احسن شئ
هو : أي وسط كل واحد فاهم الوسط علي مزاجه , حتي اللي بيصاحب بنات ومش بيزني مثلاً فاكر انه صح وده الوسط
:)
حضرته :يا أبني الوسطية يعني عدم التزمت
هو :تزمت ؟
يعني الرسول صلي الله عليه وسلم كان متزمت
نرفزة خفيفة
حضرته :أنا مقلتلكش احلق لحيتك , قلتلك خففها
هو:الموضوع موضوع مبدأ وعقيدة و شئ أنا مقتنع ومؤمن بيه تماماً
هل تستطيع التخلي عن مبادئك ؟
حضرته : انت حر أنا بنصحك ومش بضغط عليك
هو: وأنا بحترم في حضرتك الحوار



ما بين أحترامنا لأتفسنا
وسكة عقيدتنا التي لا حياد عنها
ومن الذي سيدافع
ومن الذي سيتمسك لو كلنا هربنا الي الخنادق
لماذا نحترم من يفسد
بل ننظر اليه ونضحك

من سيغير
أليس أنفسنا هي الأولي أن تتغير
فالواقع لن يتغير أبداً أبداً أبداً
أنا مؤمن بذلك
{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11

أليس هذا كلام المولي عز وجل
التغيير لن يأتي للكل حتي يتغير الجزء
أصغر جزء

وليس الصواب أن نتبع العصاة الغافلين الضالين عن الحق
نتبعهم في كل شئ
حتي الوساخة
أذا دخلوا الجحور
وأذا مشوا في الشوارع عراة
أذا اختلطوا
وهاجوا وماجوا
لماذا نتأثر بهم في كل صغيرة كانت
ولم يتأثروا بنا
لماذا هم متمسكين بما يؤمنون به وهم علي باطل
ونحن سهل أن نسيب و نتخلي ونحن علي الحق







هناك ١٨ تعليقًا:

مسلم يقول...

حضرته وجع داغ حضرتك و حضرتي

حضرته: تعبان جداً جدا من منظر حضرتك و حضرتي بلحيتك و لحيتك

حضرتك ريح دماغك و قول

اللهم دبرلي فإني لا أحسن التدبير

فالله خيراً حافظاً و هو أرحم الراحمين

محمد عبد الغفار يقول...

هو لم يجانبه الصواب وكذلك حضرته
لا نسيب ولا نتخلى فقط نخار الوقت المناسب
هذا راى شخصى

Memo يقول...

اه ه ه يا باختك يا واصل يا قادر يا حظك الناررررررررررر
عندك صاحب زي مسلم و مدونه عماله تديك في ثواب و مسافر بره و تلاقيك هيدوك شيئ و شويات و شغال في شركه
بترول
و متمسك بموقفك وعندك يقين وايمان يا بختك يا محمد يا بختك
دا اكيد من نيتك الكويسه يا مبخت يا مسعد

غير معرف يقول...

ميمو-مع اني معرفهاش- ظبطتك...ربنا يستر.....بهزر
(:


ولماذا ولماذا ولماذا

ان شاء الله هو على الحق...وسيقر حضرته بذلك فيما بعد

نسأل الله فقط لـ"هو"الثبات

يا قلبي يا غريب يقول...

السلام عليكم ورحمه الله و بركاته
اخي بينو
و الله اني احبكم في الله
يقول الله سبحانه و تعالي
الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ [الزخرف : 67]
نسال الله العظيم رب العرش الكريم ان نكون جميعا منهم من المتقين

فصبر جميل و الله المستعان علي ما تصفون

BinO يقول...

مسلم طبعاً القصة متكررة والبنج هو اللي مالوش كبير
بس عادي يعني الحمد لله الذي لا يحمد علي مكروه سواه


أستاذ محمد عبد الغفار
أي وقت مناسب
والتمسك مالوش غير كل وقت
و التسيب مالوش غير صفيحة القمامة
وربنا يرزقنا الثبات

ميمو عمري ماشفت حقد بضمير زي كده
ليه كده يا بنتي
أنا غلبان جداً
وبصراحة مش ناقص
أدعيلي بالله عليكي
وعلي فكرة أنا فيه حاجة مزعلاني منك

الصارم الحاسم
جزاكم الله خيراً
وادعلي لهو لأن مشواره طويل

يا قلبي يا غريب
بتغيب ودايماً فاكرك
وبأفرح لما تتكلم
وأحبك في الله
وأحبك الله
أمين

العــــراق يقول...

الحمد لله رب العالمين القوي العزيز
وأفضل الصلاة وأتم التسليم على نبي الهدى نبي الملحمة ، وعلى آله وصحبه أجمعين
أما بعد
السلام عليكم اخي الكريم
مدونة تشرح القلب بارك الله فيك أخي الحبيب رأيت تعليقك في مدونة عمر وقد اتصل عمر الان لطمئنا عليه فهو بخير والحمد لله ويسلم عليك ويشكرك على السؤال بارك الله فيك
المعتصم

مسلم يقول...

يا بختك يا محمد يا بختك

يا بختك عليا بصراحه

آااااه لو عرفوا اللي فيها

عموما يا أخي يا بينو

قال رسول الله صلي الله عليه و سلم

لا يؤمن أحدكم حتي يحب لأخيه ما يحب لنفسه

بالنسبه لموضوع البوست اللي أنا كتبته

مش عارف هو عجبك و لا لأ...بس المهم أنا حبيت أقول حاجه يمكن يمكن

أقدر أخفف عنك حده غضبك

أصل إنت حد كويس يا بينو

و بجد...يمكن أول مره أقولها

إنت أحسن مني

و تستاهل كل خير

رفقة عمر يقول...

احسبك على خير وان شاء الله ربنا يثبتك طالما انك صادق النيه مع الله ولا تبتغى الا مرضاته
يثبت الله الذين امنوا فى الحياة الدنيا وفى الاخرة
رزقنا الله الاخلاص والعمل لمرضاته وثبتنا على طاعته مهما واجهنا من مصاعب ومغريات

khaled يقول...

عجبنى جدا تمسكك بموقفك
و عجبنى موقفكم مع بعض انت و اهل الجنة
وفقكما الله

BinO يقول...

مسلم
طبعاً البوست عجبني جداً
جداً
هو يه حد يلاقي حد بيعرله عن مشاعره بصدق ويزعل
ومش أي حد
ده صديق العمر

وأنت يا أبني أحسن مني
كفاية وقوفك جنبي كل لما أقع
جزاك الله خيراً
وأشوفك في الترانزيت أن شاء الله

فقة عمر
أللهم امين
جزاك الله خيراً أختي في الله

خالد
نسأل الله أن يرزقنا الثبات

BinO يقول...

أخي المعتصم
الحمد الله علي انكما بخير
أسأل الله لكما الثبات
وأرسل التحيات للأخ عمر

Memo يقول...

من تدخل فيما لا يعنيه نال ما لا يرضيه

BinO يقول...

ميمو
{وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ }آل عمران104

Dr.khaled يقول...

بينو انا معرفشي ده اول تعليق ليا ولا لا
لكن المهم
معنديش تعليق النهردة اصلي جعان شوية :(
الله المستعان :)

عصفور المدينة يقول...

وضعت (أنا) تعليقا على نفس الموضوع في مدونة د خالد بتاع مصر المقروصة
رجاء الرد
ثم إني أقترح أن ننشيء فضاء تخيليا للمدونات التي تتبع نفس النهج الذي تتبعه أنت وأنا وكثيرون نريد تجميعة لهذه المدونات

HebA يقول...

نحن قوم أعزنا الله بالاسلام , فإن ابتغينا العزة في غيره ازلنا الله

يعقــــوب .... يقول...

الموقف ده دايما بيحصل لحضارتنا و حضارات السادة العندهم لحية...تحس انك شايل مخدرات يا أخي و لا حاجه...عموما ربنا معاك....

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة