إِنَّ الدِّينَ عِندَ اللّهِ الإِسْلاَمُ

السبت، مارس ٢٤، ٢٠٠٧

بالألوان الطبيعية

المقال ده متأخر كام يوم
كان في الدرافت وكنت متردد انشره
الرجاء لو حد حيعلق يقرأ المقال لأخره
واحده واحده
الأسكندرية -17 مارس 2007 -بينو -دمي محروق
الألوان
أتعلمون كيف تميز اعييننا الألوان
يعني أزاي لما أبص لوردة حمراء أشوفها حمراء أو أبص لأشارة مرور خضراء أجري بالعربية عشان عنيا ميزت الخضار بينط من الأشارة,الفكرة مش في اللون الفكرة في سطح المادة نفسه
هتقولي يعني أيه
أقولك أن فيه مواد لما يسقط عليها الضوء تمتص كل الألوان وتعكس لون واحد هو اللون الذي نراه ونميز به كل لون عن الأخر
بجد
أيوة بجد ده معناه أن أن مفيش حاجة لونها أحمر :(
ولا حاجة لونها أخضر
و لا ولا
وده كمان بيفسر انخفاض تمييز الألوان خلال الليل لأن كمية الضوء التي تنعكس من الأجسام تكون قليلة وذلك لضعف المصدر اللي هو الشمس اللي غربت بأذن ربها ساعة المغرب
طب اللون الأبيض و الأسود
:)
سبحان الخالق
اللون الأبيض هو أقوي الألوان
يعني الاجسام البيضاء هي أقوي الأجسام
لأنها تعكس جميع الألوان
كل الالوان
مش بس المرئية
وغير المرئية كمان
يعني كل درجات الأشعة اللي بتيجي
علي تلك الأجسام بتنعكس كليتاً فتظهر باللون الأبيض
طب والأسود
دي أضعف الأجسام
عندها أستعداد تأخد كل حاجة
كل لون و كل درجة أشعة
أجسام أنانية
تحتفظ بكل شئ لنفسها وبداخلها
ولذلك تظهر سوداء قاتمة
فهي لا تعكس شئ
فخمتوا
طيب أنا ليه بتكلم عن الألوان
همممم

تخيلتيني
أو تخيلتنا أحنا كلنا زي الألوان
كلنا لينا ألوان
وكلنا مصادر أضاءة
كلنا نضئ لبعضنا وكل حسب لونه
منا أحمر وأزرق وأخضر ودول أحنا عارفينهم
ومنا أبيض
ومنا أسود
بياخد كل شئ
وبيسرق أي شئ
ومابيسبش غير
القتامة
والكأبة
والحقد
والأرف

زوج أختي ربنا يتوب عليا وعليه( أمين) هو السبب
قعد يقولي حوريك حاجة لعمرو أديب وألح وفرجني
وبعدين دخلني علي مدونة الفضائح
تلك المدونة التي أكرهها من كل ذرة في قلبي
التي تعرض كل ما هو قبيح وعار ومؤذي للمشاعر
والمشكلة أنه واقع يحيا بيننا
والناس اللي بيتعرضوا ممكن يكونو جيرانك أو أهلك
وكمان اللي بيكتب في المدونة شاب عادي
زي وزيك
يعني حتي مش واحد من من يلبسون الأقنعة
ويعتلون منابر الأعلام الموجه لبث السموم
والمشكلة الأخري أنه من الناس اللي بيقولوا "مصر هي أمي " طب لو هي أمك
ترضي لها أنها تتعري
ترضي لها الأذي
ترضي لأهلها الفضيحة
علي كل حال مش ديه القصة خالص
القصة قصتين
وكل قصة بتكمل التاني
زي المسلسل كده يعني لو حنتكلم بالهجايص

لما دخلت مدونته ويعلم الله أني لم أدخلها منذ شهور
وجدته كاتب موضوع عادي عن زيارة لتركيا
وصور وبلاه بلاه ولوك لوك لوك
وتقفت مع كلماته في بداية الموضوع
"هو إني شفت إن الإسلام في تركيا أصح منه في مصر حاليامش علشان تركيا بقت بلد علمانيلكن علشان بقت بلد فيه حرية وكل واحد في "حالهاللي بيبوس صاحبته ويحضنها في الشارع جنب اللي لابسه خمار ونقاببلد نظيفة أنيقة كما يجب ان يكون المسلم
طبعاً كلام ماينفعش يتقال غير أنه سفه
يعني كلام طالع من واحد عايز يتكلم وخلاص
حتي موازين حكمه علي الأسلام معوجة ولكنه معذور لجهله الشديد
والجهل يا أخويا يا وائل مش شتيمة
يعني كلنا جهلاء أكيد
يعني كلنا مش عارفين كل حاجة

وأنا حارد علي كلماتك بأية
{كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ }آل عمران110
طبعاً الكلام اللي أنت قلته ولا فيه امر بالمعروف ولا نهي عن المنكر
ولكنه هو الفسق
ودور علي معني الفسق

ويتهادي الأخ بكلماته ليقارن بين وهجو وينقد الوهابية
والواضح أنه لم يقرأ أبداً عن الشيخ محمد بن عبد الوهاب
ولم يذكر دعوته للعودة لسنة رسول الله صلي الله عليه وسلم والبد عن البدع والضلال
وكأنه بيقول أن البوس في الشوارع هو ده الصح
طبعاً كلام فارغ
كلام علمانية عمياء

{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ }النور19

وبعد ذلك يذكر تحت صورة من الصور لأمرأة تقف أما جدار وتضع أصبعها في ثقب فيه
وكتب التالي
كل الشعوب يظهر عندها تخاريفهاودي واحدة من تخاريف الأتراك اللي على رغم إن دولتهم علمانية إلا إن ثقافة الشعب حافظت على نفسها والحمد لله لسه ما وصلهمش الغزو السعودي الوهابي التيميي الحنبلي اللي وصلنا في مصرده بيسموه ثقب جبريل وهو في أحد أعمدة أيا صوفياوالثقب ده لو حطيت صباع الابهام فيه وعرفت تدور ايدك دورة كاملة يبقى أمنيتك ها تتحققلاحظوا ان النحاس اللي محطوط حوالين الخرم ده بيتبيض اوتوماتيك بايدين الناس بينما باقى النحاس ............................
طبعا كلامه مردود عليه مما قاله
بيحمد ربنا أن الناس لسه بتخرف
بيحمد ربنا أن محدش رحلهم وقال يا جماعة اللي أنتم بتعملوه ده غلط
عبادة الله ليست بهذه الطريقة
عبادة الله ليست بالتبارك
يعني من الأخر عايز كل واحد يعبد ربنا علي مزاجه
يعني الحمد لله أن أحنا وصلنا كلام الشيخ محمد بن عبد الوهاب
كان زمان وائل قاعد أما قبر الحسين ولا السيدة زينب
وبيتمسح عشان نتيجة الثانوية
ولا عشان يتوظف
الحمد لله
بيتكلم علي الشيخ بن تيمية وبن حنبل كأنهم بيلعبوا معاه في الشارع
ينكرهم وينكر فضلهم عليه وعلي أهله وأهلي
طبعاً
من غيرهم حيبقي الحال سايب
كل واحد يعمل اللي هو عايزه
ديسكو وبارات وسجاير ومخدرات
وجنس وزنا
وغناء ووووو

كملت لأني سخنت
وأكتشفت ان كان مسافر ومعاه وفد يضم فتيات من مصر
وأنهرت
قلت أطلع لفوق أشوف هما كانوا مسافرين ليه
الحوار بين الشباب من أوروبا ومن الشرق الأوسطكان فيه شباب من مصر ولبنان وتركيا وسوريا والأردن وفلسطين والدنمارك والنرويج وفنلندا وألمانيا ودول أخرى
:)
الحوار
ودعوة للتعايش
نفس الألوان
طب البنات رايحة تهبب أيه
تتعايش
تتحاور
كان فيه بنات محجبات طبعاً
حرية
وطبعاً
كان فيه محرم لكل واحدة
هما دول اللي بيمثلوا المسلمين في التحاور
كملت طبعاً مع سلسلة من الكلام القبيح في وصف كل شئ
من النساء حتي مكونات الغرف في الفندق
كأنه مازرش أحد فنادق القاهرة زي كونراد ولا فورسيزونز
والحمد لله انه مارحش
طبعاً التركيز كان علي اي شئ له علاقة بالجنس
مش عارف أيه الحكاية كأن مفيش في الحياة غيره


انا ترددت كثيراً في نقل الفقرة ديه علي لسانه ولكنها مهمة للنشر
لنشر حقيقة سطحية ما وصل أليه الشباب
سطحية غبية بتهدم وماتبنيش
نبشش وهبش وخلاص زي اللي بيعفر في الطريق عشان الناس تعرف أنه موجود
لهم شافوه ومانابهم غير العفرة
أستاذ وائل كتب الجملة التالية

والإسلام تجده في المعاملة ولا يغشك ولا ينصب عليك أحد حتى لو كنت سائحا وحتى لو كنت تدفع بالدولارمش تلاقي واحد دقنه قد كده وحرامي بيغش في الميزان ويسرقك عيني عينك في عز الضهر الأحمر ولا واحد برضه بدقن عيره فاتح مطعم تاكل من عنده وتاني يوم يجيلك تسمم ولا نزلة معوية علشان البيه المتدين ما بيغسلش الخضار ولا واحدة محجبة أو حتى منقبة في حتتها وبين عيلتها وبالليل بتشتغل في ملهى ليلي وتقلع كل الزيف اللي لابساههناك اللي بتشوفه هو الحقيقة (...) يبقى بتلبس (....) ملتزمة يبقى بتلبس ملتزمةمحدش هناك بينافق المجتمع ولا بيستتر بالدين علشان يداري إجرامه والمجتمع يتقبلهإسلام تركيا العلمانية أحسن من إسلام مصر الحزب الوطني اللي حبس كريم عامر والإخوان في نفس الوقت

طبعاً الجملة ديه ممكن يتكتب فيها عشر مواضيع
بس انا حختصر الموضوع في السطحية
يعني لو فيه عربية مرسيدس
ٍS 300
يعني أخر حاجة
وواحد دخل بيها في عمود
جبها نصين
حنلوم مين
العربية
ولا الحمار اللس سايق العربية
حنلوم شركة مرسيدس ولا البيه اللي مش حاسس بنفسه
حنلوم الأسلام ولا الجهلة اللي مش عارفين يطبقوه
أرحمونا يا قوم
أنت عايزين كل واحد يعلق علي صدره يافطة
كل واحد يقول لونه
انا ملتزم
أنا بذئ
أنا حشاش
انا عاهرة
أنا حرامي
أنا
أنا
ولا عايزين أيه
هذه هي حياة
التي خلقها الله
يغفر لمن يشاء ويعذب من يشاء
يرحم
ربنا بيرحم

بيفكرني بصديق
حكي لي حكاية وسط حوار طويييييييل ومناقشة مجهدة علي ضفاف فناة السويس
عن حالة الخلط
قالي أنه كان راكب البولمان ورايح علي بورسعيد
والأتوبيس مستني في المحطة لقي واحدة لابسة أسدال وداخلة ومعاها والدها اللي كان جاي بيوصلها
يظهر عليها علامات الأدب والخجل ودعت والدها وركبت الأتوبيس
وأتحرك الأتوبيس
وهي أتحركت
قامت وقلعت الأسدال
وكانت لابسة تحتيه هدوم تانية
ضيقة
بيقول الدم غلي في نافوخه وكان نفسه يقوم يضربها
سألته سؤال واحد
انت بتحشش ؟
رد بتردد وقال أههه ساعات
قلتله
والدك عارف
وشه أحمر وقال لأ
قلتله انا أعمل فيك ايه
أقوم أضربك
خليك في نفسك
صلح حالك
وارينا الأسلام الصح

حكاية اخري لأخ ملتحي دخل المترو
وجلس يقرأ في المصحف
ثم في احد المحطات
دخلت فتاة الي عربة المترو
شبه عارية
و طبعاً نظرات الناس أتجهت اليها وهمس وغمز وأنبساط
والأخ لم يرفع عينيه عن المصحف أنتظاراً لمحطته
ولم تنزل البنت رغم تحركها الي الباب أكثر من مرة بطريق غريبة و الناس مبسوطة طبعاً
فقام الاخ وخلع جلبابه
وكان يلبس تحته بنطال وتيشيرت تستر عورته تماماً
قام الناس وصرخوا فيه
أنت أيه اللي بتعمله ده
رد
يعني أنا أستر عورتي وتنتقدوني
وهي عارية وتنظرون اليها وتضحكون
فيه قصة تانية مهمة بس حقولها بعدين
وكفاية كده
عشان أنا الدم فاير خلاص
أدعولي
كلكم
والله أعلم اذا كنت حقدر أدخل علي المدونة الأيام الجاية ولا لأ
فأعذوروني

هناك ٣٠ تعليقًا:

khaled يقول...

السلام عليكم
اخى بينو
احييك على موضوعك
بالرغم من انه طويل الا انى قريته للاخر مرة واحدة
و كنت لسة قارى موضوع الدكتور خالد برضه عن الموضوع ده
و قبليه كنت لسة قارى الموضوع الاساسى فى المدونة المنيلة دى
ربنا يحرقها
انا دمى اتحرق من اللى كاتبه
كنت فاكره بيفهم لقيته جاهل زى امثاله
ربنا يهديه و يهديهم جميعا
ربنا يكرمك و يحفظك
و منتظرينك

BinO يقول...

جزاكم الله خيراَ أخي في الله خالد
أمين ربنا يهدينا أجمعين الي ما يحب ويرضي

يا قلبي يا غريب يقول...

السلام عليكم
مش عارف ارد علي كلام كنت عايز اقوله
اكتب بالله عليك اكتب
و هرد بكره علي كلامك
علشان تعبان يا اخي
ادعيلي

BinO يقول...

يا قلبي الغريب
انا نفسي انت اللي تكتب
ربنا يكرمك ويصفي بالك

BinO يقول...
أزال المؤلف هذا التعليق.
AbdElRaHmaN Ayyash يقول...

أخ بينو
ياريت تروح تحذف ردك عند الاخت العائشة في الاحلام
يا سيدي مش وقته اللي انت بتقوله ده عن الصور
ولا رأيك متفق عليه عشان تفرضه عليها
ربنا يهديكم

mohand يقول...

السلام عليكم
أكثر الله من امثالك
ويارب الكل يفهم الاسلام صح
اخوك مهند المصري
الباحث عن الحقيقة

BinO يقول...

أخي في الله عبد الرحمن
{وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ }آل عمران104


أخي في الله مهند
جزاك الله خيراً
ووفقك في رحلتك

ma 3lina يقول...

بينو .. فيه ناس بتحب تقرا المواضيع دي .. .. عفواً في اللفظ .. بتحشش بالمواضيع ديه

وأصحاب المدونات دي تجار مخدرات بيبيعوها للناس اللي عايزة تخدر دماغها .. خد بالك اللي عايزة .. يعني مش مضحوك عليهم ولا مخدوعين

وأمثال دول موجودين على طول وربنا سبحانه وتعالى من على المسلمين بإنه فصل بينهم وبين المخابيل ..

لو خرجوا فيكم ما زادوكم إلا خبالاً ولأوضعوا خلالكم يبغونكم الفتنة وفيكم سماعون لهم ..

كبر دماغك منهم .. ولو حتزورهم .. يبقى تعليق في السريع ولا تعكنن نفسك ولا تحرق دمك

ولقد نعلم أنه يضيق صدرك بما يقولون
فسبح بحمد ربك وكن من الساجدين .. واعبد ربك حتى يأتيك اليقين

أخيراً اسمح لي أقول لنفسي ولك ولجميع زوارك الكرام إن احتكار الصح وادعاء الحكمة والزعم بإدراك الأولويات .. دعوة نرجسية تحتاج لإعادة النظر ...

تحياتي للجميع

غير معرف يقول...

7asby allah w n3m el wkeel wlahy 7ga mostfeza fe3lan...bsheya el moshkela en el wa7ed lama yela2y wa7ed be da2n metreen 2odamo bysr2o wla by3esho bt7ez fe nafso en dh elly hoa kan mert7lo we fatg7lo 2albo 3shan 7ass eno motdyen..el 3eeb fe el nas msh fe el deeen

رفقة عمر يقول...
أزال المؤلف هذا التعليق.
Memo يقول...

I told you sooooooooooooooooooooooooooooo

AbdElRaHmaN Ayyash يقول...

ما علينا :)
اسلوبك الراقي في الحوار لا يحتاج لرد
أخ بينو
جزاكم الله خيرا على حذف التعليق
وبالنسبة للصور .. فالكلام فيها كثير
بل أقل من غيره
يعني رأي كثير من الفقهاء انها حبس ظل وليست هي التصوير اللي الرسول عليه الصلاة والسلام قصده في التماثيل والمثالين
جزاكم الله خيرا أختنا رفقة عمر
رحم الله الوالد

-_- يقول...

اكيد قصدك على الوعي المصري

هو عيب وائل عباس انه علماني اوي

و انا ايضا استاء من وصفه لاسلام تركيا بالاصلام الصحيح

!!

BinO يقول...

Abdel elrahman
i removed the comment cause i know
tht she read it already
and i know tht`s true
any way thnx for the advise
sorry for typing in english letter casue i`m tripped for transit in Dubai air port and the keyboard dosent support araboc

sorry for not replying all comments
i`ll do when i reach my distenation

مسلم يقول...

السلام عليكم و رحمه الله و بركاته

غلطان

انت غلطان

و ياريت مره واحد ه تقول انك غلطان

عشان ضيعت بوست طويل عريض في كلام فاضي

و رميت علي أرض مدونتك كلام عن شخص فاضي

قلتلك ان الناس ديه عمرهم قصير مع ان يبان ان نفسهم طويل

متشغلش بالك بيهم و كمل انت في طريقك

بلاش تبصله..بص للتاني

بص للي أطلق لحيته

كام واحد

حب دينه

حب نبيه بجد..و الدليل إتباع سنته

حب دينه

بجد مش كلامتين قالهم و هو بيكلم صاحبته

حب ربه

ركع و سجد و بكي من قلبه

علي عمر عدي و سنين فاتت

علي أحاسيس عاشها و بعدين ماتت

سجد لربه و قال بقلبه بحبك يارب

بص للي بان نور الصلاه في وشه

و بطل غشه

بص للي لبست نقابها

مش عايزه من دنيتها إلا رضا اللي خلقها و وهبها جمالها

بصيلهم و أرسم بسمه علي جبينك

و نور قناديك

و إمسمك منديلك

و شاور للفرح

بصيلي و أنا واقف أناديلك

تعالي نصلي الفجر

بصيلنا و إحنا من سنه

كنا لا أنا و لا إنت هنا

و دلوقتي بقه هم الدين بيجري في قلبنا

هي ديه الناس اللي تبصيلها

ناس بتحب دينها

مش ناس بتحب حاجه أقل ما فيها إنها في طريق الجنه مفيش زيها

يبقي إنت اللي غلطان يا بينو

و تستاهل

غير معرف يقول...

هاقولك الأيتين الكريمتين

"وأدع إلى سبيل ربك بالحكمة و الموعظة الحسنة"


"فقولا له قولاً ليناُ لعله يتذكر أو يخشى"

رب العزة أمر سيدنا موسى و سيدنا هارون عليهما السلام بالتحدث برفق و لين لمن قال "أنا ربكم الأعلى" , يعنى غلط اكير غلطة فى تاريخ البشرية , ما ينفعش يا أخى الكريم تكلم وائل بالطريقة التى لا تخلو من الهجوم وتتوقع منه أنه ربنا يهديه , كده أنت بتستفزه للهجوم أو التجاهل
وفى كلا الحالتين مافيش فايدة لطرفى النقاش .

david santos يقول...

Hello, bino!
Thank,s for you work and have a good weekend

BinO يقول...

ماعلينا
الفكرة مش في موضوع ولا اتنين
ولا كلمة أو 10
الفكرة في طريق وهدف هما عايزينيه
ولو علي زيارتهم أنا لا بازورهم ولا بعلق عندهم

رفقة عمر أشكرك علي تفهمك الدائم لموقفي بس أختي في الله ديه مش نصيحة دي حقيقة

BinO يقول...

memo
thnx for ur support great sister


ارتعاشات
الله ينور عليك
العيب في النا
عشان كده الناس لازم تبتدي بنفسها الأول

شارم
علماني علي نفسه
مش مدافع عن حقوق النسناس

BinO يقول...

خي في الله مسلم
أعتقدنك حدت قليلاً عما قصدته منالمقالة
وسأرد عليك في المقالة التالية أن شاء الله
ولو أنا غلطان أعذرني لجهلي وقلة علمي وهواني

BinO يقول...

익명 의 덧글 내용...
أنت شايف أني كده بهاجم
والله لقد أصبحنا كلنا في خندق المدافعين ولكن الله متم نوره ولو كره الكافرون

david santos
thnX alot
and u too happy weekend

غير معرف يقول...

لا يا أخى الفاضل
كله اللى قلته أنك تدعو إلى سبيل ربك بالحكمة والموعظة الحسنة
يا أخى الحبيب أنت بتقول لوائل مثلا
"والجهل يا أخويا يا وائل مش شتيمة"

أيه اللى ممكن تتوقعه يا أخى الحبيب الفاضل لما تقول لواحد أنت جاهل هل تتوقع أنه ممكن يكون فيه ثمة حوار مثمر بعد ما تقوله كده

يأ أخى الحبيب والله أنا بحترمك لكن جملة
"قلت أطلع لفوق أشوف هما كانوا مسافرين ليه"

تعنى يا أخى الحبيب أنك لم تقرأ الحوار فى بادىء الأمر كاملاً لكى تنقده

يا أخى الحبيب اللى أقدره و أحترمه جدا , أنت بتقول
"
انا ترددت كثيراً في نقل الفقرة ديه علي لسانه ولكنها مهمة للنشر لنشر حقيقة سطحية ما وصل أليه الشباب سطحية غبية بتهدم وماتبنيش
"
هل تعتقد يا أخى الحبيب أنك لما تقول لأنسان أنت سطحى و تاف و غبى , هل تعتقد أنه ممكن يكون فيه ثمة حوار بنّاء بينك و بينه , على العكس كده بتزيده نفور

يا أخى الحبيب أنا بحترمك جدا و لا أقصد من كلامى ده إلا خلق حوار بناء مع من نختلف معهم

ربنا يكرمك و يحفظك يا أخى الحبيب

قلب أبيــض يقول...

السلام عليكم
أولا انا أسف انى هخرج عن الموضوع لان
ووأحب أدعوك الى ان تنضم معنا الى رابطة عملناها للعزاب
أنا عارف ان الوقت مش مناسب
والرابطة دى عملنا لها مدونة تسمى
( عاوز اتجوز )
ونأمل ان تشارك معنا بمواضيعك
وحاول مشكورا ان تنشرها بين اصدقاءك والفكرة هتعجبك ان شاء الله
وجزاكم الله خيرا

BinO يقول...

كاستر
طب أنا علي وش جواز
ومش ناوي عيش عازب
وبعدين البلوج كله أغاني يعني مش حقدر أشارك
لأنه مش لوني

مسلم يقول...

anonymous

أعتقد إنك بتتكلم عن موضوع تاني خالص

لكل مقام مقال يا أخي

و هذا ليس مقام تقول فيه لصاحب المدونه إزاي تقول عن هذا الأستاذ الآخر إنه سطحي

في حين أنه سخر من الإسلام فقط

هل يعقل هذا يا أخي

يعني ينفع واحد نازل في واحد تاني ضرب يقوم يقوله يا حمار

تيجي انت و تقوله ازاي تشتمه و تقوله يا حمار

أولي بك أن توجه النصح لمن يسب الدين

و إن كان حدث من وجهه نظرك تعدي من كاتب المقال علي الشخص الآخر

فليس هذا هو مجال مناقشته و ليس هذا هو لب الموضوع

غير معرف يقول...

أخى الحبيب و العزيز مسلم

وائل مش هييجى زى فرعون اللى قال "أنا ربكم الأعلى"

وعلى الرغم من كده رب العزة أمر سيدنا موسى عليه السلام بالتحدث إليه برفق ولين لعله يتذكر أو يخشى ودى كانت البداية

BinO يقول...

annynmous
حقولك تاني جاهل مش شتيمة
وانا اعني ما اقوله
انا جاهل بالطب مثلاًوانت جاهل بجيولوجيا الأرض
أنا جاهل في التفسير وغيري جاهل في العقيدة
هذا هو الجهل
جهل بأمر ما

أيوة ا بقراش الكلام بتاع وائل كله لأني ما بدخلش عنده
اللي خالاني أقرا الموضوع
تعليقاته فقط

سطحية غبية
أنا سطحي في امور كثيرة
:)
مبسوط
عادي جداً
ممكن حضرتك تقرأ مقالات وائل السابقة و الاحقة

ممكن أكون بحتد شوية
بس هي غيرة
اعمل ايه
حاجة مش بأدينا كده
مولدين بيه
وربنا يكون في الناس اللي مستحملاني
انا بشر اخي في الله
أصيب و اخطئ

يعقــــوب .... يقول...

بجد موضوع جميل بغض النظر انه مش هيعجب ناس كتير و معجبش و لا عجب انت حر تكتب بأه اللي انت عاوزه,,واللي مش عاجبه يروح هناك..أصل الموضوع مفهوش رمادي ,يا أبيض يا أسودزوانت كلامك كله ابيض *ابيض.أسلوبك جميل و كلامك أجمل

يا مراكبي يقول...

عزيزي

أخبر رسول الله صلى الله عليه وسلم عن الزمان الذي يكون فيه القابض على دينه كالقابض على جمرة من نار

وها نحن في هذا الزمان .. تحياتي لك وإستمر

هذه المدونة لا تتبع أي جماعة ولا حزب ولا تنظيم ولا جمعية ولا تمثل أحدا الا صاحبها هي لكل مسلم محب لدينه وأمته وكل تعليق فيها يعبر عن وجهة نظر صاحبه فقط وهي على مذهب أهل السنة والجماعة ولن أقبل اي تعليق يثير الفتنة أو يخالف الشريعة
أسألكم الدعاء لي ولكل المسلمين
وأعتذر لكم عن التقطع في الكتابة في المدونة
معذرة