أحم ...........عني شوية

تاج

التاج هو أختراع الاخوة والاخوات المدونون

ومش عارف اذا كان اختراع مصري ولا المدونون الاوائل من قبل التاريخ واحنا بنطبقه يا عني

بس هو عموماً حاجة ظريفة عشان الناس تعرف بعض دون الدخول في تفاصيل شخصية .

يعني المدون عادة مش بيتكلم عن نفسه كتير من باب ان علاقته بالأخرين هي الكلام . فممكن تظهر النرجسية و العجب و النكسار و الخجل ووو وكله من خلال الكلام فقط لذا لزم الأدب و الهدوء

وأخوكم جاهل , انا جالي تاج من فترة من اختي في الله رفقة عمر ولكني طبعاً كنت جاهل ومعرفش يعني ايه تاج ولا حاجة فرديت رد غبي شوية ومجوبتش طبعاً علي التاج ,فبعتذر لها طبعاً علي جهلي الشديد .. ورفقة عمر جزاها الله خيراً هي اول حد علق عندي وبعديها أخي في الله ماعلينا وهما أكثر ناس شجعوني ومدونتهما اول المدونات اللي أنا بدخلها ,رغم أني مفتقد ماعلينا فعلاً ومش عارف هو فيه ايه بس رنا يفرج عنه وعنا اجمعين . زكان نفسي اعرف ماعلينا ورفقة عمر عرفوا مدونتي منين خاصة اني قعدت اكتب لنفسي 5 او 6 مواضيع قبل مايطلوا عليا , وماعلينا قالي وكنت مبسوط جداً بس رفقة عمر لسه ماقلتليش وارجو انها تقولي .

تاج أيه؟؟

التاج بعتته ليا الاخت ماعلينا ,وهي من أكثر الناس اللي عندها قوة ارادة وأنا اتمني أني امتلك نصف قوة ارادتها

التاج انا كنت ناوي أجاوب علي اسألته بعد ماأرجع من السفر بس لما دخلت علي مدونة رفقة عمر لقتها مجاوبة علي نفس التاج اللي جالها من ماعلينا الولد , قتشجعت وقلت أجاوب

وكانت الاجابات كالتالي

هل كنت طالب شاطر في المدرسة

هيهيهيهيه

موضوع الشطارة كان غريب جداً

انا كنت ساكن في حتة وبعدين اتنقلت لحت تانية فغيرت مدرستي والكلام ده كان في اولي اعدادي المهم اول يوم في الدراسة دخلنا الفصل وأخدنا درس وفهمت , واليوم التاني اكتشفت ان ده مش فصلي :)

اتنقلت فصل تاني والحمد لله مكنتش اعرف حد ولا حد يعرفني يعني كان الموضوع محصل بعضه مش حفتقد حد يعني

في الفصل الجديد لقيت مدرسة تانية بتشرح نفس الدرس اللي لسه كنت سامعه من 24 ساعة

هيهيهيهيهييه

طبعاً انا الوحيد اللي كنت بفهم واجاوب وارد والمدرسة كانت مبسوطة مني جداً جداً

وأنا طبعاً الريش نفش من كل حتة

و الموضوع عاجبني

ومن يومها بقيت كده بحب أبقي مفيش حاجة معرفهاش

فبقيت بحاول ابقي سابق الناس بخطوة ولا اتنين

بحفر يعني شويتين

رغم اني في الثانوي مكنتش بذاكر كتير بس ممكن تقولوا كنت عارف من اين تؤكل الكتف

أحب مادة وأكره مادة في المدرسة و الكلية ؟

في المدرسة

كنت بحب التاريخ جداً والجغرافيا رغم اني بكره مواد الحفظ عمي الا اني كنت بعتبرهم مواد فهم

يعني كنت بحب التاريخ لني كنت مقسم التاريخ في عقلي لمراحل زمنية والجفرافيا لأني كنت بحب اري الشياء بصورة مجملة من أعلي وده اللي بتعمله الجغرافيا

بحب الرياضيات جداً رغم اني كنت مش مستوعب النهاية التي تؤول الي الصفر الي الان :)

أكره المواد اي مادة فيها حفظ ومالهاش مفتاح عشان اعرف احبها

في الكلية

معرفتش احب حاجة خالص في الكلية غير الرسم الهندسي ممكن عشان انا خيالي واسع حبتين مقاس 43.5 بس الرسم الهندسي كان متعتي وامتيازي :) , باقي المواد كنت عابر سبيل بعدي امتحانات عشان انجح الا من بعض مواد الكمياء العضوية وغير العضوية و التحليلية

مكنتش بحب الكلية من الاخر

:)

كنت عايز تتطلع ايه و انت صغير ؟

وانا صغير مكنتش بفكر في موضوع حطلع ايه

رغم ان السؤال ده كان بيتسال كتيير

بس ممكن اكون في فترة عايز اطلع لاعيب كورة

أو صحفي عشان موضوع قراءة الجرائد اللي والدتي علمتهولي ده

كان نفسي اكون بين الاحداث مش بتفرج عليها بس

بس لما جت الثانوية العامية

ايوة العامية كان الأختيار صعب

لأني كنت جايب مجموع يدخلني الكلية اللي حكتبها أول حاجة في ورقة التنسيق 98.5

كنت محتار جداً

ومكنتش عايز أخنق نفسي

كنت عايز انطلق

كان جايلي هفوة أخش تجارة

ايتدي حياتي بدري بدري

وشوية ميول في الكومبيوتر وكام كورس وابقي حر

وصحيت من احلامي وشاء الله

امام طلب والديا

ودخلت كلية الهندسة

منكرش ان الهندسة ليها فضل كبير عليا جداً

والحمد لله علي كل شئ

التاج بهديه لأخي في الله ورفيق رحلة الكفاح في الكلية والعمل أهل الجنة

والي كل من

خالد من مصر المأروصة

و المدونة العظيمة ميمو رغم اني عارف انها مش فاضيالي

واخي و حبيبي صاحب مدونة يا قلبي يا غريب

من سول

بسم الله و الصلاة و السلام علي رسول الله صلي الله عليه وسلم
تعب غريب
وظلام داخلي
واحساس بالوحدة
وحدة عمياء لا تري
قلب يهفو لما لا يعلم
وفراغ متسع لاحدود له
وسقفه منخفض يكاد يطبق علي صدري
عذاب وتعذب بما لايرضي ويرضي
:)
في واقع الأمر لقد كنت متردد في كتابة يوميات عن زيارة كوريا
ولكن ماحدث بالأمس الجمعة في مسجد سول الرئيسي امر يستحق أن يذكر
كنت اشعر بضيق شديد رغم حالة الأنبهار التي كانت تنتابني في أول الأيام
حتي جاء موعد الصلاة في يوم الجمعة
ذهبنا الي المسجد
وعايز أقول اني لم اري ولا لحية منذ نزولي الي مطار اينشون حتي وصلت الي سلالم الي مسجد سول الرئيسي
وجدت رجلاً ينزل سلالم المسجد حاملاً مجمومة من الصحائف ويضعها علي باب المسجد
فذهبت اليه و القيت عليه السلام
وتبادلنا حديث قصير و عرقت منه أنه من تركيا ويدعي حسين و اعطاني احد الصحائف و اشار الي اخر صفحة منها مشيراً الي توقيت الصلوات في كوريا
ابتسمت وسالته عن ثمن الصحيفة فقال انها مجاناً
واخذتها و دخلت الي المسجد
وكنا قد ذهبنا مبكرين قليلاً فقمت بقراءة سورة الكهف , وبعد ان انتهيت تناولت الصحيفة لأري ما بها
وعادة أمسك وافتح الصحف من المنتصف وجدت بعض الحكم لسيدنا علي بن ابي طالب وأحاديث للرسول صلي الله عليه وسلم .
وقد كان هناك شك في قلبي من ان يكون هناك تأثر شيعي او صوفي لهل المسجد ألا أن هذا القلق زال تماماً بعد معرفة موضوع الخطبة .

الخطبة
أولاً علمت من الصحيفة التي تصدر كل يوم جمعة عي ما يبدو ان موضوع خطبة الجمعة عن مولد الرسول صلي الله عليه وسلم
طبعاً مش أحتفال
ده الخطبة بتحذر من الأحتفال
الخطيب و هو مساعد امام المسجد يدعي عبد الرحمن لي جونج
رجل ووقور هادئ ذو لحية خفيفة جداً لأن طبيعة أهل جنوب شرق أسيا ان اللحية لا تنبت عادة
ارتقي المنبر و القي السلام
وبدأ في الخطبة علي هدي الرسول صلي الله عليه وسلم
باللغة العربية ثم اكمل موضوع الخطبة باللغة النجليزية
لقد كنت مندهش وفرح جداً مما أري
الرجل يحذر من مخالفة شرع الله
وبدأ يسرد الأحاديث التي تحذر من البتداع معللاً أن الرسول صلي الله عليه وسلم لم يحتفل بعيد ميلاده وكذا لم يفعل صحابته رضوان الله عليهم ولازوجاته
فكيف بنا أن نفعل
وهم كانوا أكثر أيمانناً منا
وأكثر علماً و تطبيقاً لشريعة الله
واكثر حباً لرسول الله صلي الله عليه و سلم
كيف لنا هذا
كيف لنا ان نبتدع ما لم يجيئ به رسولنا الكريم صلي الله عليه وسلم
وذكر ان اعياد المسلمين عيدين
عيد الفطر و عيد الأضحي و ما غير ذلك فهو بدعة و ضلال
عبد الرحمن
كوري جنوبي
يعيش في سول
أحد اكبر و اغني وأجمل عواصم العالم
يتحدث بلسان الحق
تذكرت بالأمس القريب
لما حذر من الاحتفال بعيد الحب و عيد الم وغيره
تذكرت الجدال و الانكار من المسلمين في مصر
تذكرت
وغمرتني السعادة جداً
لما تذكرت جدتي وكيف كانت غاضبة من احتفال خالات بعيد الم وهي تقول لهم انه حرام و بدعة
وسألتها كيف علمتي هذا قالت من قناة الناس
جزاهم الله خير

أننا غافلون
ونفتقد العلم والنور
فلعل النور ياتي
ونفتح قلوبنا له
ونمهد الطريق لأذهاننا لتوعاه

وهدانا الله وأياكم أجمعين
وصلي الله هم علي سيدنا محمد وعلي أه و صحبه وسلم

زيت وماء

أنا ليا تعليق واحد علي موضوع الأحزاب و الجماعات في مصر

نظرية الزيت والماء

ممكن نرجهم في زجاجة

ونعمل عمايل فيهم

لكن عمرهم ما حيختلطوا ويعملوا مزيج

الزيت علي طول حيبقي عايز يطلع فوق الماء

المشكلة أن كلهم عايزين يبقوا

زيت

والمشكلة أن ماحدش حيعرف يشرب الزيت

ولا حيطيق ررحته

وسلمولي علي الصناديق اوييييييي

ليه الألوان مش طبيعية

ليه كانت بالألوان الطبيعية

يعني مين يبقي ايه

وهل هو فعلاً أيه اللي بيقولوا عليه

ولا هو عامل نفسه بيه

نفسه بس يبقي بيه

والناس كلها تشاور عليه

همه كرسي في الكلوب

والقلوب تقوم تهب

تهتف يحي البطل العظيم

اللي بيتكلم عشانا

بس بيتكلم عاشانا

موضوع الالوان كان موضوع حازز في نفسي جداً , بيألم ويحير

كنت لما أشوف الناس بتتكلم بلسان مش لسانهم وهمهم هم متزرعش جوه قلوبهم

أو نقدر نقول الزرعة غلط

كان أخواني المدونين او غيرهم اللي بيدافعوا عن مصر وشرف الوطن

وتبص لأولوياته فيلم أمريكي

ومركزثفاقته السينما الأمريكية

والأغاني الغربي هي كل مايعنيه

فتلاقي اللوان بهتانة

مش عارف تميزها من بعض

انا واحد من الناس دول

واحد من الي كان ده همهم

اللي خالاني اكتب البوست اللي فات ده حاجة مهمة جداً

أن الناس فعلاً مش عارفة تفرق بين الصح و الغلط

أو عايزين الصح يجيلهم علي طبق من فضة

وممكن يموتوا لو الغلط لبس قناع وأوهمهم أنه الصح

هما ليه بيتألموا من منظر الحبيبة علي الكورنيش

ويتالموا اكتر لو كانت البنات محجبات

طبعً الكنظر مقزز

وهما فاكرين أن ده غلط في الحجاب أو حتي النقاب او اللحية

ولباس الدين لايغني عنه

يعني اللي بيلبس ملابس التنس مش شرط أنه بيعرف يعوم

ممكن هو لسه بيتعلم

ومش كل مين لبس بدلة ممكن يكون عريس

ومش كل مين لبس لبس الكورة أصبح لعيب كورة

ولوطلع الكورة اوت يبقي العيب في الكورة واللي بيلعبوها

الوضيع مش صطحية

ولازم نعذر الناس وننظر لأنفسنا

نغير من انفسنا

نقدي لوائل مكنش نقد اعمي ولا هجوم لاذع

بس وائل واحد من الناس ديه

اللي العلمانية و أضواء كل ما هو غربي تعمي عيونهم

وكمان من اللي فاكرين ان اللبس هو اللي بيحدد شخصية الانسان

ده هو حكم علي كل النساء اللي بتلبس لبس عريان انهم مش كويسين علي حد قوله مع أختلاف الالفاظ

عموماً

اهو كله كلام بحاول ميكنش كلام والسلام

بالألوان الطبيعية

المقال ده متأخر كام يوم

كان في الدرافت وكنت متردد انشره

الرجاء لو حد حيعلق يقرأ المقال لأخره

واحده واحده

الأسكندرية -17 مارس 2007 -بينو -دمي محروق

الألوان

أتعلمون كيف تميز اعييننا الألوان
يعني أزاي لما أبص لوردة حمراء أشوفها حمراء أو أبص لأشارة مرور خضراء أجري بالعربية عشان عنيا ميزت الخضار بينط من الأشارة,الفكرة مش في اللون الفكرة في سطح المادة نفسه
هتقولي يعني أيه
أقولك أن فيه مواد لما يسقط عليها الضوء تمتص كل الألوان وتعكس لون واحد هو اللون الذي نراه ونميز به كل لون عن الأخر
بجد
أيوة بجد ده معناه أن أن مفيش حاجة لونها أحمر :(
ولا حاجة لونها أخضر
و لا ولا
وده كمان بيفسر انخفاض تمييز الألوان خلال الليل لأن كمية الضوء التي تنعكس من الأجسام تكون قليلة وذلك لضعف المصدر اللي هو الشمس اللي غربت بأذن ربها ساعة المغرب
طب اللون الأبيض و الأسود
:)
سبحان الخالق
اللون الأبيض هو أقوي الألوان
يعني الاجسام البيضاء هي أقوي الأجسام
لأنها تعكس جميع الألوان
كل الالوان
مش بس المرئية
وغير المرئية كمان
يعني كل درجات الأشعة اللي بتيجي
علي تلك الأجسام بتنعكس كليتاً فتظهر باللون الأبيض
طب والأسود
دي أضعف الأجسام
عندها أستعداد تأخد كل حاجة
كل لون و كل درجة أشعة
أجسام أنانية
تحتفظ بكل شئ لنفسها وبداخلها
ولذلك تظهر سوداء قاتمة
فهي لا تعكس شئ
فخمتوا
طيب أنا ليه بتكلم عن الألوان
همممم

تخيلتيني
أو تخيلتنا أحنا كلنا زي الألوان
كلنا لينا ألوان
وكلنا مصادر أضاءة
كلنا نضئ لبعضنا وكل حسب لونه
منا أحمر وأزرق وأخضر ودول أحنا عارفينهم
ومنا أبيض
ومنا أسود
بياخد كل شئ
وبيسرق أي شئ
ومابيسبش غير
القتامة
والكأبة
والحقد
والأرف

زوج أختي ربنا يتوب عليا وعليه( أمين) هو السبب
قعد يقولي حوريك حاجة لعمرو أديب وألح وفرجني
وبعدين دخلني علي مدونة الفضائح
تلك المدونة التي أكرهها من كل ذرة في قلبي
التي تعرض كل ما هو قبيح وعار ومؤذي للمشاعر
والمشكلة أنه واقع يحيا بيننا
والناس اللي بيتعرضوا ممكن يكونو جيرانك أو أهلك
وكمان اللي بيكتب في المدونة شاب عادي
زي وزيك
يعني حتي مش واحد من من يلبسون الأقنعة
ويعتلون منابر الأعلام الموجه لبث السموم
والمشكلة الأخري أنه من الناس اللي بيقولوا "مصر هي أمي " طب لو هي أمك
ترضي لها أنها تتعري
ترضي لها الأذي
ترضي لأهلها الفضيحة
علي كل حال مش ديه القصة خالص
القصة قصتين
وكل قصة بتكمل التاني
زي المسلسل كده يعني لو حنتكلم بالهجايص

لما دخلت مدونته ويعلم الله أني لم أدخلها منذ شهور
وجدته كاتب موضوع عادي عن زيارة لتركيا
وصور وبلاه بلاه ولوك لوك لوك
وتقفت مع كلماته في بداية الموضوع
"هو إني شفت إن الإسلام في تركيا أصح منه في مصر حاليامش علشان تركيا بقت بلد علمانيلكن علشان بقت بلد فيه حرية وكل واحد في "حالهاللي بيبوس صاحبته ويحضنها في الشارع جنب اللي لابسه خمار ونقاببلد نظيفة أنيقة كما يجب ان يكون المسلم
طبعاً كلام ماينفعش يتقال غير أنه سفه
يعني كلام طالع من واحد عايز يتكلم وخلاص
حتي موازين حكمه علي الأسلام معوجة ولكنه معذور لجهله الشديد
والجهل يا أخويا يا وائل مش شتيمة
يعني كلنا جهلاء أكيد
يعني كلنا مش عارفين كل حاجة

وأنا حارد علي كلماتك بأية
{كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ }آل عمران110
طبعاً الكلام اللي أنت قلته ولا فيه امر بالمعروف ولا نهي عن المنكر
ولكنه هو الفسق
ودور علي معني الفسق

ويتهادي الأخ بكلماته ليقارن بين وهجو وينقد الوهابية
والواضح أنه لم يقرأ أبداً عن الشيخ محمد بن عبد الوهاب
ولم يذكر دعوته للعودة لسنة رسول الله صلي الله عليه وسلم والبد عن البدع والضلال
وكأنه بيقول أن البوس في الشوارع هو ده الصح
طبعاً كلام فارغ
كلام علمانية عمياء

{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ }النور19

وبعد ذلك يذكر تحت صورة من الصور لأمرأة تقف أما جدار وتضع أصبعها في ثقب فيه
وكتب التالي
كل الشعوب يظهر عندها تخاريفهاودي واحدة من تخاريف الأتراك اللي على رغم إن دولتهم علمانية إلا إن ثقافة الشعب حافظت على نفسها والحمد لله لسه ما وصلهمش الغزو السعودي الوهابي التيميي الحنبلي اللي وصلنا في مصرده بيسموه ثقب جبريل وهو في أحد أعمدة أيا صوفياوالثقب ده لو حطيت صباع الابهام فيه وعرفت تدور ايدك دورة كاملة يبقى أمنيتك ها تتحققلاحظوا ان النحاس اللي محطوط حوالين الخرم ده بيتبيض اوتوماتيك بايدين الناس بينما باقى النحاس ............................
طبعا كلامه مردود عليه مما قاله
بيحمد ربنا أن الناس لسه بتخرف
بيحمد ربنا أن محدش رحلهم وقال يا جماعة اللي أنتم بتعملوه ده غلط
عبادة الله ليست بهذه الطريقة
عبادة الله ليست بالتبارك
يعني من الأخر عايز كل واحد يعبد ربنا علي مزاجه
يعني الحمد لله أن أحنا وصلنا كلام الشيخ محمد بن عبد الوهاب
كان زمان وائل قاعد أما قبر الحسين ولا السيدة زينب
وبيتمسح عشان نتيجة الثانوية
ولا عشان يتوظف
الحمد لله
بيتكلم علي الشيخ بن تيمية وبن حنبل كأنهم بيلعبوا معاه في الشارع
ينكرهم وينكر فضلهم عليه وعلي أهله وأهلي
طبعاً
من غيرهم حيبقي الحال سايب
كل واحد يعمل اللي هو عايزه
ديسكو وبارات وسجاير ومخدرات
وجنس وزنا
وغناء ووووو

كملت لأني سخنت
وأكتشفت ان كان مسافر ومعاه وفد يضم فتيات من مصر
وأنهرت
قلت أطلع لفوق أشوف هما كانوا مسافرين ليه
الحوار بين الشباب من أوروبا ومن الشرق الأوسطكان فيه شباب من مصر ولبنان وتركيا وسوريا والأردن وفلسطين والدنمارك والنرويج وفنلندا وألمانيا ودول أخرى
:)
الحوار
ودعوة للتعايش
نفس الألوان
طب البنات رايحة تهبب أيه
تتعايش
تتحاور
كان فيه بنات محجبات طبعاً
حرية
وطبعاً
كان فيه محرم لكل واحدة
هما دول اللي بيمثلوا المسلمين في التحاور
كملت طبعاً مع سلسلة من الكلام القبيح في وصف كل شئ
من النساء حتي مكونات الغرف في الفندق
كأنه مازرش أحد فنادق القاهرة زي كونراد ولا فورسيزونز
والحمد لله انه مارحش
طبعاً التركيز كان علي اي شئ له علاقة بالجنس
مش عارف أيه الحكاية كأن مفيش في الحياة غيره


انا ترددت كثيراً في نقل الفقرة ديه علي لسانه ولكنها مهمة للنشر
لنشر حقيقة سطحية ما وصل أليه الشباب
سطحية غبية بتهدم وماتبنيش
نبشش وهبش وخلاص زي اللي بيعفر في الطريق عشان الناس تعرف أنه موجود
لهم شافوه ومانابهم غير العفرة
أستاذ وائل كتب الجملة التالية

والإسلام تجده في المعاملة ولا يغشك ولا ينصب عليك أحد حتى لو كنت سائحا وحتى لو كنت تدفع بالدولارمش تلاقي واحد دقنه قد كده وحرامي بيغش في الميزان ويسرقك عيني عينك في عز الضهر الأحمر ولا واحد برضه بدقن عيره فاتح مطعم تاكل من عنده وتاني يوم يجيلك تسمم ولا نزلة معوية علشان البيه المتدين ما بيغسلش الخضار ولا واحدة محجبة أو حتى منقبة في حتتها وبين عيلتها وبالليل بتشتغل في ملهى ليلي وتقلع كل الزيف اللي لابساههناك اللي بتشوفه هو الحقيقة (...) يبقى بتلبس (....) ملتزمة يبقى بتلبس ملتزمةمحدش هناك بينافق المجتمع ولا بيستتر بالدين علشان يداري إجرامه والمجتمع يتقبلهإسلام تركيا العلمانية أحسن من إسلام مصر الحزب الوطني اللي حبس كريم عامر والإخوان في نفس الوقت

طبعاً الجملة ديه ممكن يتكتب فيها عشر مواضيع
بس انا حختصر الموضوع في السطحية
يعني لو فيه عربية مرسيدس
ٍS 300
يعني أخر حاجة
وواحد دخل بيها في عمود
جبها نصين
حنلوم مين
العربية
ولا الحمار اللس سايق العربية
حنلوم شركة مرسيدس ولا البيه اللي مش حاسس بنفسه
حنلوم الأسلام ولا الجهلة اللي مش عارفين يطبقوه
أرحمونا يا قوم
أنت عايزين كل واحد يعلق علي صدره يافطة
كل واحد يقول لونه
انا ملتزم
أنا بذئ
أنا حشاش
انا عاهرة
أنا حرامي
أنا
أنا
ولا عايزين أيه
هذه هي حياة
التي خلقها الله
يغفر لمن يشاء ويعذب من يشاء
يرحم
ربنا بيرحم

بيفكرني بصديق
حكي لي حكاية وسط حوار طويييييييل ومناقشة مجهدة علي ضفاف فناة السويس
عن حالة الخلط
قالي أنه كان راكب البولمان ورايح علي بورسعيد
والأتوبيس مستني في المحطة لقي واحدة لابسة أسدال وداخلة ومعاها والدها اللي كان جاي بيوصلها
يظهر عليها علامات الأدب والخجل ودعت والدها وركبت الأتوبيس
وأتحرك الأتوبيس
وهي أتحركت
قامت وقلعت الأسدال
وكانت لابسة تحتيه هدوم تانية
ضيقة
بيقول الدم غلي في نافوخه وكان نفسه يقوم يضربها
سألته سؤال واحد
انت بتحشش ؟
رد بتردد وقال أههه ساعات
قلتله
والدك عارف

وشه أحمر وقال لأ
قلتله انا أعمل فيك ايه
أقوم أضربك
خليك في نفسك

صلح حالك

وارينا الأسلام الصح

حكاية اخري لأخ ملتحي دخل المترو
وجلس يقرأ في المصحف
ثم في احد المحطات
دخلت فتاة الي عربة المترو
شبه عارية
و طبعاً نظرات الناس أتجهت اليها وهمس وغمز وأنبساط
والأخ لم يرفع عينيه عن المصحف أنتظاراً لمحطته
ولم تنزل البنت رغم تحركها الي الباب أكثر من مرة بطريق غريبة و الناس مبسوطة طبعاً
فقام الاخ وخلع جلبابه
وكان يلبس تحته بنطال وتيشيرت تستر عورته تماماً
قام الناس وصرخوا فيه
أنت أيه اللي بتعمله ده
رد
يعني أنا أستر عورتي وتنتقدوني
وهي عارية وتنظرون اليها وتضحكون

فيه قصة تانية مهمة بس حقولها بعدين
وكفاية كده
عشان أنا الدم فاير خلاص
أدعولي
كلكم
والله أعلم اذا كنت حقدر أدخل علي المدونة الأيام الجاية ولا لأ
فأعذوروني

أرض رخوة

حضرته:مش حينفع تسافر كده
هو:ليه حضرتك؟
حضرته:لحيتك حتعملك مشاكل يا بشمهندس
هو:أن شاء الله ربنا ييسر الأمور حضرتك
حضرته:أيوة يا بشمهندس أنت هنا الأمور مكعبلة انما هناك حتلاقي الناس بتعاملك معاملة وحشة
هو:ليه ؟
حضرته :عشان هما واخدين فكرة وحشة عن المسلمين
هو: مين اللي أداهم الفكرة ديه؟
حضرته: أحنا
هو: ومين اللي حيصلح الفكرة ديه ؟
حضرته: أحنا
هو :وهو ده اللي أنا بعمله
حضرته:يعني أنت فاكر أن اللي أنت بتعمله هو الصح ,أنت من كام سنة كنت فاكر نفسك صح , وبعد كام سنة حتقول أن أنت كنت غلط
هو :الكلام ده مش صح
حضرته : ليه
هو:كنت قبل كده فاكر أني صح ومعنديشأثبات
ودلوقتي أنا عارف أني صح ومعايا أثبات
حضرته : اي أثبات
هو : الحاجة الوحيدة اللي مفيهاش جدال
الكتاب والسنة
حضرت:ه الكتاب والسنة علي رأسي من فوق لكن الأوامر ماببتفهمش كده
هو :أمال الأوامر تتنفذ أزاي يا بشمهندس

سكتة ثم


حضرته : لازم الأمور تتفهم بالعقل
ربنا عرفوه بالعقل
هو : ربنا عرفوه بالفطرة
حضرته : الفطرة هي العقل
هو : لو حضرتك أقريت أن الفطرة هي العقل يبقي ماشي
حضرته : الدين مش قوالب جامدة كده
هو: ولا مايع
حضرته : مقولتش مايع يعني تمشي وتندغ لبانة
هو : أنا قلت أنه مش مايع ولا جامد
حضرته : أيوة يعني الوسط هو احسن شئ
هو : أي وسط كل واحد فاهم الوسط علي مزاجه , حتي اللي بيصاحب بنات ومش بيزني مثلاً فاكر انه صح وده الوسط
:)
حضرته :يا أبني الوسطية يعني عدم التزمت
هو :تزمت ؟
يعني الرسول صلي الله عليه وسلم كان متزمت
نرفزة خفيفة
حضرته :أنا مقلتلكش احلق لحيتك , قلتلك خففها
هو:الموضوع موضوع مبدأ وعقيدة و شئ أنا مقتنع ومؤمن بيه تماماً
هل تستطيع التخلي عن مبادئك ؟
حضرته : انت حر أنا بنصحك ومش بضغط عليك
هو: وأنا بحترم في حضرتك الحوار



ما بين أحترامنا لأتفسنا
وسكة عقيدتنا التي لا حياد عنها
ومن الذي سيدافع
ومن الذي سيتمسك لو كلنا هربنا الي الخنادق
لماذا نحترم من يفسد
بل ننظر اليه ونضحك

من سيغير
أليس أنفسنا هي الأولي أن تتغير
فالواقع لن يتغير أبداً أبداً أبداً
أنا مؤمن بذلك
{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11

أليس هذا كلام المولي عز وجل
التغيير لن يأتي للكل حتي يتغير الجزء
أصغر جزء

وليس الصواب أن نتبع العصاة الغافلين الضالين عن الحق
نتبعهم في كل شئ
حتي الوساخة
أذا دخلوا الجحور
وأذا مشوا في الشوارع عراة
أذا اختلطوا
وهاجوا وماجوا
لماذا نتأثر بهم في كل صغيرة كانت
ولم يتأثروا بنا
لماذا هم متمسكين بما يؤمنون به وهم علي باطل
ونحن سهل أن نسيب و نتخلي ونحن علي الحق

باللمس تاني

أحد الموضوعات اللي كنت كاتبها قبل كده يعني هفلطة كلام بس حقيقة

لمساً تحركت انامله
برقة شديدة فوق انبعاجاتها
يتلمسها برفق
و تترجم انثنائات جفونه المغلقة عن تأثره الشديد بما يشعر به جراء هذه اللمسات
كان يمسك بين يديه هذا الكتاب
يتنقل فوق اسطره المكتوبة بطريق بريل
يقرأ
و يستمتع
بالقرأن الكريم
باللمس
يا له من شعور
هل جربت يوماً أن تلمس القرأن
تحسه
تشعر به داخلك
كان هذا الشاب الكفيف يقتلني بما يفعله
حمدت ربي علي نعمة الأبصار التي وهبني أياها
وحمدته أن جعلني أشكر هذه النعمة
لبثت اراقبه
فهو لا يقرا بأصابعه فقط
أنما بقلبه
عينيه المغلقتين تقولان هذا
و لعلهما توحيان بهذا
كان هذا الكفيف و غيره يجعلني أشعر باهمية ما حولي
و أهمية أن تتفاعل معه
فالكفيف كل ما حوله يحسه
لماذا
أن البصير يري كل شئ
كصورة مجمله
مثلاً كأن تدخل غرفتك كل يوم
أو كل ساعة
ربما لتحضر شئ ما منها
عينيك ستهمل كل التفاصيل
فقط انت تريد حاجتك
لن تلاحظ مثلاً تغييراً في موقع أحد أثاث الغرفة
ربما بعد فترة
أما لو كنت كفيفاً
فكل ما حولك هو خريطتك
كل قطعة اثاث في بيتك هي مرشدك الي طريقك
أن الكفيف يشعر بكل ماحوله فعلاً
و كل شئ له معه علاقة و قصة
شاء القدر ان التقي باحد المكفوفين
و شاء القدر أن يكون هو دليلي الي أحد البيوت
وكانت زوجته تسير معه معظم الوقت
و لكنها لم تكن تتذكر هذا البيت المطلوب
قال لي وقتها أخي الكفيف
أدخلني مدخل البيت و سأعلم اذا كان هو أم لا
وولج من مدخل البيت
و أرتقي درجاته
و بعد 5 أو 6 درجات
قال لي أن هذا هو البيت المطلوب
أستعجبت و احس هو بذلك
فابتسم و قال لي بالحرف
أصل سلالام البيت مكعبلة
ضحكت , كان تعبيره دقيق
لأن سلالم البيت كانت مكعبلة فعلاً
يعني كل سلمة مقاس غير الأخر
سبحان الله
أردت ان أكون مبصراً بحس كفيف
تشعر بكل ما حولك
و تحسه و تلمسه
تمنيت أن أكون بهذا الحس مع زوجتي
أشعر بما داخلها من نبرة صوتها
أشعر بما يضيق صدر أصدقائي به عندما القاهم
أشعر بأمي و لهفتها عند عودتي من السفر
أشعر بجمود أبي و صلابته رغم حنينه الي
أشعر بالاشجار التي تسبح في ملكوت الله متمايلة
هل حاولت قبلاً
ان تصبح مبصراً كفيفاً
حاول ان تكون هذا الرجل يوماً
مع زوجتك
مع اصدقائك
مع اهلك
مع قطتك
حتي مع جهاز الكومبيوتر الذي تستخدمه الان
لن أقولها لك
باللمس
بل بالهمس

الرفقة

تضامنا مع أختي في الله

رفقة عمر
رفقة التدوين

رفقة العقل

ألهمها الله الصبر علي وفاة والدها

ولعل مرضه يكون رفع درجاته أن شاء الله

أدعوكم أخواني وأخواتي في الله

الي الأستماع الي درس الشيخ الجميل حفظه الله

محمد حسان

فبه الفائدة

ومايثبتنا أجمعين بأذن الله

لا أريد أن أستحلفكم بالله

ولكن

خالاجاتي

لملمت خالاجاتي ومفارق

ساعات مش جاية علي مقاسي

وناس مش حاسة أحساسي

وعيون بجحة ومش بتحس

وناس رايقة و مش فايقة

ولسه الأرض بتنادي

علي دم من زمان طعمه ما دقتهوش

يا عيني يا أرض ده أنا خايف

يطولك دم من كيس الغلابة

يصيبك من اللي صابهم

وأبقي مش طايق

أدوسك حتي بأقدامي

وفرسي يصبح كاره لمسة لجامي

يقولي ده حتي الأرض يا صحبي

متنفعنيش



وحتي البحر مش طايق

وداق من الدم وشرب الهم

وغمة نفسه وضاقت نفسه

وثار و انهار علي بيوت الغلابة

وقال يا ولاد ده عندي أخر أنذار

أنا مش مختوم

أنا يمكن أتأخرت شوية في المقال ده
بس كان لازم أقول
أنا مش مختوم
وبسجل أعتراضي علي الدعوة التي أنتشرت الأيام السابقة علي المدونات لحضور
مقابلة المدونين اللي حتبقي بكرة الجمعة
الدعوة أرتبطت بعبارات غريبة زي "دعوة خاصة للأخوات المدونات "
و "يارب مايتقبض علينا "
وغيره
خروج عن هدف التدوين
وأختلاط غير شرعي
وربنا يصلح النوايا
والعملية أصبحت شات ومقبلات
مش حتكلم أكتر من كده بس حقول
أنا مش مدون أنا نقاش
الناس اللي حيروحوا متنساش تأخد الختم