بسم الله الرحمن الرحيم
و الصلاة و السلام علي رسول الله صلي الله عليه و سلم
طبعاً أي حد حيقرأ العنوان حيفتكر أن الكلام عن الصحابي خالد بن الوليد
ربط الاسم المطلق مع الطابع الديني اللي بحاول أوصله من أن لأخر في كتاباتي
لعلها تنضح علي شخصيتي يوماً .
أكيد أفتكرتوه خالد بن الوليد
طب حد قرأ جريدة الاهرام أنهاردة
أنا واخد عهد من فترة أني لا أشتري أي جرائد رسمية بسبب خبر قرأته بس حقول عليه بعدين
ممكن أشتري المصري اليوم أو الدستور رغم أعتراضي التام علي علمانيتهم المفرطة اللي طرشت في كل الصفحات
أنا رجعت البيت مكن ساعة و كنت ناوي أهزي بأي حاجة علي المدونة
كان عنده ثلاث ثقوب في القلب
و لكني تراجعت
و قلت مش كاتب عنهم
وقفلت الكومبيوتر
و قمت
لقيت جريدة الاهرام
أهرام الجمعة
علي الكنبة
طبعاً عارفين جريدة الاهرام
تلك الكتلة الكبيرة من الاوراق
أه ه ه
تلك الكتلة التي كانت لطالما تغريني عشان ألتهمها
أعلانات أشكال و ألوان
700 صفحة رياضة في النص
و شوية صفحات مكررة في الاول و الاخر
هذه الكتلة اللعينة المائلة للصفرة لوناً و طعماً
أغرتني
و قلبت في الاوراق
قلبت الكام صفحة اللي في الاول كالعادة لثقتي الشديدة لفراغهم من الجديد
و تركت الرياضة لأني كنت لسه شايفها علي النت
و ركزت علي الاعلانات
وبعدين طل عليا بوجهه يملاْْء الصفحة
أعلان في صفحة كاملة
الوليد
السيرة الشخصية للأمير الوليد بن طلال
الكتاب يباع ب 20 جنيه و معاه CD فيلم وثائقي عن الامير
الملياردير رجل الأعمال صاحب السمو
خيال علمي
سيرة ذاتية لرجل حي
سيرة ذاتية لتاريخ لم أسمع أو أري فيه شئ علي حد علمي
يدعو للفخر و التسجيل
و كمان فيلم
الحمد لله الذي عافانا جميعاً
الحمد لله علي نعمه جميعاً
الوليد
ICON
و ممكن أن نقول علامة مميزة
و هذه سيرته الشخصية في الدنيا
و فخر و أعتزاز
و تسجيل للتاريخ
شراء لسمعة لن تجني بكتاب
وصيت حصد قبلاً بأيدي العازفين
أصوات علت
وأجساد أهتزت
و و و و ...................
أنا لا أريد أن أخوض في الرجل
و لا أعلم قدره عند الخالق عز وجل
و ماندري جميعاً علي ماذا نبعث
اللهم ثبتنا بالقول الثابت في الحياة الدنيا
و في الاخرة
ولكني نبت الشوق
و الفضول
في جنبات صدري
لأعلم
سيرة
أمير الفضاء الذاتية
لو حد أشتري الكتاب و قرأه
يقولي بسرعة :)
وحاول تغمض عنينك
هناك ٣ تعليقات:
اولا انا بجد اعتز باللى ينصحنى بالنسبه لمدونه كازانوفا انا وجدتها بتتكلم عن الحجاب والاسلام بنظرة عابرة قلت اضيفها وبعد بعد كدة اقرئها يعنى لسه ماعرفشى محتواها ايه انا بحاول انشر المدونات اللى بتتكلم عن الاسلام او لها هدف بس اول ماقلتلى احذفيها حذفتها من غير ما اعرف محتواها اما بالنسبه للاغانى ذى انا معاك ان الاغانى التى تثير العاطفه حرام بس انا بجد باحاول اوصل للناس اللى بعيدة قوى فلاقيت اغانى سامى يوسف معبره وبسيطه فاضفتها وبعدين ذى مافى اراء مختلفه على النقاب فى اراء مختلفه ايضا على الاغانى والموسيقى وااقصد طبعا الاغانى الحلال مش الاغانى الحرام يعنى مثلا الامام ابن حزم اباح الغناء وايضا الشيخ القرضاوى هو من المباحات وانا هدفى من مدونتى مش مجرد ن الناس تقرأ وبس انا عاملها لله وانها ممكن تأثر فى احد حتى ولو واحد من ضمن الملاين الرسول الكريم قال لانى يهدى الله بك احدا خيرا لك من حمر النعم
انا عايزة ااقولك حاجه صغيرة انت عنيف شويه فى نصحك بس انا مش زعلانه بس علشان مافيش حد تانى ممكن يزعل ويأخذها بشك عدائى
أخي بينو .. وصلني إيميل برضه عن قصة حياة الوليد وكيف وصل لثروته الحالية وإنه استثمر أمواله في البورصة وفي نهاية الإيميل إعلان عن شركة تستثمر لك الأموال في البورصة وأظن الإعلان الضخم المذكور والسي دي .. ممكن يكون برعاية شركات في هذا المجال لمداعبة أحلام الثراء لدى غالبية الناس ..
الأخ ماعلينا
الأعلان كان عن الكتاب
الكتاب نفسه
سيرة الوليد بن طلال
و كان صدر الأعلان أنه بيع منه الاف النسخ
إرسال تعليق